មន្ត្រីនគរបាលចរាចរម្នាក់ស្លាប់ដោយសារគ្រោះថ្នាក់ចរាចរណ៍
ខេត្តកណ្តាល ៖ មន្ត្រីនគរបាលចរាចរណ៍នៃអធិការដ្ឋាននគរបាលស្រុកអង្គស្នួលម្នាក់បានស្លាប់បាត់បង់ជីវិតដោយគ្រោះថ្នាក់ចរាចរ
ខេត្តកណ្តាល ៖ មន្ត្រីនគរបាលចរាចរណ៍នៃអធិការដ្ឋាននគរបាលស្រុកអង្គស្នួលម្នាក់បានស្លាប់បាត់បង់ជីវិតដោយគ្រោះថ្នាក់ចរាចរក្នុងពេលជិះម៉ូតូបម្រុងឆ្លងផ្លូវ ទៅសម្រួលចរាចរនៅលើកំណាត់ផ្លូវលេខ៥ ក៏ត្រូវយុវជនម្នាក់ផ្សេងទៀតជិះម៉ូតូក្នុងល្បឿនយ៉ាងលឿនជ្រុលទៅបុកយ៉ាងពេញមួយទំហឹងបណ្តាលឲ្យរងរបួសយ៉ាងធ្ងន់ធ្ង និងបានស្លាប់ក្រោយពេលបញ្ជូនទៅសង្គ្រោះដល់មន្ទីរពេទ្យ ចំណែកជនបង្កក៏បានរងរបួសធ្ងន់ផងដែរ ។
គ្រោះថ្នាក់ចរាចរនោះបានកើតឡើងកាលពីវេលាម៉ោង៦និង១០នាទីព្រឹកថ្ងៃទី១០ មីនា នៅលើកំណាត់ផ្លូវជាតិលេខ៤ ស្ថិតក្នុងភូមិត្រពាំងពើក ឃុំពើក ស្រុកអង្គស្នួល ។ តាមប្រភពព័ត៌មានបានឲ្យដឹងថា ជនរងគ្រោះដែលស្លាប់នោះឈ្មោះ សល់ សុខនាង ភេទប្រុស អាយុ៣៥ឆ្នាំ ជាមន្ត្រីនគរបាលចរាចរស្រុកអង្គស្នួលមានឋានន្តរសក្តិថ្នាក់ព្រិន្ទបាលទោ មានទីលំនៅភូមិទន្លាប់ ឃុំព្រៃពួច ស្រុកអង្គស្នួល ។ ដោយឡែកយុវជនដែលបានជិះម៉ូតូបុកមន្ត្រីនគរបាលរូបនោះឈ្មោះ សឿន ពិសិដ្ឋ អាយុ១៧ឆ្នាំ ជាកម្មករ រងរបួសធ្ងន់ និងមានទីលំនៅក្នុងភូមិត្រពាំងដំរី ឃុំសែនដី ស្រុកសំរោងទង ខេត្តកំពងស្ពឺ ។ យុវជននោះជិះម៉ូតូ១គ្រឿងម៉ាកហុងដា Zoomer-X ពណ៌ខ្មៅ ពាក់ស្លាកលេខភ្នំពេញ 1FX-1348 ។
ប្រភពដដែលបានបន្តទៀតថា នៅមុនពេលកើតហេតុមន្ត្រីនគរបាលរងគ្រោះខាងលើបានជិះម៉ូតូ១គ្រឿងធ្វើដំណើរតាមផ្លូវជាតិលេខ៤ ដើម្បីទៅសម្រួលចរាចរនៅលើកំណាត់ផ្លូវលេខ៥១ លុះពេលទៅចំណុចកើតហេតុបម្រុងឆ្លងផ្លូវក្នុងគោលបំណងឆ្ពោះទៅរៀបចំសណ្តាប់ធ្នាប់ និងសម្រួលចរាចរណ៍ ក៏ស្រាប់តែលេចមុខយុវជនខាងលើនោះជិះម៉ូតូយ៉ាងលឿនជ្រុលទៅបុកម៉ូតូជនរងគ្រោះពេញទំហឹង បណ្តាលឲ្យរងរបួសយ៉ាងធ្ងន់ធ្ងរទាំងសងខាង ។ ក្រោយពេលកើតហេតុអ្មកទាំងពីរត្រូវបានបញ្ជូនទៅសង្គ្រោះបន្ទាន់ភ្លាមៗប៉ុន្តែជាអកុសលដោយសារតែរបួសធ្ងន់ធ្ងរពេកមន្ត្រីនគរបាលនោះក៏បាបាត់បង់ជីវិតតែម្ដង ៕
ចែករំលែកព័តមាននេះ