សមត្ថកិច្ចឃាត់ខ្លួនជនសង្ស័យ៦នាក់ ពាក់ព័ន្ធករណីគ្រឿងញៀ.ន
រាជធានីភ្នំពេញ ៖ នៅថ្ងៃទី១១ ខែមីនា ឆ្នាំ២០១៧ សមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀ.ន នៃកងរាជអាវុធហត្ថរាជធានីភ្នំពេញ
រាជធានីភ្នំពេញ ៖ នៅថ្ងៃទី១១ ខែមីនា ឆ្នាំ២០១៧ សមត្ថកិច្ចជំនាញនៃការិយាល័យបង្ក្រាបបទល្មើសគ្រឿងញៀន នៃកងរាជអាវុធហត្ថរាជធានីភ្នំពេញ បានសហការជាមួយកម្លាំងកងរាជអាវុធហត្ថខណ្ឌទួលគោក និងខណ្ឌដូនពេញ បានឃាត់ខ្លួនជនសង្ស័យប្រុសស្រីចំនួន ០៦នាក់ពាក់ព័ន្ធករណីគ្រឿងញៀន រួមនឹងការដកហូតថ្នាំញៀនប្រភេទ ក្រាម សថ្លាចំនួន ៥១កញ្ចប់(ប្រភេទម៉ាទឹកក) នៅចំណុចពីរផ្សេងគ្នា យកមកទីបញ្ជាការដ្ឋានកងរាជអាវុធហត្ថ រាជធានីភ្នំ ពេញ ដើម្បីសួរចម្លើយ និងកសាងសំណុំរឿងបញ្ជូនទៅតុលាការដើម្បីផ្តន្ទាទោសតាមនីតិវិធី។
ជនសង្ស័យប្រុសស្រី ទាំង ០៦នាក់នោះ មានឈ្មោះ ចាន់ ស្រីមាស ភេទស្រី អាយុ១៣ឆ្នាំ ត្រូវបានអាវុធហត្ថខណ្ឌទួលគោកឃាត់ខ្លួន បានកាលពីវេលាម៉ោង២និង១៥នាទី រសៀល ថ្ងៃទី១១ ខែមីនា ឆ្នាំ២០១៧ នៅចំណុចផ្លូវរថភ្លើង សង្កាត់បឹងកក់១ ខណ្ឌទួលគោក រាជធានីភ្នំពេញ រួមនឹងថ្នាំញៀន ៣៦កញ្ចប់(ប្រភេទម៉ាទឹកក) និងជនសង្ស័យឈ្មោះ ចក់ មករា ហៅម៉ាប់ ភេទប្រុស អាយុ២៤ឆ្នាំ ឈ្មោះ រស់ សង្ឃឹម ហៅឃឹម ភេទប្រុស អាយុ២៣ឆ្នាំ ឈ្មោះ លី រតនា ហៅរតនា ភេទប្រុស អាយុ២២ឆ្នាំ ឈ្មោះ ហេង ដារ៉ាវុធ ហៅខ្នុយ ភេទប្រុស អាយុ១៨ឆ្នាំ ឈ្មោះ ទេស វិជ្ជា ហៅវ៉ាត ភេទប្រុស អាយុ៣២ឆ្នាំ។
ត្រូវបានកម្លាំងអាវុធហត្ថខណ្ឌដូនពេញ សហការជាមួយកម្លាំងជំនាញនៃការិយាល័យបង្ក្រាបបទល្មើស គ្រឿងញៀន នៃកងរាជអាវុធហត្ថរាជធានីភ្នំពេញ ធ្វើកាបង្ក្រាប និងឃាត់ខ្លួនបានកាលពីវេលាម៉ោង៥និង០០នាទីល្ងាច ថ្ងៃទី១១ ខែមីនា ឆ្នាំ២០១៧ នៅចំណុចបន្ទប់ជួលគ្មានលេខផ្លូវរថភ្លើង ក្រុម៣៩ ភូមិ៤ សង្កាត់ស្រះចក ខណ្ឌដូនពេញ រាជធានីភ្នំពេញ រួមនឹងថ្នាំញៀន១៥កញ្ចប់(ប្រភេទម៉ាទឹកក)៕
ចែករំលែកព័តមាននេះ