ខេត្តកណ្តាល ៖ ជនសង្ស័យម្នាក់ជាមុខសញ្ញាលួចខ្សែភ្លើង និងទូរស័ព្ទដៃក្នុងវត្ត ត្រូវព្រះគ្រូសូត្រស្តាំ ប្តឹងសមត្ថកិច្ចឲ្យធ្វើការឃាត់ខ្លួន ។ ការបង្ក្រាបនេះ បានធ្វើឡើង កាលពីវេលាម៉ោង១២…
ខេត្តកណ្តាល ៖ ជនសង្ស័យម្នាក់ជាមុខសញ្ញាលួចខ្សែភ្លើង និងទូរស័ព្ទដៃក្នុងវត្ត ត្រូវព្រះគ្រូសូត្រស្តាំ ប្តឹងសមត្ថកិច្ចឲ្យធ្វើការឃាត់ខ្លួន ។ ការបង្ក្រាបនេះ បានធ្វើឡើង កាលពីវេលាម៉ោង១២ និង៣០នាទីថ្ងៃត្រង់ ថ្ងៃទី១៥ ខែមិថុនា ឆ្នាំ២០២៥ ចំណុចក្នុងដីឡូត៍ទុកចោលមួយកន្លែង ភូមិលើ សង្កាត់ស្វាយជ្រំ ក្រុងអរិយក្សត្រ ខេត្តកណ្តាល ។
សមត្ថកិច្ចបានឲ្យដឹងថា ជនសង្ស័យមានឈ្មោះ អាន គីមហេង ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ តេស្តទឹកនោម រកសារធាតុញៀ.នលទ្ធផលវិជ្ជមាន ។
ចំណែកក្នុងនោះសម្ភារៈបាត់បង់រួមមាន ៖ ទូរស័ព្ទចំនួន០៥គ្រឿង និងដកហូតបានវត្ថុតាងរួមមានៈ កាំបិតកែច្នៃចំនួន០១ដើម ,ដង្កាប់ចំនួន០១ ,កាំបិតហូតចំនួន០១ ,ជ័រសម្រាប់សូកខ្សែភ្លើងចំនួន០១ ,កន្រៃ្ដចំនួន០១ ,ខ្សែភ្លើង០១ចំនួន ។
សមត្ថកិច្ចបានឲ្យដឹងថា នៅថ្ងៃទីមិនចាំ ក្នុងខែមិថុនា ឆ្នាំ២០២៥វេលាម៉ោងប្រហែល៦ព្រឹក ជនរងគ្រោះជិះម៉ូតូចេញពីផ្ទះ ធ្វើដំណើរមកវត្ដស្វាយជ្រំ លោកនេន បាននិយាយប្រាប់ខ្លួនថា បានបាត់ទូរស័ព្ទចំនួនប្រាំគ្រឿង អង្រឹងចំនួនមួយ និងសម្ភារៈផ្សេងៗទៀត ។
បន្ទាប់មកព្រះចៅសូត្រស្ដាំបានមើលកាមេរ៉ា បានឃើញបុរសម្នាក់ចូលមកលួចទូរស័ព្ទក្នុងសាលាឆាន់ និងកន្លែងលោកសឹង ដោយឆែកកាមេរ៉ាមើលមិនសូវច្បាស់ក៏បានទៅដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាលស្វាយជ្រំ ។
លុះដល់ថ្ងៃទី១៥ ខែមិថុនា ឆ្នាំ២០២៥វេលាម៉ោង១៥និង៣០នាទីល្ងាច សមត្ថកិច្ចកំពុងអង្គុយប្រចាំការក៏បានឃើញឈ្មោះ អាន គីមហេង ស្ពាយបាវក៏បានហៅសួរនាំ ស្រាប់តែឈ្មោះ អាន គីមហេង រត់ចូលទៅក្នុងវត្ដស្វាយជ្រំ ពេលនោះសមត្ថកិច្ចឃើញឈ្មោះ អាន គីមហេង រត់ក៏ដេញតាមចាប់ដល់ក្នុងវត្ដ ក៏ចាប់ឃាត់ខ្លួនបានបញ្ចូនខ្លួនមកប៉ុស្តិ៍នគរបាលស្វាយជ្រំ ដើម្បីសួរនាំតែម្ដង ។
នៅចំពោះមុខសមត្ថកិច្ចជនសង្ស័យឈ្មោះ អាន គីមហេង បានឆ្លើយសារភាពថា ខ្លួនធ្លាប់បានធ្វើសកម្មភាពចូលលួចទូរស័ព្ទ និងខ្សែភ្លើង នៅចំណុចកើតហេតុខាងលើពិតប្រាកដមែន ។ បច្ចុប្បន្នជនសង្ស័យត្រូវបាននាំមកកាន់អធិការដ្ឋាននគរបាលក្រុងអរិយក្សត្រដើម្បីបន្ដចាត់ការតាមនីតិវិធី ៕
ចែករំលែកព័តមាននេះ