បញ្ជូនជនសង្ស័យម្នាក់ពីបទរំលោ.ភលើសេចក្តីទុកចិត្ត ទៅសាលាដំបូងខេត្ត
ខេត្តបន្ទាយមានជ័យ ៖ ជនសង្ស័យម្នាក់បានរំលោ.ភលើសេចក្តីទុកចិត្ត ត្រូវបានកម្លាំងនគរបាលព្រហ្មទណ្ឌកម្រិតស្រាល នៃស្នងការនគរបាលខេត្តបន្ទាយមានជ័យ
ខេត្តបន្ទាយមានជ័យ ៖ ជនសង្ស័យម្នាក់បានរំលោ.ភលើសេចក្តីទុកចិត្ត ត្រូវបានកម្លាំងនគរបាលព្រហ្មទណ្ឌកម្រិតស្រាល នៃស្នងការនគរបាលខេត្តបន្ទាយមានជ័យ
ខេត្តបន្ទាយមានជ័យ ៖ ជនសង្ស័យម្នាក់បានរំលោភលើសេចក្តីទុកចិត្ត ត្រូវបានកម្លាំងនគរបាលព្រហ្មទណ្ឌកម្រិតស្រាល នៃស្នងការនគរបាលខេត្តបន្ទាយមានជ័យ រៀបចំសំណុំរឿងបញ្ជូនខ្លួនទៅ សាលាដំបូងខេត្តបន្ទាយមានជ័យ នៅព្រឹកថ្ងៃទី១០ ខែមីនា ឆ្នាំ២០១៧នេះ។ លោកវរសេនីយ៍ទោ ខែម សោភ័ណ នាយការិយាល័យនគរបាលព្រហ្មទណ្ឌកម្រិតស្រាល បានឲ្យដឹងថា៖ ជនសង្ស័យដែលប្រព្រឹត្តអំពើរំលោភលើសេចក្តីទុកចិត្តមានឈ្មោះ កាន់ សុផាន់នី ហៅ កាន់ ហេង, ហៅ ទីន ភេទប្រុស អាយុ២២ឆ្នាំ មានទីលំនៅក្នុងភូមិ-ឃុំ ស្រះរាំង ស្រុកមង្គលបូរី ខេត្តបន្ទាយមានជ័យ។
កាលពីថ្ងៃទី០២ ខែមីនា ឆ្នាំ២០១៧កន្លងមក ជននេះបានធ្វើសកម្មភាពបោកបញ្ឆោតយកម៉ូតូ១គ្រឿង ម៉ាកហុងដាឌ្រីម សេ១២៥ ពាក់ស្លាកលេខ ប.មានជ័យ 1M-8532 ជារបស់ជនរងគ្រោះឈ្មោះ យ៉ាន ម៉ាឡាគី ភេទប្រុស អាយុ១៤ឆ្នាំ មានទីលំនៅភូមិតាមឡំចុង ឃុំតាឡំ ស្រុកមង្គលបូរី ខេត្តបន្ទាយមានជ័យ យកទៅដោះកុងទ័រ ម៉ារ៉ាវេន កាងក្រោយ និងរានដាក់កន្ត្រក ហើយយកទៅបញ្ចាំ និងឈ្មោះ មី ភេទប្រុស នៅខាងកើតមន្ទីរពេទ្យខេត្តបាត់ដំបង។
លុះដល់ថ្ងៃទី០៨ ខែមីនា ឆ្នាំ២០១៧ ជនសង្ស័យក៏ត្រូវបាននគរបាលខេត្តបាត់ដំបង ធ្វើការឃាត់ខ្លួន និងបញ្ជូនមកឲ្យការិយាល័យនគរបាលព្រហ្មទណ្ឌខេត្តបន្ទាយមានជ័យតែម្តង។ លោកនាយការិយាល័យបានបន្តថា៖ នៅមុខសមត្ថកិច្ចជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាព បោកបញ្ឆោតយកម៉ូតូ ជនរងគ្រោះខាងលើពិតប្រាកដមែន ដោយយកទៅបញ្ចាំបានប្រាក់ចំនួន១៨០.០០០រៀល(១៨ម៉ឺនរៀល) រួចយកទៅទិញថ្នាំញៀនជក់។
យោងតាមចម្លើយសារភាព និងពាក្យបណ្តឹងរបស់ជនរងគ្រោះ ជនសង្ស័យឈ្មោះ កាន់ សុផាន់នី ហៅ កាន់ ហេង, ហៅ ទីន ត្រូវបានកម្លាំងជំនាញរបស់លោក កសាងសំណុំរឿងបញ្ជូនខ្លួនទៅតុលាការ ចាត់ការតាមផ្លូវច្បាប់ ។ ដោយឡែកកុងទ័រ ម៉ារ៉ាវេន កាងក្រោយ និងរានដាក់កន្ត្រកត្រូវបានដកហូតពីអ្នកទទួលបញ្ចាំ ហើយប្រគល់ជូនម្ចាស់ដើមវិញ ៕
ចែករំលែកព័តមាននេះ