ប្រធានាធិបតីអាមេរិក លោកដូណាល់ ត្រាំ អះអាងថា ចង់បដិសេធមិនទទួលប្រាក់បៀវត្សប្រធានាធិបតី ។ កាលពីថ្ងៃទី១៣ មីនា អ្នកនាំពាក្យលោកត្រាំ លោក SEAN SPICER ប្រកាសថា ប្រធានាធិបតីនឹងបរិច្ចាគចាប់តាំងពីដំណាច់ឆ្នាំនេះទៅនូវទឹកប្រាក់៤០០.០០០ដុល្លារ នៃប្រាក់បៀវត្សប្រចាំឆ្នាំរបស់លោកដល់អង្គការសប្បុរសធម៌មួយ ។
ប្រធានាធិបតីអាមេរិក លោកដូណាល់ ត្រាំ អះអាងថា ចង់បដិសេធមិនទទួលប្រាក់បៀវត្សប្រធានាធិបតី ។ កាលពីថ្ងៃទី១៣ មីនា អ្នកនាំពាក្យលោកត្រាំ លោក SEAN SPICER ប្រកាសថា ប្រធានាធិបតីនឹងបរិច្ចាគចាប់តាំងពីដំណាច់ឆ្នាំនេះទៅនូវទឹកប្រាក់៤០០.០០០ដុល្លារ នៃប្រាក់បៀវត្សប្រចាំឆ្នាំរបស់លោកដល់អង្គការសប្បុរសធម៌មួយ ។
នេះជារឿងប្លែកមួយខុសពីទម្លាប់ដែលប្រធានាធិបតីមួយរូបតែងប៉ះទង្គិចគ្នាជាមួយសារព័ត៌មានធំៗអាមេរិកស្ទើររាល់ថ្ងៃបែរជាចង់ឱ្យសារព័ត៌មានជួយជ្រើសរើសអង្គការសប្បុរសធម៌មួយសម្រាប់ទទួលការបរិច្ចាគនេះ ។
លោក SEAN SPICER គូសបញ្ជាក់ថា នេះជាមធ្យោបាយមួយសម្រាប់សេតវិមាន ចៀសវាងការពិនិត្យពិច័យល្អិតល្អន់មួយលើអំណោយ ។
លោកដូណាល់ ត្រាំ ធ្លាប់ប្រកាសជាច្រើនលើកពេលធ្វើយុទ្ធនាការឃោសនាបោះឆ្នោតថា លោកនឹងមិនយកប្រាក់បៀវត្សប្រធានាធិបតីឡើយ តែយកមួយដុល្លារប៉ុណ្ណោះ ។ មុនលោកមានតែលោក HERBERT HOOVER និងលោកចន កេណ្ណឺឌី ទេ ដែលធ្វើការបរិច្ចាគប្រាក់បៀវត្សប្រធានាធិបតីសម្រាប់ការងារមនុស្សធម៌ ៕
ចែករំលែកព័តមាននេះ