រាជធានីភ្នំពេញ ៖ បុរសម្នាក់បន្ទាប់ពីផឹកស៊ីស្រវឹងជោកជាំរួចមកបានបើករថយន្តកាមរីបាឡែនរបស់ខ្លួនបណ្តើររវល់តែលើកទូរស័ព្ទនិយាយ បណ្តាលឱ្យរេចង្កូតធ្លាក់រណ្តៅការរដ្ឋានជីកដាក់លូរបស់សាលារាជធានីតែមិនបណ្តាលឱ្យរងរបួសមនុស្សនោះទេ
រាជធានីភ្នំពេញ ៖ បុរសម្នាក់បន្ទាប់ពីផឹកស៊ីស្រវឹងជោកជាំរួចមកបានបើករថយន្តកាមរីបាឡែនរបស់ខ្លួនបណ្តើររវល់តែលើកទូរស័ព្ទនិយាយ បណ្តាលឱ្យរេចង្កូតធ្លាក់រណ្តៅការរដ្ឋានជីកដាក់លូរបស់សាលារាជធានីតែមិនបណ្តាលឱ្យរងរបួសមនុស្សនោះទេ កាលពីវេលា ម៉ោង១១យប់ ថ្ងៃទី៨ មីនា តាមបណ្តោយផ្លូវ២៨៩ មុខវិទ្យាស្ថានជាតិសុខភាពសាធារណៈ ស្ថិតក្នុងសង្កាត់បឹងកក់២ ខណ្ឌទួលគោក ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញបុរសម្នាក់ស្រវឹងជោកជាំបើករថយន្តមួយគ្រឿងម៉ាកកាមរីបាឡែន ពណ៌ស្ករ ពាក់ស្លាកលេខ ភ្នំពេញ 2AH-7092 ធ្វើដំណើរតាមបណ្តោយផ្លូវ២៨៩ ក្នុងទិសដៅពីជើងទៅត្បូង លុះមកដល់ចំណុចកើតហេតុដោយសារតែអ្នកបើកបររវល់តែលើកទូរស័ព្ទនិយាយទាំងក្នុងស្ថានភាពស្រវឹងជោកជាំ ហើយក៏បានរេចង្កូតទៅខាងស្តាំ បណ្តាលឱ្យធ្លាក់រថយន្តទាំងមូលចូលក្នុងរណ្តៅដែលគេជីកកាយសំរាប់ដាក់លូធ្វើឱ្យរថយន្តទៅមុខលែងរួច ភ្លាមនោះបងប្អូនប្រជាពលរដ្ឋឃើញហេតុការណ៍បានជួយលើកបុរសម្ចាស់រថយន្តចេញមកក្រៅ និងបានយកទូរស័ព្ទទាក់ទងទៅក្រុមគ្រួសារមកទទួលទៅផ្ទះ ។
បើតាមសម្តីពីបុរសដែលជាអ្នកបើកបររថយន្តបានរៀបរាប់ឱ្យដឹងថា រូបគេគឺជាមេធាវីមួយរូបហើយគេទើបតែចេញមកពីផឹកស៊ីជាមួយលោក សៅ សុខា ។ ក្រោយពេលកើតហេតុរថយន្តខាងលើត្រូវបានសមត្ថកិច្ចជំនាញចរាចរណ៍ខណ្ឌស្ទួចយករថយន្តទៅរក្សាទុកនៅអធិការនគរបាលខណ្ឌទួលគោក ៕
ចែករំលែកព័តមាននេះ