រាជធានីភ្នំពេញ ៖ យោងតាមសេចក្ដីជូនដំណឹងរបស់សហព័ន្ធកីឡាបាល់ទាត់កម្ពុជា(FFC) ឱ្យដឹងថា ក្រុមបាល់ទាត់ជម្រើសជាតិកម្ពុជា ដែលមានរហស្សនាមថា «ក្រុមគោព្រៃកម្ពុជា» នឹងបើកទ្វារពហុកីឡដ្ឋានជាតិអូឡាំពិកទទួលក្រុមភ្ញៀវជម្រើសជាតិឥណ្ឌា នៅវេលាម៉ោង៦និង៣០នាទីល្ងាចថ្ងៃទី២២ មីនា ខាងមុខនេះក្នុងជំនួបមិត្តភាពអន្តរជាតិCLEAR ដោយមានការផ្សាយផ្ទាល់តាមកញ្ចក់ទូរទស្សន៍ BTV-News ។
សម្រាប់សំបុត្រចូលទស្សនាការប្រកួតនេះ សហព័ន្ធកីឡាបាល់ទាត់កម្ពុជា បានប្រកាសដាក់លក់នៅថ្ងៃទី១១ មីនា ស្អែកនេះ ចាប់ពីម៉ោង៩ព្រឹករហូតដល់ម៉ោង៦ល្ងាច នៅមុខច្រកចូលពហុកីឡដ្ឋានជាតិអូឡាំពិក ក្នុងតម្លៃ១ម៉ឺនរៀលសម្រាប់កន្លែងអង្គុយមានដំបូល និង៥ពាន់រៀល សម្រាប់កន្លែងអង្គុយគ្មានដំបូល ៕
ចែករំលែកព័តមាននេះ