គណបក្សកាន់អំណាចស្វាគមន៍ការប្រកួតប្រជែង តែបានផ្ញើសារឱ្យគណបក្សប្រឆាំងកុំរំលោ.ភច្បាប់
រាជធានីភ្នំពេញ ៖ ខណៈពេលការបោះឆ្នោតជ្រើសរើសក្រុមប្រឹក្សាឃុំ-សង្កាត់ខិតជិតមក ដល់នៅពេលដ៏ខ្លីខាងមុខនេះ គណបក្សនយោបាយ
រាជធានីភ្នំពេញ ៖ ខណៈពេលការបោះឆ្នោតជ្រើសរើសក្រុមប្រឹក្សាឃុំ-សង្កាត់ខិតជិតមក ដល់នៅពេលដ៏ខ្លីខាងមុខនេះ គណបក្សនយោបាយ
រាជធានីភ្នំពេញ ៖ ខណៈពេលការបោះឆ្នោតជ្រើសរើសក្រុមប្រឹក្សាឃុំ-សង្កាត់ខិតជិតមក ដល់នៅពេលដ៏ខ្លីខាងមុខនេះ គណបក្សនយោបាយដែលត្រូវបានគណៈកម្មាធិការជាតិរៀបចំការបោះឆ្នោត(គ.ជ.ប)ទទួលចុះបញ្ជីបោះឆ្នោតរួច បានប្រកាសសារនយោបាយរៀងៗខ្លួន ដាក់ជូនម្ចាស់ឆ្នោតដើម្បីប្រកួតប្រជែង ។
ចំពោះសារនយោបាយនេះ ត្រូវបានគណបក្សប្រឆាំងនៅក្នុងរដ្ឋសភា ប្រកាសប្រជែងជាមួយគណបក្សនយោបាយដទៃទៀត ។ ការប្រកាសនេះដែរ ត្រូវបានគណបក្សកាន់អំណាចស្វាគមន៍ក្នុងការប្រកួតប្រជែងគ្នាដាក់ជូនម្ចាស់ឆ្នោតជាអ្នកសម្រេចនៅពេលខាងមុខនេះ ប៉ុន្តែបក្សកាន់អំណាចថា សារនយោបាយនោះកុំតែរំលោភច្បាប់ និងសិទ្ធិអ្នកដទៃ ។
ថ្លែងនៅក្នុងវគ្គផ្សព្វផ្សាយផ្ទៃក្នុងនូវគោលនយោបាយអាទិភាព សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ នៅខេត្តកំពតនាព្រឹកថ្ងៃទី១០ ខែមីនា ប្រធានគណបក្សសង្គ្រោះជាតិ លោក កឹម សុខា បានប្រកាសប្រកួតគោលនយោបាយជាមួយគណបក្សនយោបាយដទៃទៀត ដោយកុំឲ្យប្រើអំពើហិង្សា ឬប្រើពាក្យអសុរោះផងដែរ ។
លោក កឹម សុខា ដែលផ្តើមធ្វើយុទ្ធនាការចុះតាមមូលដ្ឋាន ក្រោយពីឡើងជាប្រធានគណបក្សថ្លែងថា «ខ្ញុំសូមឲ្យថ្នាក់ដឹកនាំ ឃោសនិក ជាពិសេសបេក្ខជនក្រុមប្រឹក្សាឃុំ-សង្កាត់គណបក្សសង្គ្រោះជាតិ យកចិត្តទុកដាក់ឲ្យមែនទែន ចំពោះគោលនយោបាយគណបក្សយើង ។ ព្រោះខ្ញុំយល់ថាគ្រប់គណបក្សនយោបាយទាំងអស់ក្នុងការបោះ
ឆ្នោត គួរប្រកួតគ្នាលើ“គោលនយោបាយ”ដើម្បីដាក់ជូនម្ចាស់ឆ្នោតជាអ្នកសម្រេចជ្រើសរើស ដោយចៀសវាងការប្រើអំពើហិង្សា ការគំរាមកំហែង ឬការប្រើពាក្យអសុរោះ ក្នុងពេលយុទ្ធនាការឃោសនាបោះឆ្នោតខាងមុខនេះ» ។
ចំពោះការលើកឡើងរបស់ប្រធានគណបក្សប្រឆាំងនេះ ត្រូវបានអ្នកនាំពាក្យគណបក្សប្រជាជនកម្ពុជាលោក សុខ ឥសាន ឲ្យកោះសន្តិភាពដឹងតាមទូរស័ព្ទនៅថ្ងៃដដែលនោះថា«នេះជារឿងរបស់គាត់ គាត់ចង់និយាយអីនិយាយទៅ! យើងមិនអាចបិទមាត់គាត់ទេ។ ខ្ញុំមិនចាប់អារម្មណ៍ទេ គាត់ធ្វើអ្វីធ្វើទៅកុំឲ្យតែល្មើសច្បាប់»។
ចំពោះសារនយោបាយរបស់លោក កឹម សុខា បបួលគណបក្សនយោបាយទាំងអស់ប្រកួតប្រជែងគោលនយោបាយគ្នានោះ មិនត្រូវបានអ្នកនាំពាក្យគណៈប្រជាជនកម្ពុជាលើកឡើងយ៉ាងណានោះទេ គ្រាន់តែលោកបញ្ជាក់ថា«គាត់ធ្វើអ្វីធ្វើទៅ ដែលសកម្មភាពនេះបង្ហាញពីសេរីភាពទូលាំទូលាយនៃការធ្វើសកម្មភាពផ្នែក នយោបាយហើយ ។ យើងកុំចង្អៀតពេក ដូច្នេះគេនឹងថាយើងគាបសង្គត់គាត់ហើយ ! ឥឡូវគ្មានអ្នកណាគាបគាត់ គាត់មិនអាចចោទថាគណបក្សកាន់អំណាចគាបសង្កត់ទៀតនោះទេ»។
ទាក់ទងនឹងសកម្មភាពចុះតាមមូលដ្ឋានរបស់លោក កឹម សុខា នេះ ត្រូវបានអ្នកនាំពាក្យ កាន់អំណាចថាគ្មានអ្នកហាមឃាត់នោះទេ គឺជាសេរីភាពនយោបាយរបស់គណបក្សនយោបាយនីមួយៗ ។
លោក សុខ ឥសាន គូសបញ្ជាក់ថា «មិនមែនតែ កឹម សុខា នោះទេ ចុះតាមមូលដ្ឋានគ្រប់គណបក្សនយោបាយទាំងអស់ដែលមានអាទិភាពក្នុងសង្គមកម្ពុជាសុទ្ធតែមានសិទ្ធិពេញលេញក្នុងការធ្វើសកម្មភាពនយោបាយដោយសេរី។ ត្រូវតែបើកទូលាយទាំងអស់ឲ្យស្របតាមលទ្ធិប្រជាធិបតេយ្យសេរីពហុបក្ស ។ ពាក្យ«សេរី» គឺការធ្វើសកម្មភាពទាំងអស់ដោយគ្មានការរើសអើង រឹតត្បិត…. ក៏ប៉ុន្តែមានបញ្ហាតែមួយទេ គឺនិយាយអ្វីក៏ដោយកុំឲ្យក្រៅក្របខណ្ឌច្បាប់និងប៉ះលើគេ។ ដូចជាការឃោសនា អ៊ីចឹងធ្វើតាមចិត្តចុះតែកុំដៀលគេ បរិហារកេរ្តិ៍គេ»។
លោក សុខ ឥសាន ក៏បានស្វាគមន៍ចំពោះការប្រកួតប្រជែងសារនយោបាយជាមួយគណបក្សប្រឆាំងផងដែរ ប៉ុន្តែកុំឲ្យមានប៉ះពាល់ដល់គណបក្សនយោបាយផ្សេង ។ លោកថា « ជាការពិតហើយ! ថ្លែងសារនយោបាយដូចគាត់ថា (កឹម សុខា) កន្លងទៅ មិនឲ្យបោះឆ្នោតមេឃុំបម្រើបក្សឲ្យបោះឆ្នោតមេឃុំបម្រើរាស្ត្រនោះ ប៉ះគេហើយ ។ ធ្វើអី្វធ្វើទៅតែកុំឲ្យប៉ះគេ!ទ្រឹស្តីគាត់ល្អ ប៉ុន្តែការអនុវត្តមិនដូចទ្រឹស្តី អ៊ីចឹងយើងសុំតែកុំប៉ះគេប៉ះឯងហ្នឹងខុសច្បាប់»។
ជាមួយគ្នានេះ លោក សុខ ឥសាន បានឲ្យដឹងទាក់ទងនឹងសេចក្តីថ្លែងការណ៍របស់អ្នកនាំពាក្យគណបក្សប្រជាជនកម្ពុជា ស្នើឲ្យគណបក្សសង្គ្រោះជាតិប្តូរសារនយោបាយ «ដូរមេឃុំបម្រើបក្ស ដាក់មេឃុំបម្រើរាស្ត្រ» ផងដែរ ។លោកថា ពេលនេះគណបក្សកំពុងសិក្សាដើម្បីដាក់ពាក្យប្តឹង ប្រសិនបើគណបក្សប្រឆាំងមិនធ្វើការកែប្រែ។
លោកបញ្ជាក់ថា «អ្នកច្បាប់យើងកំពុងតែរៀបចំឯកសារដើម្បីដាក់ទៅតុលាការ។ យើងថាម៉េចគឺធ្វើអ៊ីចឹងហើយ! មិនអាចថាចោលនោះទេ ប៉ុន្តែយើងធ្វើត្រូវមើលឲ្យគ្រប់ជ្រុងជ្រោយមិនចេះតែប្តឹងគេពាសវាលពាសកាលនោះទេ»៕
ចែករំលែកព័តមាននេះ