ខេត្តកំពង់ឆ្នាំង ៖ សមត្ថកិច្ចនគរបាលក្រុងកំពង់ឆ្នាំងនៅព្រឹកថ្ងៃទី១១ ខែមីនា ឆ្នាំ២០១៧ បានឃាត់ខ្លួនបុរសជាកម្មករសំណង់ម្នាក់ដែលស្នាក់នៅកន្លែងធ្វើការ ក្នុងវិទ្យាល័យមួយដែលបាន
ខេត្តកំពង់ឆ្នាំង ៖ សមត្ថកិច្ចនគរបាលក្រុងកំពង់ឆ្នាំងនៅព្រឹកថ្ងៃទី១១ ខែមីនា ឆ្នាំ២០១៧ បានឃាត់ខ្លួនបុរសជាកម្មករសំណង់ម្នាក់ដែលស្នាក់នៅកន្លែងធ្វើការ ក្នុងវិទ្យាល័យមួយក្នុងក្រុងកំពង់ឆ្នាំង តាមពាក្យបណ្តឹងស្ត្រីរងគ្រោះជាគ្រូបង្រៀនថា បានចាប់បង្ខំរំលោភគាត់ទាំងកំរោលនៅម៉ោង០០និង២០នាទីរំលងអធ្រាត្រឈានចូលថ្ងៃទី១១ មីនា នៅវិទ្យាល័យមមួយក្នុងក្រុងកំពង់ឆ្នាំង ខណៈដែលគាត់មកដេកយាមនៅទីចាត់វិទ្យាល័យ។
លោក ម៉ា យន្ត នាយផ្នែកព្រហ្មទណ្ឌនៃអធិការដ្ឋាននគរបាលក្រុងកំពង់ឆ្នាំង បានឱ្យដឹងថា បុរសជាជនសង្ស័យខាងលើមានឈ្មោះ ប៉ែន ត្រង់ អាយុ២៧ឆ្នាំ រស់នៅភូមិក្បាលឈើពុក ឃុំស្យា ស្រុកកណ្ឌៀង ខេត្តពោធិសាត់ ជាកម្មករសាងសង់វិទ្យាល័យ និងស្នាក់នៅក្នុងវិទ្យាល័យកើតហេតុខាងលើ។ ចំណែកស្ត្រីរងគ្រោះអាយុ៤៨ឆ្នាំ ជាគ្រូបង្រៀន ។
ប្រភពដដែលបានបន្តថា នៅក្នុងយប់កើតហេតុស្ត្រីរងគ្រោះបានមកដេកយាមទីចាត់ការវិទ្យាល័យជាមួយប្តីដែរ ព្រោះជាគ្រូបង្រៀនជាមួយគ្នា ប៉ុន្តែស្ត្រីរងគ្រោះបានដេកតែម្នាក់ឯង ចំណែកឯប្តីបានដេកយាមគោក្នុងវិទ្យាល័យដែលមានចម្ងាយ៣០០ពីគ្នា។ នៅមុនពេលកើតហេតុគាត់កំពុងដេកលក់ ហើយជនសង្ស័យក៏បានយកអាវរុំក្បាលជិតចូលមកអោបពីលើខ្លួន ហើយច្របាច់.កចាប់បង្ខំរំលោភរហូតបានសម្រេចតែម្តង។ ខណៈជនល្មើសកំពុងចាប់គាត់នោះ គាត់មិនហ៊ានស្រែកទេ ព្រោះខ្លាចជនល្មើសកាច់កសម្លាប់បំបិតមាត់ តែគាត់ចំណាំមុខជនល្មើសច្បាស់ថា ជាកម្មករធ្វើសាលា។ ក្រោយពេលកើតហេតុគាត់ក៏បានប្រាប់ប្តីឱ្យដឹង និងព្រឹកឡើងទើបប្តឹងសមត្ថកិច្ចឱ្យចាប់ខ្លួនជនល្មើសតែម្តង។
នៅចំពោះមុខសមត្ថកិច្ចជនសង្ស័យបានសារភាពថា នៅពេលព្រលប់ៗរូបគេបានផឹកទឹកត្នោតជូរជាមួយកម្មករដូចគ្នា៣ទៅ៤នាក់រហូតយប់ជ្រៅ ពេលស្រវឹងក៏បែកគ្នាចូលដេកទៅ។ ក្រោយពេលក្រោកឈឺនោម រួចក៏មានចំណង់ផ្លូវភេទ ក៏បានដើរទៅចាប់រំលោភស្ត្រីរងគ្រោះដែលដេកយាមទីចាត់ការវិទ្យាល័យ រហូតបានសម្រេចតែម្តង ហើយព្រឹកឡើងទើបត្រូវសមត្ថកិច្ចចាប់ខ្លួន។
ជនសង្ស័យត្រូវបានសមត្ថកិច្ចនគរបាលក្រុងកំពង់ឆ្នាំង កសាងសំណុំរឿងតាមនីតិវិធីបញ្ជូនខ្លួនមកកាន់ស្នងការដ្ឋាននគរបាលខេត្ត ប្រគល់ជូនការិយាល័យជំនាញកសាងសំណុំរឿងបន្ថែម បញ្ជូនខ្លួនទៅសាលាដំបូងខេត្តផ្តន្ទាទោសតាមផ្លូវច្បាប់៕
ចែករំលែកព័តមាននេះ