ភ្លៀងធ្លាក់ខ្លាំង! ស្ត្រីរើសអេតចាយនាំកូនៗចូលជ្រកក្រោមសំយាបឃ្លាំង ជួបគ្រោះអកុសលត្រឹមមួយប៉ប្រិចភ្នែក
- ភ្នំពេញ
រាជធានីភ្នំពេញ ៖ ស្រី្តអ្នករើសអេតចាយម្នាក់ ខណៈពេលមេឃកំពុងតែធ្លាក់ភ្លៀងយ៉ាងខ្លាំងបាននាំ
រាជធានីភ្នំពេញ ៖ ស្រី្តអ្នករើសអេតចាយម្នាក់ ខណៈពេលមេឃកំពុងតែធ្លាក់ភ្លៀងយ៉ាងខ្លាំងបាននាំកូនៗទៅជ្រកនៅក្រោមសំយាបឃ្លាំងលក់ម៉ូតូរ៉ឺម៉កកង់បីមួយកន្លែង ហើយស្ត្រីរូបនោះផ្អែកនឹងទ្វារ ស្រាប់តែឆ្ល.ងចរន្តអគ្គិសនីឆ.ក់ស្លា.ប់ភ្លាមៗចោលកូន បង្កការភ្ញាក់ផ្អើលកាលពីវេលាម៉ោង៨យប់ថ្ងៃទី៣ ខែតុលា ឆ្នាំ២០២២ ជាប់ផ្លូវជាតិលេខ៤ ភូមិបែកចាន ស្រុកអង្គស្នួល ខេត្តកណ្ដាល។
ជនរងគ្រោះឈ្មោះ យីម ភេទស្រី អាយុ៤៤ឆ្នាំ មុខរបរដើររើសអេតចាយ មានកូនស្រី២នាក់ ក្នុងនោះម្នាក់អាយុជិត១០ឆ្នាំ និងម្នាក់ទៀតអាយុជាង១០ឆ្នាំ មានប្ដីសតិមិនប្រក្រតីដើរចោលប្រពន្ធនិងកូន បាត់ឃើញៗ ។ គ្រួសារនេះមានស្រុកកំណើតនៅស្រុកឧដុង្គ ខេត្តកំពង់ស្ពឺ។
តាមប្រភពព័ត៌មានបញ្ជាក់ពីក្រុមអ្នករើសអេតចាយដូចគ្នាបានអោយដឹងថា នៅមុនពេលកើតហេតុ ជនរងគ្រោះនឹងកូនស្រី២នាក់បានដើររើសអេតចាយចល័តដូចសព្វដង ខណៈមេឃកំពុងធ្លាក់ភ្លៀងយ៉ាងខ្លាំង ស្ត្រីរងគ្រោះក៏នាំកូនៗទៅត្បុលរបងដែកចូលជ្រកក្រោមសំយាបឃ្លាំង យីហោ លក់ម៉ូតូរ៉ឺម៉កកង់បីគ្រប់ប្រភេទ ។ ពេលនោះស្ត្រីរងគ្រោះបានទៅផ្អែកនឹងទ្វាររមូល ស្រាប់តែឆ្លងចរន្តអគ្គិសនី បណ្ដាលឲ្យឆ.ក់ស្លា.ប់ភ្លាមៗតែម្តង ទោះបីកូនៗបានស្រែកហៅអោយគេឯងជួយដែរ តែជនរងគ្រោះត្រូវបានចរន្តអគ្គិសនីឆ.ក់ស្លា.ប់បាត់ទៅហើយ ។
តាមប្រភពដដែលបានបន្តថា បន្ទាប់មកប្រជាពលរដ្ឋបានទាក់ទងទៅសមត្ថកិច្ចមូលដ្ឋាន និងអាជ្ញាធរភូមិឃុំចុះទៅពិនិត្យមើល និងធ្វើតេស្ដទ្វារនោះពិតជាឆ្លងចរន្តអគ្គិសនីប្រាកដមែន ដោយមិនអស់ចិត្តក៏ទាក់ទងហៅគ្រូពេទ្យធ្វើកោសល្យវិច័យពិនិត្យស.ពស្ត្រីរងគ្រោះ ដោយគ្រូពេទ្យបានបញ្ជាក់ថា ស្ត្រីរងគ្រោះពិតជាត្រូវបានចរន្តអគ្គិសនីឆ.ក់ស្លា.ប់ប្រាកដមែន ។
បន្ទាប់មក សមត្ថកិច្ចបានធ្វើការទាក់ទងទៅខាងម្ចាស់ឃ្លាំងខាងលើ ដើម្បីសុំថវិកាខ្លះយកសំរួលដោះស្រាយដល់ក្រុមគ្រួសារជនរងគ្រោះ ដោយសារពួកគាត់ខ្វះខាតលុយកាក់សំរាប់បូជាស.ព។
តាមប្រភពពីប្រជាពលរដ្ឋបានឱ្យដឹងថា ស្ត្រីរងគ្រោះតែងតែឃើញដើររើសអេតចាយចល័តគ្រប់កន្លែង និងស្នាក់អាស្រ័យមិនពិតប្រាកដឡើយ។
ក្រោយពេលកើតហេតុ ស.ពស្ត្រីរងគ្រោះត្រូវបានខាងអាជ្ញាធរហៅរថយន្តដឹកយកទៅតម្កល់ទុកនៅវត្តភូមិថ្មី រង់ចាំព្រឹកថ្ងៃទី៤ តុលា នឹងរៀបចំចាត់ចែងបូជាទៅតាមប្រពៃណី ៕
ចែករំលែកព័តមាននេះ