បាតុករកាន់តែច្រើនដែលគាំទ្រអតីតប្រធានាធិបតីកូរ៉េខាងត្បូង លោកស្រី PARK GEUN HYE កាលពីថ្ងៃទី១១ មីនា បានប៉ះទង្គិចគ្នាជាមួយប៉ូលិស ខណៈភាពតានតឹងមានខ្ពស់ក្រោយសាលដីកាជាប្រវត្តិសាស្ត្ររបស់
បាតុករកាន់តែច្រើនដែលគាំទ្រអតីតប្រធានាធិបតីកូរ៉េខាងត្បូង លោកស្រី PARK GEUN HYE កាលពីថ្ងៃទី១១ មីនា បានប៉ះទង្គិចគ្នាជាមួយប៉ូលិស ខណៈភាពតានតឹងមានខ្ពស់ក្រោយសាលដីកាជាប្រវត្តិសាស្ត្ររបស់តុលាការធម្មនុញ្ញដកហូតតំណែងប្រមុខរដ្ឋក្រោយរឿងអាស្រូវពុករលួយរំលោភបំពានអំណាចមួយមក ។
ប៉ុន្មានម៉ោងមុនការប្រមូលផ្តុំគ្នា ដើម្បីអំពាវនាវឱ្យលុបចោលសាលដីកានេះនៅកណ្តាលក្រុងសេអ៊ូល អ្នកគាំទ្រលោកស្រី PARK ជាច្រើនសិបនាក់បានគប់របស់របរឆេះ និងរបស់របរផ្សេងៗទៀតទៅលើស្នងការដ្ឋានប៉ូលិសជាសញ្ញានៃកំហឹងប្រឆាំងការពង្រឹងសន្តិសុខនៅជុំវិញទីតាំងប្រមូលផ្តុំពួកអ្នកគាំទ្រ ។ មនុស្ស៣នាក់ដែលរងរបួសពេលមានការប៉ះទង្គិចគ្នាជាមួយប៉ូលិសបានត្រូវស្លាប់ ។
បាតុកម្មគាំទ្រលោកស្រី PARK កាន់តែធ្លាក់ក្នុងអំពើហិង្សា ។ ពួកអ្នកគាំទ្រអះអាងថា សាលដីកានេះគឺវៀចវរ ហើយត្រូវពិនិត្យឡើងវិញ ។ ជនជាតិកូរ៉េខាងត្បូងជាច្រើនពាន់នាក់នាថ្ងៃទី១១ មីនា លើកគ្នា ដើរហែក្បួនជាថ្មីនៅកណ្តាលក្រុងសេអ៊ូល ហើយក៏មានពួកបាតុករលើកគ្នាសម្តែងការអបអរសាទរចំពោះការសម្រេចរបស់តុលាការធម្មនុញ្ញលើការដកហូតតំណែង លោកស្រី PARK ដោយចាត់ទុកថា នេះជាការជ័យជម្នះរបស់ប្រជាជន ៕
ចែករំលែកព័តមាននេះ