រាជធានីភ្នំពេញ ៖ បុរស២នាក់ ដោយម្នាក់ជាអ្នកលក់នំរ៉ូទី ត្រូវបានកម្លាំងសមត្ថកិច្ចប៉ុស្តិ៍រដ្ឋបាលនគរបាលស្ទឹងមានជ័យ ឃាត់ខ្លួនស្ថិតនៅចំណុចក្រុមទី៥ ក្នុងភូមិទ្រា៣ សង្កាត់ស្ទឹងមានជ័យ ខណ្ឌមានជ័យ ពាក់ព័ន្ធនឹងការជួញដូរនូវសារធាតុញៀនខុសច្បាប់ ។
រាជធានីភ្នំពេញ ៖ បុរស២នាក់ ម្នាក់ជាអ្នកលក់នំរ៉ូទី ត្រូវបានកម្លាំងសមត្ថកិច្ចប៉ុស្តិ៍រដ្ឋបាលនគរបាលស្ទឹងមានជ័យ ឃាត់ខ្លួនកាលពីព្រឹកថ្ងៃទី១៤ មីនា ស្ថិតនៅចំណុចក្រុមទី៥ ក្នុងភូមិទ្រា៣ សង្កាត់ស្ទឹងមានជ័យ ខណ្ឌមានជ័យ ដោយជាប់ពាក់ព័ន្ធនឹងការជួញដូរសារធាតុញៀន ។
ប្រភពឱ្យដឹងថា ជនសង្ស័យទាំង២នាក់ ម្នាក់ឈ្មោះហម សារះ អាយុ៣០ឆ្នាំ ជាអ្នកលក់នំរ៉ូទី និងម្នាក់ទៀតឈ្មោះកាន់ សុភក្ត្រ អាយុ២៦ឆ្នាំ ជាជាងអេឡិចត្រូនិក ។ ទាំង២នាក់ មានទៅលំនៅក្នុងផ្ទះជួលភូមិទ្រា៣ សង្កាត់ស្ទឹងមានជ័យ ខណ្ឌមានជ័យ ។ ក្នុងការឃាត់ខ្លួនជនសង្ស័យទាំង២នាក់ សមត្ថកិច្ចដកហូតបានថ្នាំញៀនម្សៅក្រាមសថ្លា ហៅម៉ាទឹកកក២កញ្ចប់តូចធំ សម្ភារប្រើប្រាស់ថ្នាំញៀន១ឈុត និងរ៉ឺម៉កលក់នំរ៉ូទី១គ្រឿង ។
បច្ចុប្បន្ន ទាំង២ត្រូវបានឃុំខ្លួនបណ្តោះអាសន្ននៅប៉ុស្តិ៍រដ្ឋបាលនគរបាលស្ទឹងមានជ័យ រងចាំកសាងសំណុំរឿងបញ្ចូនទៅតុលាការចាត់ការទៅតាមផ្លូវច្បាប់ ៕
ចែករំលែកព័តមាននេះ