ខេត្តតាកែវ ៖ សម្ភារជាគ្រឿងអេឡិចត្រូនិក ថវិកា និងគ្រឿងសំណង់ ដែលជាអំណោយដ៏ថ្លៃថ្លាពីសម្តេចតេជោ និងសម្តេចកិត្តិព្រឹទ្ធបណ្ឌិត តាមរយៈក្រុមការងារលោកហ៊ុន ម៉ាណែត យកទៅប្រគល់និងប្រគេនដល់មូលដ្ឋានស្រុកកោះអណ្តែត និងស្រុកត្រាំកក់ ខេត្តតាកែវ កាលពីរសៀលថ្ងៃទី១៤ មីនា ។
ខេត្តតាកែវ ៖ សម្ភារជាគ្រឿងអេឡិចត្រូនិក ថវិកា និងគ្រឿងសំណង់ ដែលជាអំណោយដ៏ថ្លៃថ្លាពីសម្តេចតេជោ និងសម្តេចកិត្តិព្រឹទ្ធបណ្ឌិត តាមរយៈក្រុមការងារលោកហ៊ុន ម៉ាណែត យកទៅប្រគល់និងប្រគេនដល់មូលដ្ឋានស្រុកកោះអណ្តែត និងស្រុកត្រាំកក់ ខេត្តតាកែវ កាលពីរសៀលថ្ងៃទី១៤ មីនា ។
អំណោយដែលផ្តល់ជូន និងប្រគេននោះ រួមមានកុំព្យូទ័រ១គ្រឿង, ម៉ាស៊ីនហ្វូតូកូពី១គ្រឿង, ម៉ាស៊ីន LCD Projector ០១គ្រឿង ប្រគល់ជូនសាលាស្រុកកោះអណ្តែត សម្រាប់បម្រើការងាររដ្ឋបាលរបស់ស្រុល, កុំព្យូទ័រ ០១គ្រឿង និងម៉ាស៊ីនព្រីនធរ ០១គ្រឿង ជូនសាលាបឋមសិក្សាបន្ទាយធ្លាយ និងថវិកា២០លានរៀល ប្រគល់ជូនគណៈកម្មការសាងសង់ សម្រាប់ជួសជុលផ្លូវលំ និងជីកស្រះទឹកនៅវត្តកែវកាំភ្លើង ស្ថិតក្នុងឃុំព្រៃខ្លា ស្រុកកោះអណ្តែត។
ក្រៅពីនេះ ក៏មានស៊ីម៉ង់តិ៍ចំនួន២០តោន និងបច្ច័យ៣លាន សម្រាប់ចូលរួមការកសាងវត្តអគ្គមហាសេនារាម ដែលទើបបង្កើតថ្មី ស្ថិតក្នុងភូមិបឹង ឃុំឡេបូ ស្រុកត្រាំកក់ ។
ព្រះមហាវិរះវង្សាចារ្យ ជ្រិន សិទ្ធិ ព្រះមេគណខេត្តតាកែវ បានមានសង្ឃដីកាថា វត្តអគ្គមហាសេនារាម គឺជាទីអារាមថ្មីមួយដែលទើបបានបង្កើត បានចាប់ផ្តើមការងារសាងសង់កាលពីថ្ងៃទី២៦ មករា ឆ្នាំ២០១៧ កន្លងទៅនេះ នៅលើផ្ទៃដីទំហំប្រមាណ៦៨០០ម៉ែត្រការ៉េ និងកំពុងព្យាយាមជាវដីបន្ថែម សម្រាប់ពង្រីកទីធ្លាអារាមឱ្យបានកាន់តែធំទូលាយជាងនេះ ។
ចែករំលែកព័តមាននេះ