រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ានឆ្នាំ២០២២នេះ បានបង្ហាញជំហរយ៉ាងច្បាស់លាស់លើការបា.ញ់មីស៊ីលឆ្លងកាត់ប្រទេសជប៉ុនពីសំណាក់ប្រទេសកូរ៉េខាងជើងដោយក្នុងនោះសម្ដេចថានេះមិនមែនជារឿងលេងសើចនោះទេ។ សម្តេចតេជោ បានថ្លែងក្នុងកម្មពិធីបើកសន្និសីទ«ចក្ខុវិស័យកម្ពុជាឆ្នាំ២០២២»…
រាជធានីភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ានឆ្នាំ២០២២នេះ បានបង្ហាញជំហរយ៉ាងច្បាស់លាស់លើការបា.ញ់មីស៊ីលឆ្លងកាត់ប្រទេសជប៉ុនពីសំណាក់ប្រទេសកូរ៉េខាងជើងដោយក្នុងនោះសម្ដេចថានេះមិនមែនជារឿងលេងសើចនោះទេ។
សម្តេចតេជោ បានថ្លែងក្នុងកម្មពិធីបើកសន្និសីទ«ចក្ខុវិស័យកម្ពុជាឆ្នាំ២០២២» នៅថ្ងៃទី៦ ខែតុលា ឆ្នាំ២០២២ថា ក្នុងនាមជារាជរដ្ឋាភិបាលត្រូវគិតគូជាមុនត្រៀមម្ចាស់ការជាមុន ដើម្បីឆ្លើយតបទៅនឹងសភាពការណ៍ដែលអាចកើតមានរាប់ទាំងសភាពការណ៍ដែលមិនទាន់ច្បាស់លាស់ តើអាចកើតមានសង្គ្រាមនុយក្លែអ៊ែរឬទេ បើមានការព្រមានគ្នាជាប្រចាំថ្ងៃយ៉ាងដូច្នេះ។
សម្ដេចតេជោ បានគូសបញ្ចាក់ថា៖ «រឿងរ៉ាវអកុសលម្សិលម្ងៃ គឺបា.ញ់មីស៊ីលឆ្លងកាត់ពីកូរ៉េខាងជើងឆ្លងកាត់ប្រទេសជប៉ុន មិនមែនជារឿងលេងសើចនោះទេ។កម្ពុជាបានធ្វើការថ្កោលទោសក្នុងពេលចរចារជាមួយនាយករដ្ឋមន្ដ្រីគុយបា។ នេះជាការគំរា.មកំហែ.ងដល់សន្ដិសុខក្នុងតំបន់មិនមែនជាបញ្ហាបា.ញ់ចូលទៅសមុទ្រទេ ប៉ុន្ដែបា.ញ់ឆ្លងកាត់ប្រទេសមួយ។ការបា.ញ់ឆ្លងកាត់ប្រទេសមួយបានន័យថា ប្រសិនបើខ្ញុំចង់បា.ញ់ចូលតូក្យូ ឬក៏បា.ញ់ចូលក្នុងតំបន់ណាមួយនៃប្រទេសជប៉ុន ក៏អាចបា.ញ់បានព្រោះឆ្លងកាត់ប្រទេសទៅហើយ។ រឿងនេះកម្ពុជាបានយកគោលជំហរច្បាស់លាស់»។
សូមរំលឹកថា កូរ៉េខាងជើង នៅថ្ងៃទី០៦ ខែតុលា ឆ្នាំ២០២២នេះ កូរ៉េខាងជើងបានបា.ញ់សាកល្បងមីស៊ីលផ្លោងរយៈចម្ងាយខ្លីចំនួន២គ្រា.ប់បន្ថែមទៀតធ្លាក់ចូលក្នុងសមុទ្រខាងកើត ឬសមុទ្រជប៉ុន បន្ទាប់ពីទីក្រុងព្យុងយ៉ាងថ្កោលទោសសហរដ្ឋអាមេរិក ជុំវិញការកោះប្រជុំក្រុមប្រឹក្សាសន្តិសុខអង្គការសហប្រជាជាតិ និងការធ្វើសមយុទ្ធយោធារួមគ្នា រវាងទីក្រុងវ៉ាស៊ីនតោន និងទីក្រុងសេអ៊ូល។ ការបា.ញ់មីស៊ីលនេះដែរសម្តេចតេជោបានថ្កោលទោសនឹងសោកស្តាយចំពោះទង្វើរនេះផងដែរ៕
ចែករំលែកព័តមាននេះ