ខេត្តបាត់ដំបង ៖ កងរាជអាហត្ថបានឃាត់ខ្លួនយុវជនម្នាក់ កាលពីវេលាម៉ោង៨និង២០នាទីយប់ថ្ងៃទី៨ ខែមីនា នៅភូមិកន្សៃបន្ទាយ ឃុំមោង ស្រុកមោងឫស្សី ក្រោយពីនារីម្នាក់ប្ដឹងចោទប្រកាន់ថា បានបន្លំយកទូរស័ព្ទរបស់នាងយកទៅលក់ ។
ខេត្តបាត់ដំបង ៖ កងរាជអាហត្ថបានឃាត់ខ្លួនយុវជនម្នាក់ កាលពីវេលាម៉ោង៨និង២០នាទីយប់ថ្ងៃទី៨ ខែមីនា នៅភូមិកន្សៃបន្ទាយ ឃុំមោង ស្រុកមោងឫស្សី ក្រោយពីនារីម្នាក់ប្ដឹងចោទប្រកាន់ថា បានបន្លំយកទូរស័ព្ទរបស់នាងយកទៅលក់ ។
យុវជនរូបនេះឈ្មោះ គឹម សម្ផស្ស អាយុ២២ឆ្នាំ រស់នៅក្នុងភូមិប្រឡាយ ឃុំមោង រីឯនារីជាដើមបណ្តឹង ប៉ែត ពី អាយុ១៩ឆ្នាំ នៅភូមិគារ៣ ឃុំគារ ស្រុកមោងឫស្សីដូចគ្នា ។
បើតាមមន្ត្រីកងរាជអាវុធហត្ថនិយាយថា ជនសង្ស័យនិងនារីរងគ្រោះជាសង្សារនឹងគ្នា។ កាលពីថ្ងៃទី៣ ខែមីនា ជនឈ្មោះ គឹម សម្ផស្ស បានសុំទូរស័ព្ទសាំស៊ុងរបស់សង្សារខ្លួនមើល លុះបានដល់ដៃ បែរជាយកទូរស័ព្ទនោះទៅលក់ឲ្យគេផ្សេងក្នុងតម្លៃ១០០ដុល្លារ ទើបនាងប្ដឹងកងរាជអាវុធហត្ថស្រុកមោងឫស្សី ឲ្យឃាត់ខ្លួនតែម្ដង ។
នារីម្ចាស់ទូរស័ព្ទបាននិយាយប្រាប់សមត្ថកិច្ចថា នាងនិងយុវជននោះធ្លាប់ជាសង្សារនឹងគ្នាមែន ហើយកាលពីថ្ងៃទី៣ ខែមីនា មិត្តប្រុសរូបនេះបានណាត់ជួបនាង ហើយគ្រានោះរូបគេបានខ្ចីទូរស័ព្ទនាងមើល តែមិនបានឲ្យវិញភ្លាមទេ ។ នាងនិយាយទៀតថា ក្រោយពីយកទូរស័ព្ទនាងទៅ មិត្តប្រុសរូបនេះមិនបានយកទូរស័ព្ទមកឲ្យនាងវិញទេ លុះពេលនាងសួរនាំស្រាប់តែប្រាប់ថា ទូរស័ព្ទនោះខ្លួនបានលក់បាត់ហើយ ទើបនាងប្ដឹងទៅកងរាជអាវុធហត្ថឲ្យចាត់ការតែម្ដងទៅ ។
បន្ទាប់ពីត្រូវសមត្ថកិច្ចឃាត់ខ្លួន ជនឈ្មោះ គឹម សម្ផស្ស សារភាពថា ខ្លួនពិតជាបានយកទូរស័ព្ទមិត្តស្រីរបស់ខ្លួនទៅលក់មែន ។ ប៉ុន្តែជននេះមិនបាននិយាយលំអិតអំពីមូលហេតុដែលនាំឲ្យខ្លួនថ្លើមធំហ៊ានយកទូរស័ព្ទមិត្តស្រីរបស់ខ្លួនទៅលក់នោះទេ ។ មន្ត្រីកងរាជអាវុធហត្ថនិយាយដែរថា ជនឈ្មោះ គឹម សម្ផស្ស ត្រូវបានឃាត់ខ្លួនពីបទរំលោភលើសេចក្ដីទុកចិត្ត និងបានកសាងសំណុំរឿងបញ្ជូនទៅសាលាដំបូងខេត្ត ៕
ចែករំលែកព័តមាននេះ