វិនាសកម្មកា.ប់បំផ្លាញព្រៃឈើទ្រង់ទ្រាយធំសម្រាប់ខេត្តក្រចេះ
ខេត្តក្រចេះ ៖ បទល្មើសព្រៃឈើត្រូវបានគេរាយការណ៍ថា កំពុងតែកើតឡើងយ៉ាងពេញបន្ទុកនៅតំបន់ខាងក្រោយស្រុកព្រែកប្រសព្វ ខេត្តក្រចេះ
ខេត្តក្រចេះ ៖ បទល្មើសព្រៃឈើត្រូវបានគេរាយការណ៍ថា កំពុងតែកើតឡើងយ៉ាងពេញបន្ទុកនៅតំបន់ខាងក្រោយស្រុកព្រែកប្រសព្វ ខេត្តក្រចេះ ឈើទាំងនោះក៏ត្រូវបានគេដឹងថា គឺឈ្មួញបានកាប់អារច្រៀកចេញពីដែនដីព្រៃអភិរក្សព្រៃឡង់ និងតាមព្រៃសហគមន៍នៅក្នុងតំបន់នោះ ។
ប្រភពព័ត៌មានបានរាយការណ៍មកថា ការកាប់បំផ្លាញព្រៃឈើតាមព្រៃតំបន់អភិរក្សដោយសហគមន៍គ្រប់គ្រង់ដោយរដ្ឋបាលព្រៃឈើក៏ដូចជានៅតាមព្រៃគំរពការពារព្រៃឡង់ ដែលគ្រប់គ្រង់ដោយមន្ត្រីបរិស្ថានគឺនៅតែកើតមាន ហើយមន្ត្រីជំនាញទាំងពីរស្ថាប័នមិនដែលមានការចាប់បង្ក្រាបម្តងណានោះទេ បានត្រឹមតែរុញដាក់គ្នាដោយហេតុផលរៀងៗខ្លួនថា ខុសក្នុងដែនសមត្ថកិច្ច ។ សកម្មភាពការកាប់បំផ្លាញឈើទាំងនោះក៏ត្រូវគេដឹងថា បានកើតមានឡើងដោយមានការបើកដៃពីអាជ្ញាធរ ពិសេសប្រធានសហគមន៍ និងអតីតប្រធានសហគមន៍ជាមួយនឹងក្រុមឈ្មួញតែម្តង ។
ឆ្លើយតបទៅនឹងការលើកឡើងពីបទល្មើសព្រៃឈើកំពុងតែកើតមាននៅតាមព្រៃសហគមន៍ និងតំបន់ព្រៃគំរពអភិរក្សព្រៃឡង់នេះលោកអនុប្រធានមន្ទីរកសិកម្មខេត្តទទួលបន្ទុកបង្ក្រាបបទល្មើសព្រៃឈើនៃមន្ទីរកសិកម្មខេត្តបានប្រាប់អ្នកកាសែតដោយបញ្ជាក់យ៉ាងខ្លីថា កិច្ចការងារនេះរង់ចាំជំនាញធ្វើការសិនគឺកំពុងតែស្ថិតក្នុងការស្រាវជ្រាវនៅឡើយ ។ ដោយលោកមិនបានធ្វើអត្ថាធិប្បាយអ្វីច្រើននោះទេ ។ ដោយឡែកប្រធានមន្ទីរបរិស្ថានខេត្តឯណោះវិញក៏បានឲ្យដឹងថា ព័ត៌មាននៃការស្តុកឈើខុសច្បាប់ខាងលើលោកបានដឹងយូរដែរហើយ ដោយក្រុមសហគមន៍រាយការណ៍ហើយឥឡូវលោកបានចាត់កម្លាំងត្រៀមចាំស្ទាក់ចាប់រួចហើយ ៕
ចែករំលែកព័តមាននេះ