បង្ក្រាបល្បែងស៊ីសងឆ្នោតកត់កន្ទុយលេខខុសច្បាប់ឃាត់ខ្លួនស្រី4នាក់
ខេត្តរតនគិរី ៖ កម្លាំងនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តចុះបង្ក្រាបល្បែងស៊ីសងឆ្នោតកត់កន្ទុយលេខខុសច្បាប់
ខេត្តរតនគិរី ៖ កម្លាំងនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តចុះបង្ក្រាបល្បែងស៊ីសងឆ្នោតកត់កន្ទុយលេខខុសច្បាប់ និងឃាត់ខ្លួនស្ត្រី៤នាក់ ។ ការចុះបង្ក្រាបល្បែងខុសច្បាប់នេះធ្វើឡើងកាលពីវេលាម៉ោង៣និង៣០នាទីរសៀលថ្ងៃទី១៤ មីនា ក្នុងខណៈកំពុងតែកត់កន្ទុយលេខតែម្តង ស្ថិតក្នុងភូមិជ័យជំនះ សង្កាត់ឡាបានសៀក ក្រុងបានលុង ។
សមត្ថកិច្ចដែលចុះបង្ក្រាបបានឲ្យដឹងថា ជនសង្ស័យទាំង៤នាក់នោះរួមមាន៖ទី១-ឈ្មោះ ម៉ិច សេងហួរ ភេទស្រី អាយុ២៩ឆ្នាំ ជនជាតិខ្មែរ, ទី២-ឈ្មោះ ប៉េង យ៉ាន ភេទស្រី អាយុ២៩ឆ្នាំ ជនជាតិខ្មែរ, ទី៣-ឈ្មោះ ស្រង់ សៀងលី ភេទស្រី អាយុ២៥ឆ្នាំ ជនជាតិខ្មែរ, ទី៤-ឈ្មោះ ជាវ ឆេងលី ភេទស្រី អាយុ៣៥ឆ្នាំ ជនជាតិខ្មែរ ។ សមត្ថកិច្ចបានបន្តទៀតថា ស្ត្រីទាំង៤នាក់នេះជាកូនដើរកត់ប្រមូលលុយឱ្យមេធំៗ ចំណែកជនសង្ស័យទាំង៤នាក់ខាងលើនេះសុទ្ធតែជាអាជីវករលក់ដូរគ្រឿងទេសនៅក្នុងផ្សារក្រុងបានលុង ។ ការឃាត់ខ្លួននេះសមត្ថកិច្ចបានដកហូតបានសម្ភារដូចជា ទូរស័ព្ទដៃចំនួន៥គ្រឿង, សៀវភៅសំរាប់កត់កន្ទុយលេខចំនួន៦ក្បាល, គម្ពីររូបសត្វ១សន្លឹក, តារាងលទ្ធផល២ក្បាល ៕
ចែករំលែកព័តមាននេះ