ចៅក្រមសម្រេចឃុំខ្លួនស្ត្រីលួចទារិកាទៅប្លុងចោលក្នុងគំនរសំរាម
រាជធានីភ្នំពេញ ៖ ស្ត្រីម្នាក់ដែលជាប់ពាក់ពន្ធធ្វើសកម្មភាពចាប់ទារិកាអាយុ៥ខែយកបិតស្កុតមាត់ដាក់ក្នុងស្បោងខ្មៅយកទៅប្លុងចោលក្បែរគំនរសំរាម
រាជធានីភ្នំពេញ ៖ ស្ត្រីម្នាក់ដែលជាប់ពាក់ពន្ធធ្វើសកម្មភាពចាប់ទារិកាអាយុ៥ខែយកបិតស្កុតមាត់ដាក់ក្នុងស្បោងខ្មៅយកទៅប្លុងចោលក្បែរគំនរសំរាមមួយកន្លែងនៅភូមិត្រពាំងល្វាសង្កាត់កាកាប ខណ្ឌពោធិ៍សែនជ័យ នៅថ្ងៃទី១៣ មីនា ត្រូវបានចៅក្រមស៊ើបសួរសម្រេចឃុំខ្លួនដាក់ពន្ធនាគារជាបណ្តោះអាសន្ន ។ ស្ត្រីសង្ស័យឈ្មោះ យិន សុធារ៉ា ហៅ មុំ ភេទស្រី អាយុ៣៤ឆ្នាំ មុខរបរបោកអ៊ុត ស្នាក់នៅផ្ទះជួល ផ្លូវបេតុង ភូមិទ្រុងមាន់ សង្កាត់ទឹកថ្លា ខណ្ឌសែនសុខ ។ ចំណែកម្តាយទារិកាជនរងគ្រោះឈ្មោះ មាស សុវណ្ណា ភេទស្រី អាយុ៣៣ឆ្នាំ ស្នាក់នៅ ផ្ទះលេខ១៧ ផ្លូវបេតុង ភូមិទ្រុងមាន់ សង្កាត់ទឹកថ្លា ខណ្ឌសែនសុខ ។
ប្រភពពីសមត្ថកិច្ចបានប្រាប់ថា តាមពិតករណីខាងលើនេះជាករណីប៉ុនប៉ងជំរិតច្រើនជាងមូលហេតុសមត្ថកិច្ចសន្និដានបែបនេះដោយសារស្ត្រីសង្ស័យមានជំពាក់លុយគេរហូតជាង៩ពាន់ដុល្លារឯណោះពេលដែលធ្វើសកម្មភាពលួចទារិកាខាងលើបានហើយដោយសារសាច់ញាតិតាមកិតៗពេកទើបបែកការនិងយកទៅប្លុងចោលក្បែគំនរសំរាមតែម្តងសំណាងល្អមិនស្លាប់ ៕
ចែករំលែកព័តមាននេះ