ប្រធានាធិបតីតួកគី លោករីស៊ីប តៃយីបអ័រដូហ្គាន បានវាយប្រហារយ៉ាងខ្លាំងក្លាចំពោះរដ្ឋាភិបាលហូឡង់ ក្រោយពីរដ្ឋមន្ត្រីការបរទេសរបស់លោកត្រូវរារាំងកាលពីថ្ងៃទី១០ មីនា មិនឱ្យទៅចូលរួមក្នុងកិច្ចប្រជុំមួយរបស់ជនជាតិ
ប្រធានាធិបតីតួកគី លោករីស៊ីប តៃយីបអ័រដូហ្គាន បានវាយប្រហារយ៉ាងខ្លាំងក្លាចំពោះរដ្ឋាភិបាលហូឡង់ ក្រោយពីរដ្ឋមន្ត្រីការបរទេសរបស់លោកត្រូវរារាំងកាលពីថ្ងៃទី១០ មីនា មិនឱ្យទៅចូលរួមក្នុងកិច្ចប្រជុំមួយរបស់ជនជាតិតួកគីដែលរស់នៅហូឡង់ស្តីពីការបោះប្រជាមតិមួយដែលត្រូវពង្រឹងអំណាចរបស់លោក ។ នៅប្រទេសអាល្លឺម៉ង់ដែលមានជនជាតិតួកគីរស់នៅច្រើនកិច្ចប្រជុំប្រភេទនេះត្រូវបានអាជ្ញាធរអាល្លឺម៉ង់បដិសេធរួចហើយ កាលពីសប្តាហ៍មុននាំឱ្យប្រជាធិបតីតួកគី ចាត់ទុកអាល្លឺម៉ង់ថា នៅប្រកាន់លទ្ធិណាហ្ស៊ី ។
នៅមុខបាតុករជាច្រើននាក់ប្រមូលផ្តុំគ្នានៅក្រុងអង់ការ៉ារដ្ឋធានីតួកគី លោកអ័រដូហ្គាន ថ្លែងថា ពួកគេមិនស្គាល់នយោបាយ និងការងារការទូតអន្តរជាតិទាល់តែសោះ ។ ពួកគេពិតជាឡប់សតិ ហើយកំសាក ។ ពួកគេនៅតែប្រកាន់យកលទ្ធិណាហ្ស៊ី ។
នាយករដ្ឋមន្ត្រីហូឡង់បានតបតវិញភ្លាមៗថា នេះជាការកត់សម្គាល់ដ៏ឆ្កួតលីលាមួយ ។ ខ្ញុំយល់ថា ប្រធានាធិបតីតួកគី កំពុងតែខឹង ក៏ប៉ុន្តែពិតជាខឹងជ្រុលពេកហើយ ។
ការរៀបចំធ្វើមីទ្ទីងនានាគាំទ្រលោកអ័រដូហ្គាន នៅអឺរ៉ុបកាលពីថ្ងៃទី១១ មីនា បង្កឱ្យមានវិបត្តិការទូតរវាងហូឡង់ និងតួកគីដោយក្រុងឡាអេរារាំងមិនឱ្យរដ្ឋមន្ត្រីការបរទេសតួកគីចូលទឹកដីខ្លួន ហើយក្រុងអង់ការ៉ាឡោមព័ទ្ធស្ថានទូត និងស្ថានកុងស៊ុលហូឡង់ ដោយនិយាយពីការប្រកាន់លទ្ធិណាហ្ស៊ី ។
ផ្ទុយទៅវិញ រដ្ឋមន្ត្រីការបរទេសតួកគី លោក MEVLUT CAVUSOGLU អាចទៅកាន់ភាគខាងកើត ប្រទេសបារាំងកាលពីល្ងាចថ្ងៃទី១១ មីនា គឺទៅកាន់ទីក្រុង METZ ចូលរួមនាថ្ងៃទី១២ មីនា ក្នុងអង្គមីទ្ទីងមួយរៀបចំធ្វើដោយសមាគមតួកគីមួយ ។ កាលពីព្រឹកថ្ងៃទី១១ មីនា ហូឡង់ដែលកំពុងធ្វើយុទ្ធនាការឃោសនាបោះឆ្នោត ប្រកាសថា ខ្លួនដកហូតសិទ្ធិមិនឱ្យយន្តហោះ ដែលដឹកលោក CAVUSOGLU ចុះលើដែនដីខ្លួន ខណៈលោកត្រូវទៅចូលរួមក្នុងអង្គមីទ្ទីងមួយគ្រោងធ្វើនៅក្រុង ROTTERDAM ក្នុងក្របខណ្ឌនៃយុទ្ធនាការឃោសនាបោះប្រជាមតិនៅតួកគីនាថ្ងៃទី១៦ មេសា ខាងមុខនេះ ដើម្បីពង្រឹងអំណាចប្រធានាធិបតី ៕
ចែករំលែកព័តមាននេះ