បែកធ្លាយនាយការិយាល័យព្រហ្មទណ្ឌដោះលែងជនសង្ស័យជាថ្នូរនឹងលុយរាប់ពាន់ដុល្លារ
ខេត្តកំពង់ស្ពឺ ៖ ក្រុមជនសង្ស័យបង្កហិ.ង្សារដោយចេនាចំនួន៧នាក់ដែលនគរបាលស្រុកគងពិសីឃាត់ខ្លួនខណៈស្ទាក់វាយទៅលើជនសង្ស័យម្នាក់បណ្តាលឱ្យរងរបួស
ខេត្តកំពង់ស្ពឺ ៖ ក្រុមជនសង្ស័យបង្កហិង្សារដោយចេនាចំនួន៧នាក់ដែលនគរបាលស្រុកគងពិសីឃាត់ខ្លួនខណៈស្ទាក់វាយទៅលើជនសង្ស័យម្នាក់បណ្តាលឱ្យរងរបួស ។ ហើយស្រាប់តែរហូតមកដល់ថ្ងៃទី១៣ មីនា នគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តកំពង់ស្ពឺធ្វើការដោះលែងឱ្យមានសេរីភាពជាថ្នូរ និងលុយរាប់ពាន់ដុល្លារ ។
បើតាមប្រភពបានបង្ហើបឱ្យដឹងថា ក្រុមជនសង្ស័យបង្កហិង្សារដោយចេតនាទាំង៧នាក់ដែលលោក ជា វណ្ណា នាយការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តដែលត្រូវដោះលែងនោះមានទី១-ឈ្មោះ យូ វិសាល ភេទប្រុស អាយុ២៤ឆ្នាំ, ទី២-ឈ្មោះ ជួន ភារម្យ ភេទប្រុស អាយុ១៩ឆ្នាំ, ទី៣-ឈ្មោះ ជឿន ចិត្ត្រា ភេទប្រុស អាយុ២២ឆ្នាំ,ទី៤-ឈ្មោះ កុយ ធា ភេទប្រុស អាយុ១៧ឆ្នាំ,ទី៥-ឈ្មោះ បឿន វាសនា ភេទប្រុស អាយុ២០ឆ្នាំ,ទី៦-ឈ្មោះ សន ធៀប ភេទប្រុស អាយុ២១ឆ្នាំ,ទី៧-ឈ្មោះ សុង ផល្លី ភេទប្រុស អាយុ២៣ឆ្នាំ អ្នកទាំងអស់នោះនៅភូមិត្រពាំងរកា ឃុំពេជ្រមុន្នី ស្រុកគងពិសី ។ ចំណែកជនរងគ្រោះមានឈ្មោះ សុខ ម៉េងហុង ភេទប្រុស អាយុ២៥ឆ្នាំ រស់នៅក្នុងភូមិក្រាំងឃ្នង ឃុំស្រង់ ស្រុកគងពិសី ។
គួររំលឹកផងដែលថា កាលពីវេលាម៉ោង៣និង១៥នាទីរសៀលថ្ងៃទី១២ មីនា នៅចំណុចមុខខ្លោងទ្វារប្រាសាទមាសប្រាសាទប្រាក់នៅមុនពេលកើតហេតុនោះ គឺក្រុមជនសង្ស័យបាននាំគ្នាព្រួតវាយក្រុមជនរងគ្រោះបណ្តាលឱ្យរងរបួសហើយក៏មានការភ្ញាក់ផ្អើលដល់នគរបាលមូលដ្ឋានដេញចាប់ឃាត់ខ្លួនបានចំនួន៧នាក់ និងម៉ូតូចំនួន៦គ្រឿងទៀតផង បន្ទាប់ពីឃាត់បានបញ្ជូនមកកាន់ស្នងការដ្ឋាននគរបាលខេត្ត ស្រាប់តែលោកនាយការិយាល័យព្រហ្មទណ្ឌកំរិតស្រាលខេត្តរត់ការដោះលែងក្រៅប្រព័ន្ធតុលាការជាថ្នូរនឹងលុយរាប់ពាន់ដុល្លារ ៕
ចែករំលែកព័តមាននេះ