ខេត្តបន្ទាយមានជ័យ ៖ នគរបាលក្រុងប៉ោយប៉ែត និងនគរបាលការពារព្រំដែនគោកលេខ៩១១បង្ក្រាបគ្រឿងញៀ.នទ្រង់ទ្រាយធំនៅក្រុងប៉ោយប៉ែតកាលពីរសៀលថ្ងៃទី៩ មីនា ឃាត់ខ្លួនជនសង្ស័យ៧នាក់ ស្រី២នាក់ និងប្រុស៥នាក់
ខេត្តបន្ទាយមានជ័យ ៖ នគរបាលក្រុងប៉ោយប៉ែត និងនគរបាលការពារព្រំដែនគោកលេខ៩១១បង្ក្រាបគ្រឿងញៀនទ្រង់ទ្រាយធំនៅក្រុងប៉ោយប៉ែតកាលពីរសៀលថ្ងៃទី៩ មីនា ឃាត់ខ្លួនជនសង្ស័យ៧នាក់ ស្រី២នាក់ និងប្រុស៥នាក់ ជាមួយនឹងថ្នាំញៀនពណ័ផ្កាឈូកWYជាង៨.០០០គ្រាប់ និងម្សៅក្រាមពណ៌សថ្លា ហៅម៉ាទឹកកកជិត១គីឡូក្រាម ។
សមត្ថកិច្ចបានធ្វើការឆែកឆេរ៣កន្លែងនៅភូមិទួលប្រាសាទ និងភូមិព្រៃព្រិច សង្កាត់ប៉ោយប៉ែត ដោយមានការចូលរួមពីលោក តេង សាម៉ៃ និងលោក សុខ កែវបណ្ឌិត ព្រះរាជអាជ្ញារងអមសាលាដំបូងខេត្ត ។ ក្រៅពីគ្រឿងញៀនសមត្ថកិច្ចចម្រុះក៏បានដកហូតកាំភ្លើងខ្លីម៉ាកឡុក១ដើមដែលមានគ្រាប់ពេញ និងរថយន្តចម្រុះ៥គ្រឿង ។ យ៉ាងណាក៏ដោយជនសង្ស័យមិនទាន់ត្រូវបានបង្ហាញអត្តសញ្ញាណនៅឡើយទេ ព្រោះក្រោយការបង្ក្រាបសមត្ថកិច្ចបានបញ្ជូនជនសង្ស័យ និងវត្ថុតាងទៅកាន់ស្នងការដ្ឋាននគរបាលខេត្ត ៕
ចែករំលែកព័តមាននេះ