សមត្ថកិច្ចចម្រុះរឹបអូសឈើប្រភេទធ្នង់៥៤កំណាត់
ខេត្តកំពង់ឆ្នាំង ៖ ឈើប្រណិតប្រភេទធ្នង់ចំនួន៥៤កំណាត់ធំៗត្រូវបានសមត្ថកិច្ចចម្រុះចុះបង្ក្រាប និងរឹបអូស…
ខេត្តកំពង់ឆ្នាំង ៖ ឈើប្រភេទធ្នង់ចំនួន៥៤កំណាត់ធំៗត្រូវបានសមត្ថកិច្ចចម្រុះចុះបង្ក្រាប និងរឹបអូសបានកាលពីវេលាម៉ោង២និង៣០នាទីរសៀលថ្ងៃទី៧ មីនា នៅក្នុងភូមិសាស្ត្រឃុំជៀប និងឃុំក្បាលទឹក ស្រុកទឹកផុស និងបានយកទៅរក្សាទុក្ខនៅស្នាក់ការដែនជម្រកសត្វព្រៃភ្នំឱរ៉ាល់ ។
លោក បឿ ប៊ុនថន នាយកដែនជម្រកសត្វព្រៃភ្នំឱរ៉ាល់បានឱ្យដឹងថា ក្រោយពីទទួលបានការអនុញ្ញាតពីលោកព្រះរាជអាជ្ញារងអមសាលាដំបូងខេត្តសមត្ថកិច្ចចម្រុះមានមន្ត្រីបរិដ្ឋាន លោកស្នងការរង លោកអនុប្រធានមន្ទីរកសិកម្មខេត្ត មន្ត្រីរដ្ឋបាលព្រៃឈើបានចុះចាប់ឈើ ប្រភេទធ្នង់ទាំងនោះយកចេញពីក្នុងព្រៃដែលជនល្មើសបានលាក់ទុកក្នុងភូមិសាស្ត្រទាំងពីរឃុំខាងលើ ។ លោកបានបន្តថា ក្រោយពីធ្វើកំណត់ហេតុវាស់វែងរួចមកឈើទាំងនោះបានយកទៅរក្សាទុកនៅស្នាក់ការដែនជម្រកសត្វព្រៃភ្នំឱរ៉ាល់ដើម្បីកសាងសំណុំរឿងតាមផ្លូវច្បាប់ ៕
ចែករំលែកព័តមាននេះ