សង្ស័យបែកថ្នាំយកដុំថ្មគប់ផ្ទះរបស់ពលរដ្ឋត្រូវ…
ខេត្តប៉ៃលិន ៖ ជនសង្ស័យម្នាក់ត្រូវបាននគរបាលព្រហ្មទណ្ឌកម្រិតធ្ងន់នៃស្នងការនគរបាលខេត្តធ្វើការចាប់ឃាត់ខ្លួនបន្ទាប់ពីទទួលបានពាក្យបណ្តឹងពីម្ចាស់ផ្ទះម្នាក់
ខេត្តប៉ៃលិន ៖ ជនសង្ស័យម្នាក់ត្រូវបាននគរបាលព្រហ្មទណ្ឌកម្រិតធ្ងន់នៃស្នងការនគរបាលខេត្តធ្វើការចាប់ឃាត់ខ្លួនបន្ទាប់ពីទទួលបានពាក្យបណ្តឹងពីម្ចាស់ផ្ទះម្នាក់
ខេត្តប៉ៃលិន ៖ ជនសង្ស័យម្នាក់ត្រូវបាននគរបាលព្រហ្មទណ្ឌកម្រិតធ្ងន់នៃស្នងការនគរបាលខេត្តធ្វើការចាប់ឃាត់ខ្លួនបន្ទាប់ពីទទួលបានពាក្យបណ្តឹងពីម្ចាស់ផ្ទះម្នាក់ ដោយប្តឹងរូបគេពីបទយកដុំថ្មទៅគប់បំបែកពាងទឹក គប់អំពូលភ្លើងអគ្គិសនី ព្រមទាំងដំបូលផ្ទះផងដែរ ។ ហេតុការណ៍ចាប់ឃាត់ខ្លួនជនសង្ស័យបំផ្លិចបំផ្លាញទ្រព្យអ្នកដទៃនេះបានធ្វើឡើងកាលពីវេលាម៉ោង៥និង៤នាទីល្ងាច ថ្ងៃទី១៤ មីនា ស្ថិតនៅចំណុចស្តង់ដំឡូងមីមួយកន្លែង ក្នុងភូមិក្រចាប់ សង្កាត់អូរតាវ៉ៅ ក្រុងប៉ៃលិន ។
ប្រភពព័ត៌មានពីលោកវរសេនីយ៍ឯក ឆម វ៉ាន់ធី នាយការិយាល័យព្រហ្មទណ្ឌកំរិតធ្ងន់បានឱ្យដឹងថា ជនសង្ស័យដែលចាប់ឃាត់ខ្លួនឈ្មោះ អ៊ុំ ឌីណា ភេទប្រុស អាយុ១៩ឆ្នាំ ជាកម្មករ រស់នៅភូមិសង្កាត់ខាងលើ ។ លោកបន្តទៀតថា មូលហេតុដែលឈានដល់ការចាប់ឃាត់ខ្លួននេះបន្ទាប់ពីទទួលបានពាក្យបណ្តឹងពីម្ចាស់ផ្ទះឈ្មោះ សួន សុជាតិ ភេទប្រុស អាយុ៣៤ឆ្នាំ បានដាក់ពាក្យបណ្តឹងថា ជនសង្ស័យខាងលើបានបំផ្លិចបំផ្លាញទ្រព្យសម្បត្តិរបស់ខ្លួនដោយចេតនា ដោយយោងតាមពាក្យបណ្តឹងកាលពីថ្ងៃទី១៣ មីនា ឆ្នាំ២០១៧ ។
លោកបញ្ជាក់ទៀតថា លុះក្រោមការសម្របសម្រួលពីលោក តូច សុភក្តី ព្រះរាជអាជ្ញាអមសាលាដំបូងខេត្តខាងលោកក៏ប្រញាប់ដឹកនាំកម្លាំងចុះទៅឃាត់ខ្លួនភ្លាមៗតែម្តង ។ សូមបញ្ជាក់ថា ជនសង្ស័យខាងលើប្រហែលជាមានជាប់ពាក់ព័ន្ធនឹងករណីប្រើប្រាស់គ្រឿងញៀន ទើបបែកថ្នាំក៏យកដុំថ្មទៅគប់បំផ្លាញទ្រព្យសម្បត្តិអ្នកដទៃបែបនេះ ៕
ចែករំលែកព័តមាននេះ