ចៅក្រមសម្រេចឃុំខ្លួនស្ត្រីលួចទារិកា5ខែប្លុងចោល
រាជធានីភ្នំពេញ ៖ ស្ត្រីម្នាក់ដែលជាប់ពាក់ព័ន្ធនឹងសកម្មភាពចាប់ពង្រត់ទារិកាអាយុ៥ខែ ដោយយកស្កុតបិទមាត់ រួចដាក់ចូលក្នុងស្បោងខ្មៅ
រាជធានីភ្នំពេញ ៖ ស្ត្រីម្នាក់ដែលជាប់ពាក់ព័ន្ធនឹងសកម្មភាពចាប់ពង្រត់ទារិកាអាយុ៥ខែ ដោយយកស្កុតបិទមាត់ រួចដាក់ចូលក្នុងស្បោងខ្មៅ
រាជធានីភ្នំពេញ ៖ ស្ត្រីម្នាក់ដែលជាប់ពាក់ព័ន្ធនឹងសកម្មភាពចាប់ពង្រត់ទារិកាអាយុ៥ខែ ដោយយកស្កុតបិទមាត់ រួចដាក់ចូលក្នុងស្បោងខ្មៅ និងញាត់ក្រោមកែបម៉ូតូយកទៅប្លុងចោលក្បែរគំនរសំរាមមួយកន្លែងនៅភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ ត្រូវបានចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារព្រៃស ជាបណ្តោះអាសន្ន កាលពីថ្ងៃទី១៣ ខែមីនា ។
ស្ត្រីសង្ស័យឈ្មោះ យិន សុធារ៉ា ហៅ មុំ អាយុ៣៤ឆ្នាំ មុខរបរបោកអ៊ុត ស្នាក់នៅផ្ទះជួលក្នុងភូមិទ្រុងមាន់ សង្កាត់ទឹកថ្លា ខណ្ឌសែនសុខ។ ចំណែកម្តាយទារិកាឈ្មោះ មាស សុវណ្ណា អាយុ៣៣ឆ្នាំ ស្នាក់នៅផ្ទះលេខ១៧ ក្នុងភូមិទ្រុងមាន់ សង្កាត់ទឹកថ្លាដែរ ។
ប្រភពពីសមត្ថកិច្ចបានឲ្យដឹងថា តាមពិតករណីខាងលើនេះជាករណីប៉ុនប៉ងជំរិតច្រើនជាងមូលហេតុលួចយកទៅចិញ្ចឹម ។ សមត្ថកិច្ចសន្និដានបែបនេះ ដោយសារស្ត្រីសង្ស័យជំពាក់លុយគេរហូតជាង៩ពាន់ដុល្លារ ។ ពេលធ្វើសកម្មភាពលួចទារិកាខាងលើបានហើយ ដោយសារសាច់ញាតិទារិកាតាមកិតៗពេកទើបបែកការណ៍ ក៏យកទៅប្លុងចោលនៅក្បែរគំនរសំរាមតែម្តង សំណាងល្អទារិកាមិនស្លាប់ ក្រោយពីលួចយកទៅអស់រយៈពេលជាច្រើនម៉ោង ។
គួររំឭកថា កាលពីថ្ងៃទី៨ ខែមីនាកន្លងទៅ វេលាម៉ោង១០និង៣០នាទីយប់ ស្ត្រីសង្ស័យដែលជាមិត្ដភក្តិម្តាយទារិកាបានទៅលេងបៀនៅផ្ទះម្តាយទារិកា ។ ពេលកំពុងលេងបៀ ជនសង្ស័យបានឡើងទៅបន្ទប់ទឹកនៅជាន់ឡៅតឿ និងឃើញទារិកាកំពុងដេកនៅទីនោះ ។
ភ្លាមនោះ ជនសង្ស័យក៏យកស្កុតបិទមាត់ទារិកា រួចដាក់ចូលក្នុងថង់ប្លាស្ទិកពណ៌ខ្មៅ ហើយឡើងទៅលើដំបូលផ្ទះដាក់សម្រូតចុះមកដី។ បន្ទាប់មក ជនសង្ស័យបានចូលទៅធ្វើជាលេងបៀជាមួយគេធម្មតា ប៉ុន្តែបានប្រហែល២-៣ក្ដារ ក៏ប្រញាប់ប្រញាល់ត្រឡប់ទៅផ្ទះវិញ ដោយយកទារិកាដែលបានសម្រូតខ្សែទម្លាក់ចុះមកដីនោះទៅជាមួយផង ។
ចំណែកម្តាយទារិកា ខណៈឡើងទៅមើលកូនរបស់ខ្លួននៅជាន់ឡៅតឿស្រាប់តែបាត់មិនឃើញក៏ផ្អើលឆោឡោឡើង ហើយនាំគ្នាដើររក។ លុះដល់វេលាម៉ោងប្រហែល៤និង២០នាទីទៀបភ្លឺថ្ងៃទី៩ ខែមីនា ជនសង្ស័យឈ្មោះ យិន សុធារ៉ា បានជិះម៉ូតូចេញពីផ្ទះដោយយកទារិកាដែលដាក់ចូលក្នុងថង់ខ្មៅបិទស្កុតមាត់ញាត់ក្នុងឃ្លុបម៉ូតូ យកទៅប្លុងចោលនៅ ក្បែរគំនរសំរាម ។ ពេលនោះក្រុមគ្រួសាររបស់ ទារិកាឃើញ ក៏យកត្រឡប់មកវិញ និងបានឃាត់ខ្លួនជនសង្ស័យយកមកប្រគល់ឱ្យនគរបាលរដ្ឋបាល ប៉ុស្ដិ៍ទឹកថ្លា ចាត់ការតាមច្បាប់៕
ចែករំលែកព័តមាននេះ