ខេត្តពោធិ៍សាត់ ៖ បុរសម្នាក់ជិះម៉ូតូយ៉ាងលឿន ស្រាប់តែទៅបុកជាមួយរថយន្ដពីក្រោយ បណ្ដាលខ្លួនឯងស្លាប់ភ្លាមៗនៅនឹងកន្លែង ក្រោយពីត្រឡប់មកពីហូបការគេនៅឯទីរួមខេត្តវិញ ។ ហេតុការណ៍នេះកើតឡើងត្រង់ចំណុចស្ពានអូរតាមាស ក្នុងភូមិស្រែប្ញស្សី ឃុំក្បាលត្រាច ស្រុកក្រគរ កាលពីវេលាម៉ោង០២ និង៣០នាទីរសៀលថ្ងៃទី០៨ មីនា ២០១៧ ។
ខេត្តពោធិ៍សាត់ ៖ បុរសម្នាក់ជិះម៉ូតូយ៉ាងលឿន ស្រាប់តែទៅបុកជាមួយរថយន្ដពីក្រោយ បណ្ដាលខ្លួនឯងស្លាប់ភ្លាមៗនៅនឹងកន្លែង ក្រោយពីត្រឡប់មកពីហូបការគេនៅឯទីរួមខេត្តវិញ ។ ហេតុការណ៍នេះកើតឡើងត្រង់ចំណុចស្ពានអូរតាមាស ក្នុងភូមិស្រែប្ញស្សី ឃុំក្បាលត្រាច ស្រុកក្រគរ កាលពីវេលាម៉ោង០២ និង៣០នាទីរសៀលថ្ងៃទី០៨ មីនា ២០១៧ ។
ប្រភពឱ្យដឹងថា ជនរងគ្រោះដែលស្លាប់ឈ្មោះសាន់ វណ្ណៈ អាយុ៣២ឆ្នាំ រស់នៅភូមិស្រែឬស្សី ឃុំក្បាលត្រាច ស្រុកក្រគរ ជិះម៉ូតូម៉ាកហុងដាសេ១២៥ ស៊េរី២០១៤ ពណ៌ខ្មៅពាក់ស្លាកលេខពោធិ៍សាត់1F-8830 ។ ចំណែកខាងរថយន្ដម៉ាកPAJERO ពណ៌.សពាក់ស្លាកលេខភ្នំពេញ2F-0511 អ្នកបើកបរមិនស្គាល់ឈ្មោះគេចខ្លួនបាត់ ។
ប្រភពបន្តថា នៅរសៀលនោះ ជនរងគ្រោះបានជិះម៉ូតូម្នាក់ឯង ត្រឡប់មកពីហូបការមិត្តភក្តិនៅឯទីរួមខេត្ត ។ គេឃើញជនរងគ្រោះបើកម៉ូតូក្នុងល្បឿនលឿនទិសដៅពីលិចទៅកើតទំនងជាស្រវឹងស្រាជោកជាំ ។ ពេលទៅដល់ចំណុចកើតហេតុ មិនដឹងជាយ៉ាងម៉េច ស្រាប់តែទៅបុកពីក្រោយរថយន្ដ PAJERO ដែលកំពុងធ្វើដំណើរស្របទិសគ្នា បណ្ដាលឱ្យដួលបោកក្បាលស្លាប់ភ្លាមៗនៅនឹងកន្លែងកើតហេតុ ។ ចំណែកអ្នកបើករថយន្ដមិនស្គាល់អត្តសញ្ញាណឃើញហេតុការណ៍តក់ស្លុតបែបនេះទុករថយន្តចោលគេចខ្លួនបាត់តែម្ដង។
ចែករំលែកព័តមាននេះ