សាកសពមនុស្សយ៉ាងតិច500នាក់រកឃើញនៅជិតក្រុងម៉ូសស៊ុល
ពួកជីវពលស៊ីអីុតអីុរ៉ាក់អះអាងនាថ្ងៃទី១១ មីនា ពីការរកឃើញរណ្តៅកប់សពរួមមួយជាមួយសាកសពមនុស្សប្រមាណជា៥០០នាក់ ជាអ្នករងគ្រោះដោយសារការសម្លាប់របស់ពួក
ពួកជីវពលស៊ីអីុតអីុរ៉ាក់អះអាងនាថ្ងៃទី១១ មីនា ពីការរកឃើញរណ្តៅកប់សពរួមមួយជាមួយសាកសពមនុស្សប្រមាណជា៥០០នាក់ ជាអ្នករងគ្រោះដោយសារការសម្លាប់របស់ពួកជីហាដក្រុមរដ្ឋអ៊ិស្លាមកាលពីឆ្នាំ២០១៤ ។ រណ្តៅកប់សពរួមនេះរកឃើញនៅជិតពន្ធនាគារ BADOUSH នាភាគពាយ័ព្យក្រុងម៉ូសស៊ុល ។
កាលពីខែមិថុនា ឆ្នាំ២០១៤ ពួកភេរវករក្រុមរដ្ឋអ៊ិស្លាមបានដណ្តើមត្រួតត្រាពន្ធនាគារ BADOUSH ហើយសម្លាប់រង្គាលជនអ៊ិស្លាមស៊ីអីុត ដែលជាប់ឃុំឃាំងក្នុងពន្ធនាគារនេះ ។ ពេលវាយលុកលើពន្ធនាគារ អ្នកទោសស៊ីអុីត៦៧០នាក់ត្រូវសម្លាប់ចោល ។
កងទ័ពអីុរ៉ាក់បានរកឃើញរណ្តៅកប់សពរួមជាច្រើនជាមួយសាកសពមនុស្សជាច្រើនរយនាក់ពេលធ្វើប្រតិបត្តិការយោធាដណ្តើមយកពីក្រុមរដ្ឋអ៊ិស្លាមបណ្តាដែនដីដែលពួកជីហាដដណ្តើមកាន់កាប់ចាប់ពីខែមិថុនា ឆ្នាំ២០១៤ មក ពិសេសពេលវាយលុករំដោះក្រុងម៉ូសស៊ុលជាមូលដ្ឋានធំបំផុតរបស់ក្រុមរដ្ឋអ៊ិស្លាមនៅអីុរ៉ាក់ ៕
ចែករំលែកព័តមាននេះ