ម្ចាស់មេដាយមាស សុវណ្ណ គីរី បានចូលសិល្បៈលែងងាកក្រោយ
រាជធានីភ្នំពេញ ៖ ជាគ្រូជម្រើសជាតិកីឡាការ៉ាតេដូ ដែលបានចូលលេងក្នុងនាមជាកីឡាករសមាគមការ៉ាតេដូក្រសួងមហាផ្ទៃ លោក សុវណ្ណ គីរី ត្រូវបានគេកត់សម្គាល់ថា
រាជធានីភ្នំពេញ ៖ ជាគ្រូជម្រើសជាតិកីឡាការ៉ាតេដូ ដែលបានចូលលេងក្នុងនាមជាកីឡាករសមាគមការ៉ាតេដូក្រសួងមហាផ្ទៃ លោក សុវណ្ណ គីរី ត្រូវបានគេកត់សម្គាល់ថា
រាជធានីភ្នំពេញ ៖ ជាគ្រូជម្រើសជាតិកីឡាការ៉ាតេដូ ដែលបានចូលលេងក្នុងនាមជាកីឡាករសមាគមការ៉ាតេដូក្រសួងមហាផ្ទៃ លោក សុវណ្ណ គីរី ត្រូវបានគេកត់សម្គាល់ថា បានក្លាយជាតារាសិល្បៈយ៉ាងពេញមុខពេញមាត់ព្រោះតែទេពកោសល្យនិយាយកំប្លែង និងអាចវាយតប់បានយ៉ាងរស់រវើក ។ អ៊ីចឹងហើយទើបកីឡាកររូបនេះលែងងាកក្រោយតែម្ដង នៅពេលសួរថាតើអាជីពការ៉ាតេដូពេលណាទើបមានការប្រកួត ។
ទោះបីយ៉ាងណា លោកក៏មិនភ្លេចបង្វឹកសិស្សឱ្យចេះក្បាច់គុននោះដែរ ដ្បិតថារវល់ការងារសិល្បៈលែងចង់មានពេលសម្រាក ។
ម្ចាស់មេដាយមាស៣លើ៣វិញ្ញាសាការ៉ាតេដូកាលពីឆ្នាំ២០១០រូបនេះ ត្រូវគេស្គាល់កាន់តែច្បាស់ថា ជាតារាសិល្បៈដែលជោគជ័យម្នាក់។
លោកគឺជាកីឡាករតែម្នាក់គត់ ដែលត្រូវបានសហព័ន្ធបញ្ជូនឲ្យទៅហ្វឹកហាត់រយៈពេល១ឆ្នាំនៅឯប្រទេសជប៉ុនកាលពីឆ្នាំ២០០៥ ហើយគេក៏ជាគ្រូបង្វឹកជម្រើសជាតិកីឡាការ៉ាតេដូដ៏ឆ្នើមម្នាក់ នាពេលបច្ចុប្បន្ន ។ ក្នុងតួនាទីជាកីឡាកររបស់សមាគមការ៉ាតេដូក្រសួងមហាផ្ទៃ លោក សុវណ្ណ គីរី បានទទួលចំណាត់ថ្នាក់លេខ១ នៅលើវិញ្ញាសាកាតាឯកត្តជនបុរសអាយុ១៧ឆ្នាំឡើង វិញ្ញាសាប្រយុទ្ធឯកត្តជនទម្ងន់៦៥គីឡូក្រាម និងវិញ្ញាសាប្រយុទ្ធឯកត្តជនទម្ងន់សេរី ។
កីឡាកររូបនេះរមែងធ្វើឱ្យការប្រកួតរបស់ខ្លួនទទួលជោគជ័យ និងមានមោទនភាពយ៉ាងខ្លាំងចាប់តាំងពីគេបានវិវត្តក្លាយជាកីឡាករឆ្នើមម្នាក់ ។ ក្នុងនោះការប្រកួតស្ទើរគ្រប់លើកក៏ដណ្ដើមបានមេដាយធ្វើឱ្យកេរ្តិ៍ឈ្មោះល្បីល្បាញមិនធម្មតានៅក្នុងវិស័យកីឡា ។ យ៉ាងណាមិញ ងាកទៅមើលវិស័យសិល្បៈវិញ លោកក៏ទទួលជោគជ័យមិនធម្មតាដែរ មិនថាអាជីពសម្ដែង ពិធីករ និងតារាចម្រៀងនោះទេ ។ លោកគឺជាតារាក្បាច់គុនដែលមានរូបសង្ហារ និងមានទេពកោសល្យសិល្បៈ ទើបហាក់ដាច់ឆ្ងាយខ្លាំងឡើងជាមួយនឹងការប្រកួតកីឡា ។
លោក សុវណ្ណ គីរី បានអះអាងថា លោកគឺជាកីឡាករផ្នែកការ៉ាតេដូ ដែលមានចំណូលចិត្តលើវិស័យសិល្បៈ ទើបបានហក់ចូលការសម្ដែងនៅពេលមានគេទាក់ទងឱ្យថតជាតួវាយតប់ ហើយហក់ទៅថតជាតួក្រមិចក្រមើម និងកំប្លុកកំប្លែងបន្ថែមទៀត ដោយសារតែលោកជាមនុស្សចូលចិត្តលេងសើចច្រើនស្រាប់ ។ លោកថា អាជីព២គឺកីឡាការ៉ាតេដូ និងសិល្បៈជោគជ័យព្រមគ្នា តែលោកក៏ទទួលស្គាល់ផងដែរចំពោះការរយាលដាច់ឆ្ងាយពីការប្រកួត រហូតសឹងធ្វើឱ្យអ្នកស្គាល់លោកភ្លេចថា លោកគឺជាកីឡាករឆ្នើមម្នាក់ ។ លោកបានបង្ហាញខ្លួនបន្តបន្ទាប់ក្នុងរឿងមួយច្រងាងដែលត្រៀមនឹងបង្អួតនាចុងខែមីនានេះ គឺរឿង«លត់ដែកថែប»ដែលលោកត្រូវសម្ដែងជាតួអាក្រក់ តួកាច ហើយប៉ះក្បាច់គុនជាមួយកញ្ញាសម ថារ័ត្ន និងលោក សុខ ដែន ដែលជាកីឡាករកីឡាការិនីល្បីឈ្មោះផ្នែកល្បុក្កតោ ។ លោកថា កីឡាករដែលមានកេរ្តិ៍ឈ្មោះច្រើនឡើងបានទទួលជោគជ័យក្រោយពេលហក់ចូលការសម្ដែង ក្នុងនោះកីឡាករបាល់ទាត់ កីឡាករប្រដាល់មួយចំនួនក៏បានក្លាយជាតារាយ៉ាងព្រោងព្រាតផងដែរ ។ យ៉ាងណាមិញ លោកសុវណ្ណ គីរី គឺជាគ្រូបង្វឹក និងជាកីឡាករជម្រើសជាតិការ៉ាតេដូ ដែលបានក្លាយជាតារាសិល្បៈហើយល្បីគួរឱ្យចាប់អារម្មណ៍ជាងគេ ដោយលោក និងសម ថារ័ត្ន ត្រូវគេកត់សម្គាល់ថាល្បីតាំងពីក្នុងវិស័យកីឡា ហើយក្រោយហក់ចូលការសម្ដែងក៏ល្បីរកពេលទំនេរលែងបានរឿងថត និងការងារសិល្បៈតែម្ដង ។
លោក សុវណ្ណ គីរី ធ្លាប់អះអាងថា លោកចង់ក្លាយជាអាជ្ញាកណ្តាល ប៉ុន្តែជំហានជោគជ័យនៅក្នុងសិល្បៈ ហាក់រុញឱ្យលោកឃ្លាតឆ្ងាយពីតួនាទីមួយនោះ បន្ទាប់ពីលោកបានយកសិល្បៈធ្វើឆ្នាំងបាយ ហើយលែងងាយក្រោយមើលការប្រកួត ។ ទោះបីយ៉ាងណា លោកថាមិនបោះបង់អាជីពការ៉ាតេដូនោះទេ គឺនៅតែបន្តបង្វឹកក្មេង និងទទួលចាត់ចែងរាល់ពេលសហព័ន្ធមានការប្រកួតជាទ្រង់ទ្រាយធំដូចមុនដដែលដើម្បីកុំឱ្យបាត់ឈ្មោះក្រោយប្រឹងដណ្ដើមបានមេដាយរហូតក្លាយជាមន្ត្រីមានតំណែងធំម្នាក់នៅក្នុងសហព័ន្ធកីឡា ។ លោកមានគម្រោងចេញមុខក្នុងរឿងជាច្រើនទៀត ដោយសារតែក្រោយក្លាយជាតារាសិល្បៈក៏មានរឿងដុំ រឿងភាគទាក់ទងឱ្យលោកធ្វើតួជាតួឡប់ៗ និងតួវាយតប់ច្រើនឡើង ។
លោកថា ខ្លួនមិនចង់បានតំណែងតួឯកនោះទេ បើទោះជាលោកបានក្លាយជាតារាសម្ដែងរហូតមានកេរ្តិ៍ឈ្មោះបោះសំឡេងនាពេលនេះ ។
លោកបានងាកទៅចាប់អាជីពជាពិធីករក្នុងឆាក និងក្រៅឆាក ខណៈដែលតម្លៃខ្លួនក៏ក្រែលជាងមុនផងដែរ បើធៀបនឹងការប្រកួតម្ដងៗដែលលោកទទួលបានមិនច្រើន បើទោះជាបានមេដាយជាកិត្តិយស ។ លោកថា សិល្បៈបានកែប្រែមុខមាត់របស់ខ្លួន និងជីវភាព ប៉ុន្តែបើគ្មានកីឡាក៏ប្រហែលជាឱកាសហក់ចូលការសម្ដែងមិនមាននោះដែរ ក្នុងពេលដែលលោកបានអះអាងថា មិនមែនជាប្រុសស្អាតសម្រាប់ការសម្ដែងនៅក្នុងសិល្បៈ ។ លោកថា ខ្លួននឹងយកការសម្ដែងជាអាជីព ហើយដរាបណាមហាជននៅតែផ្ដល់ការងារឱ្យលោក គឺលោកនឹងទទួលសម្ដែងមិនថាតួឡប់ តួច្រឡឺម ឬតួមួយប្លង់នោះទេ ៕
ចែករំលែកព័តមាននេះ