ឃាត់ខ្លួនជនជាតិនីហ្សេរីយ៉ា២៦នាក់ដែលរស់ និងធ្វើការងារខុសច្បាប់(មានវីដេអូ)
រាជធានីភ្នំពេញ ៖ បុរសជនជាតិនីហ្សេរីយ៉ាចំនួន២៦នាក់បានលួចឆ្លងដែនចូលមកស្នាក់នៅ និងធ្វើការងារដោយ ខុសច្បាប់
រាជធានីភ្នំពេញ ៖ បុរសជនជាតិនីហ្សេរីយ៉ាចំនួន២៦នាក់បានលួចឆ្លងដែនចូលមកស្នាក់នៅ និងធ្វើការងារដោយ ខុសច្បាប់ក្នុងភូមិសាស្ត្រខណ្ឌពោធិ៍សែនជ័យ ត្រូវបានកម្លាំងនគរបាលនាយកដ្ឋាន ស៊ើបអង្កេត និងអនុវត្តនីតិវិធី នៃអគ្គនាយដ្ឋានអន្តោប្រវេសន៏ធ្វើការស្រាវជ្រាវរហូតទទួលបានព័ត៌មានជាក់លាក់មួយទើបចុះទៅធ្វើការឃាត់ខ្លួនបានតែម្ដង ។ បន្ទាប់ជនបរទេសទាំងនោះត្រូវបានបញ្ជូនបន្តទៅធ្វើការសួរនាំនៅអគ្គនាយកដ្ឋានអន្តោប្រវេសន៏ដែលមានទីតាំងស្ថិតនៅតាមបណ្ដោយមហាវិថីសហព័ន្ធរុស្ស៊ី មុខអាកាសយានដ្ឋានអន្តរជាតិភ្នំពេញ ភូមិក្បាលដំរី សង្កាត់កាកាប ។
ប្រតិបត្តិការនោះបានធ្វើឡើងកាលពីវេលាម៉ោង១១ព្រឹកថ្ងៃទី១៥ មីនា នៅក្នុងផ្ទះជួលស្ថិតនៅក្នុងបុរីពិភពថ្មី ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ក្រោមការដឹកនាំដោយលោកឧត្តមសេនីយ៍ទោ អ៊ុក ហៃសីឡា សហការណ៏ជាមួយកម្លាំងនគរបាលការិយាល័យអន្តោប្រវេសន៏នៃស្នងការនគរបាលរាជធានី រួមជាមួយនគរបាលប៉ុស្ដិ៍ចោមចៅ ក្រោមការសម្របសម្រួលដោយលោក សៀង សុខ ព្រះរាជអាជ្ញារងអមសាលាដំបូងរាជធានី ។
នគរបាលខាងលើបានឲ្យដឹងថា ជនជាតិនីហ្សេរីយ៉ាទាំង២៦នាក់ដែលត្រូវបានកម្លាំងធ្វើការឃាត់ខ្លួននាពេល នេះបានលួចឆ្លងដែនចូលមកស្នាក់នៅ និងធ្វើការងារដោយខុសច្បាប់នៅក្នុងព្រះរាជាណាចក្រកម្ពុជាដោយមើលស្រាលស្មានថា សមត្ថកិច្ចនៃប្រទេសយើងមិនដឹងហើយនៅបានសុខស្រួល ប៉ុន្តែមិនដូច្នេះទេកម្លាំងនគរបាល បានចុះធ្វើការស្រាវជ្រាវរហូតបានដឹងច្បាស់ក៏បានចុះធ្វើការឃាត់ខ្លួនតែម្ដង ។ ក្រោយពេលឃាត់បានធ្វើការត្រួតពិនិត្យឃើញថា ក្នុងចំណោមជនស្បែកខ្មៅទាំង២៦នាក់នោះគ្មានទាំងលិខតឆ្លងដែន និងសៀវភៅការងារទៀតផងបានន័យថា ពួកគេសុទ្ធតែខុសច្បាប់ទាំងអស់ ពួកគេត្រូវចាប់ខ្លួនពីបទលួចស្នាក់នៅ និងធ្វើការងារខុសច្បាប់ ៕
ចែករំលែកព័តមាននេះ