ខេត្តកំពត ៖ កាលពីថ្ងៃទី១០ មីនា កំលាំងមន្ទីរយុត្តិធម៌កងរាជអាវុធហត្ថខេត្ត បានចុះបង្ក្រាបករណីគ្រឿងញៀនមួយកន្លែង ស្ថិតនៅចំណុចភូមិទ្វីខាងត្បូង សង្កាត់អណ្តូងខ្មែរ ក្រុងកំពត ដោយឃាត់ខ្លួនជនសង្ស័យបានម្នាក់ រួមទាំងដកហូតវត្ថុតាងថ្នាំញៀនប្រភេទម៉ាទឹកកក១កញ្ចប់ ទម្ងន់០,៥៥ក្រាម ម៉ូតូម៉ាកវីវ៉ាពណ៌ខ្មៅ ពាក់ផ្លាកលេខកណ្តាល1A6541មួយគ្រឿងផងដែរ ។
ជនសង្ស័យខាងលើឈ្មោះសុខ គិរី ហៅង៉ែត អាយុ២៩ឆ្នាំ រស់នៅភូមិកំពង់បាយខាងត្បូង សង្កាត់កំពង់បាយ ក្រុងកំពត ។ លោករវសេនីយទោ ហែម ចន្ទ័ដារ៉ា មេបញ្ជាការរងនិងជាប្រធានមន្ទីរយុត្តិធម៌កងរាជរាជអាវុធហត្ថខេត្ត បានឲ្យដឹងថា ជនសង្ស័យ និងវត្ថុតាងកំពុងរៀបចំកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី ។
អ្វីដែលកត់សម្គាល់នោះ យោងតាមប្រភពពីមន្ត្រីតូចតាចនៅក្នុងកងរាជអាវុធហត្ថខេត្ត ដែលសុំមិនបញ្ចេញឈ្មោះបានខ្សឹបថា ជនសង្ស័យឈ្មោះគីរី ហៅង៉ែត នេះ គឺត្រូវកំលាំងកងរាជអាវុធហត្ថខេត្តធ្លាប់ឃាត់ខ្លួនម្តងហើយ ពាក់ព័ន្ធគ្រឿងញៀននេះដដែល ប៉ុន្តែមិនដឹងមានអំពើឃុបឃិតបែបណា ទើបជននេះអាចនៅក្រៅឃុំវិញនោះ ។
បច្ចុប្បន្ន ជនសង្ស័យត្រូវបានចាប់ខ្លួនមានទាំងវត្ថុតាងជាក់ស្តែងទៀតផង ហើយមានប្រភពខ្លះថា ជននេះកំពុងមានអ្នករត់ការ ដើម្បីដោះលែងទៀតហើយ។ ប្រសិនជាដូចប្រភពដែលផ្តល់មកនេះមែន តើគួរចាត់វិធានការណ៍បែបណា?
ចែករំលែកព័តមាននេះ