កាហ្វេវៀតណាមកំពុងរីកលូតលាស់ខ្លាំងលើពិភពលោក
ប្រទេសវៀតណាម ៖ វៀតណាមបានជាប់ចំណាត់ថ្នាក់ពីក្រោយប្រទេសឥណ្ឌូណេស៊ី តួកគី និងឥណ្ឌា ទៅលើកំណើនការលក់រាយកាហ្វេ ។ នេះបើតាមរបាយការណ៍របស់ទីភ្នាក់ងារអង្កេតទីផ្សារសកល ។
ប្រទេសវៀតណាម ៖ វៀតណាមបានជាប់ចំណាត់ថ្នាក់ពីក្រោយប្រទេសឥណ្ឌូណេស៊ី តួកគី និងឥណ្ឌា ទៅលើកំណើនការលក់រាយកាហ្វេ ។ នេះបើតាមរបាយការណ៍របស់ទីភ្នាក់ងារអង្កេតទីផ្សារសកល ។
អត្រាកំណើនប្រចាំឆ្នាំរបស់វៀតណាម ដែលវាស់វែងពីកំណើនតម្លៃជាមធ្យមក្នុងឆ្នាំ២០១២-២០១៦ ស្មើនឹង១៤,៩% ខណៈទីផ្សារឥណ្ឌូណេស៊ីកើនឡើង១៩,៦% តាមពីក្រោយដោយតួកគី ១៧,៥% និង១៥,១%នៅក្នុងប្រទេសឥណ្ឌា។ នេះបើតាមរបាយការណ៍របស់ក្រុមហ៊ុនស្រាវជ្រាវទីផ្សារ Mintel ដែលមានមូលដ្ឋាននៅទីក្រុងឡុងដ៍។
របាយការណ៍នេះនិយាយថា សម្រាប់ទីផ្សារអាស៊ី ការលូតលាស់នៃសេដ្ឋកិច្ចត្រូវបានជំរុញដោយការកើនឡើងនៃផលិតផលកាហ្វេ និងក្លាយជាទីផ្សារកាហ្វេមានកំណើនលឿនបំផុតលើពិភពលោក ។ ផ្ទុយទៅវិញ នៅទីផ្សារអឺរ៉ុប និងអូស្ត្រាលីមានអត្រាទាបបំផុត ។
ទោះបីប្រទេសអាល្លឺម៉ង់ សហរដ្ឋអាមេរិក អុីតាលី និងអេស្ប៉ាញជាប់ចំណាត់ថ្នាក់នាំចូលគ្រាប់កាហ្វេបៃតងពីវៀតណាមក្នុងឆ្នាំ២០១៦ ដោយផ្អែកលើទិន្នន័យរបស់រដ្ឋាភិបាលវៀតណាមក្តី ប៉ុន្តែការរកឃើញរបស់ក្រុមហ៊ុន Mintel បង្ហាញថា ប្រទេសអឺរ៉ុបភាគច្រើនបានកែច្នៃគ្រាប់កាហ្វេនាំចូលទាំងនោះ ហើយនាំចេញជាផលិតផលសម្រេច ។
បរិមាណលក់រាយនៃទីផ្សារកាហ្វេជាសកលបានកើនឡើង២,៧% និងកើនឡើងបន្តិចពីកំណើនប្រចាំឆ្នាំ២,៥%កាលពីឆ្នាំមុន ។
លោក Jonny Forsythe អ្នកវិភាគភេសជ្ជៈសកលនៅក្រុមហ៊ុន Mintel ថ្លែងថា ៖ « ឧស្សាហកម្មកាហ្វេពិភពលោកបន្តរីកលូតលាស់យ៉ាងល្អ ដែលជំរុញដោយទីផ្សារអាស៊ី ។ អាស៊ីមានកំណើនប្រកបដោយសក្តានុពល ខណៈអ្នកនិយមទទួលទានតែប្រពៃណីបានផ្លាស់ប្តូរយឺតៗមករកកាហ្វេវិញ» ។
អង្គការកាហ្វេអន្តរជាតិប៉ាន់ប្រមាណថា ការទទួលទានកាហ្វេរបស់វៀតណាមស្មើ៨% ក្នុងរយៈពេល៤ឆ្នាំត្រឹមឆ្នាំ២០១៦ ដែលជាអត្រាកំណើនលឿនបំផុតទី២ ក្នុងចំណោមប្រទេសនាំចេញកាហ្វេលើពិភពលោក បន្ទាប់ពីហ្វ៊ីលីពីន ។
ក្រុមហ៊ុន ICO មានមូលដ្ឋាននៅទីក្រុងឡុងដ៍ឲ្យដឹងថា ការទទួលទានកាហ្វេរបស់ប្រទេសវៀតណាម ស្មើ១៤ម៉ឺនតោនក្នុងឆ្នាំ២០១៥/២០១៦ ឬ៨% កើនឡើងពីចំនួន១៣ម៉ឺនតោនកាលពីរដូវកាលមុន ៕
ចែករំលែកព័តមាននេះ