តៃវ៉ាន់ថាបានជួយសង្គ្រោះប្រជាជនខ្លួន២៨៥នាក់ពីអន្ទាក់ជួ.ញដូរមនុស្សនៅកម្ពុជា
តៃវ៉ាន់ ៖ រដ្ឋមន្ត្រីក្រសួងមហាផ្ទៃតៃវ៉ាន់ លោក Hsu Kuo-yung និយាយនៅថ្ងៃចន្ទ ទី ៣ តុលា នេះថា
តៃវ៉ាន់ ៖ រដ្ឋមន្ត្រីក្រសួងមហាផ្ទៃតៃវ៉ាន់ លោក Hsu Kuo-yung និយាយនៅថ្ងៃចន្ទ ទី ៣ តុលា នេះថា តៃវ៉ាន់បានជួយប្រជាពលរដ្ឋខ្លួនចំនួន ២៨៥នាក់ឱ្យវិលត្រឡប់មកមាតុភូមិវិញពីការឆបោ.ក និងការជួ.ញដូរមនុស្សនៅក្នុងប្រទេសកម្ពុជាគិតត្រឹមថ្ងៃទី ២៨ កញ្ញា។
លោកថ្លែងនៅក្នុងសន្និសិទខ្លីមួយថា ជនរងគ្រោះចំនួន ៣១០នាក់ត្រូវបានកំណត់អត្តសញ្ញាថាស្ថិតក្នុងចំណោមមនុស្សចំនួន ៤.៦៧៩នាក់ដែលបានធ្វើដំណើរមកកាន់ប្រទេសកម្ពុជាកាលពីឆ្នាំមុន ហើយជនរងគ្រោះចំនួន ៣៥៤នាក់ត្រូវបានជួយសង្គ្រោះ។
រដ្ឋមន្ត្រីដដែលបានបន្ថែមថា ចាប់តាំងពីខែមីនាមក ភ្នាក់ងារប៉ូលិសជាតិបានបង្ក្រាបករណីពាក់ព័ន្ធចំនួន ១០០ករណី និងធ្វើការចាប់ខ្លួនមនុស្សចំនួន ២៨៤នាក់។ ក្នុងចំណោមអ្នកត្រូវបានចាប់ខ្លួន មាន ៧០នាក់ជាសមាជិកក្រុមទំនើង។
ដោយសារមានកិច្ចប្រឹងប្រែងដើម្បីបង្ក្រាបឧក្រិ.ដ្ឋកម្មដែលបោកបញ្ឆោ.តមនុស្សឱ្យធ្វើដំណើរទៅប្រទេសកម្ពុជារួមមានការស្ទាក់ចាប់តាំងអាកាសយានដ្ឋាន ចំនួនពលរដ្ឋតៃវ៉ាន់ធ្វើដំណើរទៅកម្ពុជា និងរបាយការណ៍ពីការជួ.ញដូរមនុស្សបានធ្លាក់ចុះ។
កាលពីខែកក្កដា មានរបាយការណ៍ចំនួន ២៥៨នាក់ទាក់ទងនឹងឆបោកមនុស្សឱ្យទៅប្រទេសកម្ពុជា ប៉ុន្តែនៅខែសីហាចំនួននោះមានត្រឹមតែ ៥៨ករណីប៉ុណ្ណោះ។ ដោយឡែកនៅខែកញ្ញា មានត្រឹម ១ករណីប៉ុណ្ណោះ៕ (យោងតាមប្រភព៖ CNA & Taiwan News)
ចែករំលែកព័តមាននេះ