ពហុកីឡដ្ឋានជាតិអូឡាំពិក កំពុងប្តូរពីស្មៅសិប្បនិម្មិតទៅស្មៅធម្មជាតិវិញ
- ភ្នំពេញ
រាជធានីភ្នំពេញ ៖ យោងតាមសម្ដីឯកឧត្តមអ៊ុក សិទ្ធិជាតិ អគ្គនាយកនៃអគ្គនាយកដ្ឋាន
រាជធានីភ្នំពេញ ៖ យោងតាមសម្ដីឯកឧត្តមអ៊ុក សិទ្ធិជាតិ អគ្គនាយកនៃអគ្គនាយកដ្ឋាន
រាជធានីភ្នំពេញ ៖ យោងតាមសម្ដីឯកឧត្តមអ៊ុក សិទ្ធិជាតិ អគ្គនាយកនៃអគ្គនាយកដ្ឋាន
កីឡាត្រូវបានគេហទំព័រព័ត៌មានក្នុងស្រុកមួយចុះផ្សាយថា បើតាមផែនការមេពីគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ ហៅកាត់ CAMSOC និងដើម្បីសម្របទៅតាមស្តង់ដារផងនោះ ទីលានបាល់ទាត់នៃពហុកីឡដ្ឋានជាតិអូឡាំពិក ត្រូវផ្លាស់ប្ដូរពីស្មៅសិប្បនិម្មិត ទៅស្មៅធម្មជាតិវិញ ។ នេះជាការកែលម្អឡើងវិញ ចាប់តាំងពីពហុកីឡដ្ឋានជាតិប្ដូរពីស្មៅធម្មជាតិទៅស្មៅសិប្បនិម្មិត កាលឆ្នាំ២០១៥។
ចាត់ទុកជាដំណឹងល្អផងដែរនៅពេលឃើញពហុកីឡដ្ឋានជាតិអូឡាំពិក កំពុងធ្វើការជុសជុលទីលានស្មៅសិប្បនិម្មិត ត្រៀមដាំស្មៅធម្មជាតិវិញ និងថែមទាំងត្រៀមបំពាក់កៅអី នៃតំបន់អ្នកគាំទ្រ ដើម្បីឲ្យស្របតាមស្តង់ដារសម្រាប់បម្រេីការប្រកួតឡើងវិញ ជាពិសេសការប្រកួតសុីហ្គេមឆ្នាំ២០២៣ ដែលយើងធ្វើជាម្ចាស់ផ្ទះ ។ បើរាល់ការប្រកួតអន្តរជាតិធ្វើនៅកីឡដ្ឋាននេះវិញ ដឹងតែមានមនុស្ស
មើលច្រើនដូចមុនវិញហើយ ព្រោះជិតផ្ទះនិងមានភាពងាយស្រួលដល់ពួកគាត់ទៅមើលនិងធ្វើដំណើរផងដែរ។
គួរឱ្យដឹងផងដែរថា ពហុកីឡដ្ឋានជាតិអូឡាំពិកគឺជាពហុកីឡដ្ឋានរដ្ឋ មានទីតាំងនៅចំកណ្ដាលទីក្រុងភ្នំពេញ ។ ពហុកីឡដ្ឋាននេះមានលទ្ធភាពទទួលទស្សនិកជនបានប្រមាណ៥ម៉ឺននាក់
(ចំណុះអតិបរមា៧មុឺននាក់)។ ការស្ថាបនាពហុកីឡដ្ឋានជាតិបានចាប់ផ្ដើមនៅឆ្នាំ១៩៦២ ដើម្បី
ត្រៀមធ្វើជាម្ចាស់ផ្ទះព្រឹត្តិការណ៍ កីឡាឧបទ្វីបអាស៊ីអាគ្នេយ៍ដែលបច្ចុប្បន្នបានប្ដូរឈ្មោះជាកីឡា
អាស៊ីអាគ្នេយ៍ ឬស៊ីហ្គេមនៅឆ្នាំ ១៩៦៣ ប៉ុន្តែព្រឹត្តិការណ៍នេះត្រូវបានលុបចោលទៅវិញដោយ
សារបញ្ហានយោបាយនៅកម្ពុជា ។
ពិធីសម្ពោធបានធ្វើឡើងនៅថ្ងៃទី១២ ខែធ្នូ ឆ្នាំ១៩៦៤ ដំណាលគ្នានឹងបុរីកីឡាដែរ ។ ពហុកីឡដ្ឋាននេះបានទទួលប្រារព្ធការប្រកួតកីឡាហ្គានេហ្វូផងដែរ ចាប់ពីថ្ងៃទី២៥ វិច្ឆិកា ដល់ថ្ងៃទី៦ធ្នូ ១៩៦៦ ដោយឱ្យឈ្មោះព្រឹត្តិការណ៍នោះថា កីឡាហ្គានេហ្វូលើកទី១ ។ ពហុកីឡដ្ឋានជាតិអូឡាំពិកត្រូវបានប្រើប្រាស់ជាកន្លែងទទួលស្វាគមន៍ប្រមុខរដ្ឋនៃបណ្ដាប្រទេសជាមិត្តមួយចំនួន ជាកន្លែងប្រារព្ឋពិធីផ្សេងៗរបស់រដ្ឋ និងជាកន្លែងហ្វឹកហ្វឺនក្រុមកីឡាករជម្រើសជាតិកម្ពុជា។ នៅសម័យខ្មែរក្រហម ពហុកីឡដ្ឋានមួយ
នេះបានក្លាយជាគុកសម្រាប់មន្ត្រីរដ្ឋបាលនៅសម័យលន់ នល់។
ពហុកីឡដ្ឋានជាតិអូឡាំពិកបានស្ថិតនៅក្នុងសភាពទ្រុឌទ្រោមរាប់ទសវត្សរ៍ក្រោយមករហូតដល់ឆ្នាំ២០០០។ ពហុកីឡដ្ឋានត្រូវបានអភិវឌ្ឍជួសជុលឡើងវិញដោយក្រុមហ៊ុន Yuanta Group របស់តៃវ៉ាន់ ។
ចាប់ពីឆ្នាំ២០០៧ ពហុកីឡដ្ឋានជាតិបានក្លាយជាទីចាប់អារម្មណ៍របស់ប្រជាពលរដ្ឋក្រុងភ្នំពេញ ដែលតែងតែមកហាត់ប្រាណ ក៏ដូចជាមកលេងកីឡាបាល់ទាត់ និងសកម្មភាពកីឡាផ្សេងៗទៀតជារៀងរាល់ថ្ងៃ ។ មកដល់ឆ្នាំ២០១៥ទីលានកីឡដ្ឋានធំ(Main Stadium)បានប្ដូរស្មៅធម្មជាតិដាក់ស្មៅសិប្បនិម្មិតវិញ តែពេលនេះបានផ្លាស់ប្ដូរទៅរកសភាពដើមវិញហើយ ៕
ចែករំលែកព័តមាននេះ