ឃាត់ខ្លួនជនជាតិវៀតណាមប្រុស-ស្រី១២នាក់ឆ្លងដែនខុសច្បាប់នៅសង្កាត់ព្រែកប្រា
រាជធានីភ្នំពេញ ៖ នៅវេលាម៉ោង៩ព្រឹកថ្ងៃទី១០ មីនា កម្លាំងនគរបាលនៃនាយកដ្ឋានស៊ើបអង្គេត…
រាជធានីភ្នំពេញ ៖ នៅវេលាម៉ោង៩ព្រឹកថ្ងៃទី១០ មីនា កម្លាំងនគរបាលនៃនាយកដ្ឋានស៊ើបអង្គេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ក្រសួងមហាផ្ទៃសហការជាមួយនគរបាលអន្តោប្រវេសន៍រាជធានីបានបន្តប្រតិបត្តិការចុះត្រួតពិនិត្យការចូលមករស់នៅ និងធ្វើការដោយខុសច្បាប់នៅចំណុចទីតាំងសិប្បកម្មកៃច្នៃឈើជាច្រើនទីតាំង ស្ថិតក្នុងភូមិអូរអណ្តូង១ សង្កាត់ព្រែកប្រា ខណ្ឌច្បារអំពៅ ។
ប្រតិបត្តិការចុះត្រួតពិនិត្រខាងលើនេះដែរធ្វើឡើងក្រោមការដឹកនាំរបស់លោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្គេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ និងមានការសម្របសម្រួលពីព្រះរាជអាជ្ញាររងអមសាលាដំបូងរាជធានីភ្នំពេញលោក សៀង សុខ ។ ជាលទ្ធិផលសមត្ថកិច្ចបានរកឃើញជនជាតិវៀតណាមចំនួន១២នាក់ ក្នុងនោះស្រី៤នាក់ ពុំមានលិខិតឆ្លងដែន និងច្បាប់អនុញ្ញាតិការងារត្រឹមត្រូវ ដូច្នេះហើយពួកគេត្រូវឃាត់ខ្លួនភ្លាមៗបញ្ចូនទៅកាន់អគ្គនាយកដ្ឋានអន្តោប្រវេសន៍ដើម្បីបន្តនីតិវិធីច្បាប់ ។
ឧត្តមសេនីយ៍ទោប្រធាននាយកដ្ឋានស៊ើបអង្គេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ឱ្យដឹងថា ចំពោះជនបរទេសណាដែលចូលមករស់នៅ និងធ្វើការដោយខុសច្បាប់ ដោយគ្មានភ្ជាប់ជាមួយលិខិតឆ្លងដែន ឬឯកសារពាក់ព័ន្ធផ្សេងនោះ ពួកគេនឹងត្រូវឃាត់ខ្លួនបញ្ចូនទៅកាន់អគ្គនាយកដ្ឋានអន្តោប្រវេសន៍ ដើម្បីកសាងសំណុំបែបបទស្នើរទៅក្រសួងមហាផ្ទៃសុំធ្វើការបណ្តេញចេញពីកម្ពុជាទៅកាន់ប្រទេសដើមខ្លួនវិញនៅពេលខាងមុខ ៕
ចែករំលែកព័តមាននេះ