ខេត្តបន្ទាយមានជ័យ ៖ នារីម្នាក់ បានត្រូវបុរសអ្នកនាំផ្លូវឆ្លងដែនទៅរកការងារធ្វើនៅប្រទេសថៃចាប់រំលោ.ភ ហើយយកថ្នាំពន្យារកំណើត២បន្ទះឲ្យនាងលេបព្រោះខ្លាចមាន
ខេត្តបន្ទាយមានជ័យ ៖ នារីម្នាក់ បានត្រូវបុរសអ្នកនាំផ្លូវឆ្លងដែនទៅរកការងារធ្វើនៅប្រទេសថៃចាប់រំលោភ ហើយយកថ្នាំពន្យារកំណើត២បន្ទះឲ្យនាងលេបព្រោះខ្លាចមានផ្ទៃពោះ ។ លុះពេលជននេះមកស្រុកខ្មែរវិញ ត្រូវម្តាយនាងដឹងរឿង ក៏ប្តឹងសមត្ថកិច្ចឱ្យចាប់ខ្លួនបញ្ជូនទៅសាលាដំបូងខេត្តនៅថ្ងៃទី១១ ខែមីនា ដើម្បីចាត់ការតាមច្បាប់ ។ជនសង្ស័យឈ្មោះ ឆាន ពេស អាយុ៣៣ឆ្នាំ រស់នៅក្នុងឃុំភ្នំលៀប ស្រុកព្រះនេត្រព្រះ ឯនារីរងគ្រោះមានអាយុ១៧ឆ្នាំ ។
លោកវរសេនីយ៍ទោ ព្រហ្ម ថេង ប្រធានមន្ទីរយុត្តិធម៌កងរាជអាវុធហត្ថខេត្ត បានឲ្យដឹងថា ការឃាត់ខ្លួនជនឈ្មោះឆាន់ ពេស គឺក្រោយពេលទទួលបានពាក្យបណ្តឹងពីម្តាយរបស់ស្ត្រីរងគ្រោះដែលបានប្តឹងជននេះ ពីបទរំលោភកូនស្រីគាត់កាលពីអំឡុងខែកុម្ភៈ ឆ្នាំ២០១៦នៅក្នុងទឹកដីថៃ ។ លោកវរសេនីយ៍ត្រី ស៊ិន រ៉ាស៊ី មេបញ្ជាការកងរាជ អាវុធហត្ថស្រុកព្រះនេត្រព្រះ បានស្រាវជ្រាវឃាត់ខ្លួនជនសង្ស័យនៅថ្ងៃទី១០ ខែមីនាកន្លងទៅថ្មីៗនេះ នៅឃុំភ្នំលៀប ស្រុកព្រះនេត្រព្រះ ។
ស្ត្រីរងគ្រោះរៀបរាប់ថា ជនសង្ស័យឈ្មោះ ឆាន ពេស បានចាប់បង្ខំនាងរំលោភ ក្នុងខណៈពេលនាងឆ្លងដែនដោយខុសច្បាប់ជាមួយជនសង្ស័យចូលដល់ព្រៃស្ងាត់ក្នុងទឹកដីថៃ ។ ក្រោយពេលចាប់រំលោភហើយ ជននេះបានទិញថ្នាំពន្យារកំណើត២បន្ទះឲ្យនាងលេបព្រោះខ្លាចនាងមានផ្ទៃពោះ ។
លុះដល់កន្លែងធ្វើការងារនៅប្រទេសថៃ នាងបានប្រាប់សាច់ញាតិ និងទូរស័ព្ទប្រាប់ម្តាយនៅស្រុកខ្មែរ ទើបមានការប្តឹងទាមទារសំណងពីជនសង្ស័យចំនួន៤០.០០០បាត ហើយណាត់មកស្រុកខ្មែរវិញដើម្បីជជែកគ្នា តែជនសង្ស័យឈ្មោះ ឆាន ពេស មិនព្រមតាមការទាមទារទើបប្តឹងឲ្យចាប់ខ្លួនតែម្តង ។
លោកវរសេនីយ៍ទោ ព្រហ្ម ថេង បញ្ជាក់ថា តាមចម្លើយរបស់ជនឈ្មោះ ឆាន ពេស ថា ខ្លួនពិតជាបានចាប់នាងរំលោភដូចការចោទប្រកាន់មែន ហើយដោយខ្លាចនាងមានផ្ទៃពោះខ្លួនបានទិញថ្នាំពន្យារកំណើត២បន្ទះឱ្យនាងលេប។ លុះម្តាយនាងដឹងក៏ណាត់ឱ្យមកស្រុកខ្មែរប្តឹងទាមទាសំណង៤ម៉ឺនបាត តែខ្លួនគ្មានលុយឱ្យក៏បានប្តឹងឱ្យកងរាជអាវុធហត្ថខេត្តឃាត់ខ្លួនតែម្តង៕
ចែករំលែកព័តមាននេះ