ខេត្តឧត្តរមានជ័យ ៖ សេចក្តីរាយការណ៍បានឱ្យដឹងថា ករណីមន្ត្រីនគបាលបម្រើការក្នុងអង្គភាពព្រហ្មទណ្ឌកំរិតស្រាលនៃស្នងការនគរបាលខេត្តឧត្តរមានជ័យម្នាក់ ដែលទាញកាំភ្លើងបា.ញ់ទៅលើស្ត្រីជាប្រពន្ធចុងរបស់ខ្លួន បណ្តាលឱ្យដេកដួលស្លា.ប់ក្នុងថ្លុកឈាមនៅថ្ងៃបុណ្យសិទ្ធិនារី៨ មីនា នោះ មកទល់ពេលនេះ ជនសង្ស័យបានរត់គេចខ្លួន ព្រមទាំងយកកូនស្រីអាយុ១ខួប ទៅជា
ខេត្តឧត្តរមានជ័យ ៖ សេចក្តីរាយការណ៍បានឱ្យដឹងថា ករណីមន្ត្រីនគបាលបម្រើការក្នុងអង្គភាពព្រហ្មទណ្ឌកំរិតស្រាលនៃស្នងការនគរបាលខេត្តឧត្តរមានជ័យម្នាក់ ដែលទាញកាំភ្លើងបាញ់ទៅលើស្ត្រីជាប្រពន្ធចុងរបស់ខ្លួន បណ្តាលឱ្យដេកដួលស្លាប់ក្នុងថ្លុកឈាមនៅថ្ងៃបុណ្យសិទ្ធិនារី៨ មីនា នោះ មកទល់ពេលនេះ ជនសង្ស័យបានរត់គេចខ្លួន ព្រមទាំងយកកូនស្រីអាយុ១ខួប ទៅជាមួយផង ។
គួរបញ្ជាក់ថា ហេតុការណ៍ខាងលើកើតឡើង កាលពីវេលាម៉ោង០៩ និង២០នាទីយប់ថ្ងៃទី៨ មីនា (ដែលជាថ្ងៃបុណ្យសិទ្ធិនារី) ស្ថិតនៅផ្ទះជួលមួយកន្លែង ក្នុងភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ ។
ស្ត្រីរងគ្រោះជាប្រពន្ធចុងដែលស្លាប់ឈ្មោះរី ស្រីពៅ អាយុ២៦ឆ្នាំ មានទីលំនៅផ្ទះជួលក្នុងភូមិកើតហេតុ ដែលសាកសពត្រូវបានគេបញ្ជូនទាំងយប់ទៅធ្វើបុណ្យនៅឯស្រុកកំណើតខេត្តបាត់ដំបង ។ ចំណែកជនសង្ស័យជាប្តីឈ្មោះវឿន បូរិន អាយុ៣៦ឆ្នាំ មានឋានន្តរស័ក្តអនុសេនីយ៍ឯក ក្នុងអង្គភាពព្រហ្មទណ្ឌកំរិតស្រាល នៃស្នងការនគរបាលខេត្តឧត្តរមានជ័យ ហើយបានយកកូនស្រីអាយុ១ខួប រត់គេចខ្លួនបាត់ក្រោយពីកើតហេតុ។
ទាក់ទិនហេតុការណ៍នេះ កោះសន្តិភាពបានទូរស័ព្ទជួបលោកវរសេនីយ៍ឯក ឡឹក សុខា ស្នងការរងផ្នែកព្រហ្មទណ្ឌនៃស្នងការនគរបាលខេត្តឧត្តរមានជ័យ នៅរសៀលថ្ងៃទី៩ មិនា នេះ តែមិនអាចឆ្លើយបំភ្លឺបានទេ ដោយលោកកំពុងជាប់រវល់ ។
ចែករំលែកព័តមាននេះ