រាជធានីភ្នំពេញ ៖ នៅថ្ងៃសៅរ៍ ទី១៨ ខែមីនា ចុងសប្តាហ៍នេះ គណៈកម្មការផ្គូផ្គងកីឡាករប្រចាំសង្វៀនទូរទស្សន៍ស៊ីអិុនស៊ីនឹងរៀបចំឱ្យអ្នកប្រដាល់ជើងខ្លាំងក្នុងស្រុក៣រូបជួបប្រកួតជាមួយអ្នកប្រដាល់ឆ្លងដែនមកពី
រាជធានីភ្នំពេញ ៖ នៅថ្ងៃសៅរ៍ ទី១៨ ខែមីនា ចុងសប្តាហ៍នេះ គណៈកម្មការផ្គូផ្គងកីឡាករប្រចាំសង្វៀនទូរទស្សន៍ស៊ីអិុនស៊ីនឹងរៀបចំឱ្យអ្នកប្រដាល់ជើងខ្លាំងក្នុងស្រុក៣រូបជួបប្រកួតជាមួយអ្នកប្រដាល់ឆ្លងដែនមកពីប្រទេសថៃជូនទស្សនិកជនបានទស្សនាកម្សាន្ត ។ អ្នកនិយមទស្សនាកីឡាប្រដាល់ភាគច្រើនកំពុងទន្ទឹងរង់ចាំមើលថា តើកីឡាករក្នុងស្រុកនិងកីឡាករឆ្លងដែនរូបណាខ្លះសម្រេចគោលដៅរបស់ខ្លួន ។
កីឡាករ សេក គឹមរួន មកពីក្លិបអង្គរមានជ័យ ខេត្តសៀមរាប ប្រកួតជាមួយកីឡាករថៃឈ្មោះភិគុនងើន ស.ផាន់នីសា ក្នុងប្រភេទទម្ងន់៦៣,៥គីឡូក្រាម ។ សេក គឹមរួន មានកម្ពស់១,៦៥ម៉ែត្រ ធ្លាប់ប្រកួត៤១ដង ឈ្នះ៣២ដង ចាញ់៩ដង និងធ្លាប់ផ្ដួលគូប្រកួតឱ្យសន្លប់១០ដង ក្នុងពេលកីឡាករថៃមានកម្ពស់១,៧០ម៉ែត្រ ធ្លាប់ប្រកួត៧៥ដង ឈ្នះ៦០ដង ចាញ់១៣ដង ស្មើ២ដង និងធ្លាប់ផ្ដួលគូប្រកួតឱ្យសន្លប់បាន៥ដង ។ គូនេះ សេក គឹមរួន ពិបាកទុកចិត្តណាស់ ព្រោះប្រវត្តិប្រកួតរបស់គេតិចជាងកីឡាករថៃឆ្ងាយណាស់ ។
កីឡាករ Bidaut Dereck មកពីក្លិបតាព្រហ្មមានជ័យ ប្រកួតជាមួយកីឡាករថៃឈ្មោះ ម៉ាំងកនឡេក អ៊ូឌីយីម ក្នុងប្រភេទទម្ងន់៦៥គីឡូក្រាម ។ កីឡាករជនជាតិបារាំងមកពីក្លិបតាព្រហ្មមានជ័យរូបនេះមានកម្ពស់១,៧៥ម៉ែត្រធ្លាប់ប្រកួត២១ដង ឈ្នះ១៥ដង ចាញ់៦ដង និងធ្លាប់ផ្ដួលគូប្រកួតឱ្យសន្លប់បាន៦ដងក្នុងពេលកីឡាករថៃមានកម្ពស់១,៧៣ម៉ែត្រធ្លាប់ប្រកួត៥១ដង ឈ្នះ៣៦ដង ចាញ់១៣ដង ស្មើ២ដង និងធ្លាប់ផ្ដួលគូប្រកួតឱ្យសន្លប់បាន៣ដង ។
កីឡាករ ឆៃ សារ៉ា មកពីសមាគមកីឡាប្រដាល់ក្រសួងការពារជាតិ ប្រកួតជាមួយកីឡាករថៃឈ្មោះ ផ្ស័កឧប៊ុន ទីដេតឡូងិន ក្នុងប្រភេទទម្ងន់៦៣,៥គីឡូក្រាម ។ ឆៃ សារ៉ា មានកម្ពស់១,៧០ម៉ែត្រធ្លាប់ប្រកួត៣៨ដង ឈ្នះ៣១ដង ចាញ់៥ដង ស្មើ២ដង និងធ្លាប់ផ្ដួលគូប្រកួតឱ្យសន្លប់បាន១៥ដង ក្នុងពេលកីឡាករថៃមានកម្ពស់១,៦៧ម៉ែត្រ ធ្លាប់ប្រកួត៨៥ដង ឈ្នះ៧០ដង ចាញ់១៣ដង ស្មើ២ដង និងធ្លាប់ផ្ដួលគូប្រកួតឱ្យសន្លប់បាន១០ដង ។
ចំណែកគូប្រកួតមិត្តភាពរវាងកីឡាករក្នុងស្រុកវិញកីឡាករ វៀត ប៊ុនឌឿន មកពីសមាគមកីឡាប្រដាល់ក្រសួងការពារជាតិ ប្រកួតជាមួយកីឡាករ ចាន់ សំអាត មកពីក្លិបអប់រំកាយស្រុកអន្លង់វែង ៕
ចែករំលែកព័តមាននេះ