បុកដុំថ្មហោះដួលអូសជាង៣០ម៉ែត្របាក់.កស្លាប់យ៉ាងអណោចអធម៌
រាជធានីភ្នំពេញ ៖ បុរសម្នាក់ជិះម៉ូតូមួយគ្រឿងក្នុងល្បឿនលឿនបុកដុំថ្មដែលសេសសល់ពីការដ្ឋានដាក់លូ បណ្តាលឲ្យដួលអូសជាច្រើនម៉ែត្របាក់.កស្លាប់ភ្លាមៗ
រាជធានីភ្នំពេញ ៖ បុរសម្នាក់ជិះម៉ូតូមួយគ្រឿងក្នុងល្បឿនលឿនបុកដុំថ្មដែលសេសសល់ពីការដ្ឋានដាក់លូ បណ្តាលឲ្យដួលអូសជាច្រើនម៉ែត្របាក់.កស្លាប់ភ្លាមៗយ៉ាងអណោចអធម៌ ដែលហេតុការណ៍នេះកើតនៅវេលាម៉ោង១១យប់ថ្ងៃទី១២ មីនា នៅតាមបណ្តោយផ្លូវភ្នំពេញហាណូយ ស្ថិតក្នុងភូមិអន្លង់ក្ងាន សង្កាត់ឃ្មួញ ខណ្ឌសែនសុខ ។
ជនរងគ្រោះជិះម៉ូតូបុកដុំថ្មស្លាប់មានឈ្មោះ ងួន ជីវ័ន្ត ភេទប្រុស អាយុ២៥ឆ្នាំ មុខរបរបើកបរគ្រឿងចក្រ ស្នាក់នៅភូមិអន្លង់ក្ងាន សង្កាត់ឃ្មួញ ខណ្ឌសែនសុខ មានស្រុកកំណើតនៅភូមិក្បាលឈើពុក ឃុំចាង ស្រុកកណ្ដៀង ខេត្តពោធិ៍សាត់ ។
តាមប្រភពពីអ៊ុំស្រីម្នាក់ដែលគាត់ជិះរ៉ឺម៉ក់ម៉ូតូមកពីក្រោយឃើញហេតុការណ៍បានឲ្យដឹងថាគាត់បានឃើញជនរងគ្រោះជិះម៉ូតូម៉ាកហុងដាឌ្រីម ពណ៍ខ្មៅ ស៊េរីឆ្នាំ២០០៦ ពាក់ស្លាកលេខ បាត់ដំបង 1G-6016 ជិះក្នុងទិសដៅពីត្បូងទៅជើងខណៈមកដល់ចំណុចខាងលើជនរងគ្រោះបានរេចង្កូតទៅស្តាំដៃទៅបុកនឹងដុំថ្មធំមួយបណ្តាលឱ្យម៉ូតូហោះដួលអូសជនរងគ្រោះជាមួយម៉ូតូជាច្រើនម៉ែត្របាក់.កស្លាប់ភ្លាមៗមួយរំពេច ។
ក្រោយមកក៏មានសន្តិសុខ២នាក់បានឃើញ និងរាយការណ៍ប្រាប់ទៅសមត្ថកិច្ចឱ្យមកពិនិត្យនៅកន្លែងកើតហេតុ នៅនឹងខ្លួនជនរងគ្រោះសមត្ថកិច្ចបានឆែកឆេររកឃើញកាតគ្រីរថយន្តមួយសន្លឹកដែលមានឈ្មោះ ជា ច័ន្ទពិសិទ្ធ មានទីលំនៅផ្ទះលេខ១៥៦Z ផ្លូវលេខ១៥៩ សង្កាត់ទឹកល្អក់២ ខណ្ឌទួលគោក ដែលមានបញ្ជាក់ម៉ាករថយន្ត KIA VISTO ពាក់ស្លាកលេខ 2U-3370 ។ ក្រោយកើតហេតុសពជនរងគ្រោះត្រូវបានសមត្ថកិច្ចហៅរថយន្តដឹកសពយកទៅតម្កល់នៅវត្តទឹកថ្លាចំណែកម៉ូតូរបស់សពត្រូវបានយកទៅរក្សាទុកនៅអធិការខណ្ឌសែនសុខដើម្បីរងចាំសាច់ញាតិមកយកទៅធ្វើបុណ្យ ៕
ចែករំលែកព័តមាននេះ