ប្រទេសវៀតណាម ៖ ប្រតិបតិ្តការជួញដូរអចលនទ្រព្យក្នុងខែកុម្ភៈបានថយចុះដោយសារតែថ្ងៃឈប់សម្រាកបុណ្យចូលឆ្នាំចិន-វៀតណាម។ នេះបើយោងតាមទីភ្នាក់ងារគ្រប់គ្រងលំនៅឋាន និងអចលនទ្រព្យរបស់ក្រសួងសំណង់ ។
ក្នុងអំឡុងខែនេះ ទីក្រុងហាណូយមានប្រតិបត្តិការចំនួន៨៥០ ពោលគឺធ្លាក់ចុះ៣៤,៦%ចាប់ពីខែមករា ភាគច្រើនគឺអាផាតមិនមានតម្លៃថ្លៃ និងមធ្យម ។
ផ្ទុយទៅវិញ ក្រុមហ៊ុនអភិវឌ្ឍន៍នៅតែបន្តដាក់លក់ផ្ទះល្វែងនៅលើទីផ្សារជាមួយការផ្សព្វផ្សាយដ៏ទាក់ទាញ និងប្រកាសពីទីតាំងដ៏ល្អឥតខ្ចោះនៃគម្រោង ។
គម្រោងដែលបានលក់យ៉ាងច្រើនរួមមាន គម្រោងទីក្រុង An Binh ក្នុងស្រុក Bac Tu Liem, គម្រោង Eco Lake View និង Park View Tower ក្នុងស្រុក Hoang Mai, គម្រោង Parkview Residence ក្នុងស្រុក Ha Dong, គម្រោង Vinhomes Gardenia ក្នុងស្រុក Tu Liem និងគម្រោង Vinhomes Skylake Pham Hung ក្នុងស្រុក Cau Giay ។
ទីក្រុងហូជីមិញទទួលបានកិច្ចព្រមព្រៀងជោគជ័យប្រហែល៩០០ ពោលគឺធ្លាក់ចុះ៣៥% ពីមួយខែទៅមួយខែ ។
ចំពោះគម្រោងតម្លៃខ្ពស់ក្នុងទីក្រុងភាគខាងត្បូង ដែលបានលក់យ៉ាងល្អរួមមាន គម្រោង Ha Do Centrosa Garden ក្នុងស្រុក១០, គម្រោង Vinhomes Golden River ក្នុងស្រុក១, គម្រោង Lakeview City ក្នុងស្រុក២ និងគម្រោង Dong Nam Urban Area ក្នុងស្រុក Duc ។
ចំណែកគម្រោងអាផាតមិនដែលមានតម្លៃមធ្យម និងសមរម្យមាន គម្រោង The Everrich Infinity ក្នុងស្រុក៥, គម្រោង Phu Dong ក្នុងស្រុក Tan Phu និងគម្រោង I-Home ក្នុងស្រុក៩ ។
ក្រុមអ្នកជំនាញព្យាករថា ទីផ្សារអចលនទ្រព្យនឹងនៅតែមានស្ថិរភាពក្នុងឆ្នាំនេះ ដោយសារគោលនយោបាយម៉ាក្រូសេដ្ឋកិច្ចរបស់រដ្ឋាភិបាលវៀតណាម ៕
ចែករំលែកព័តមាននេះ