ខេត្តព្រៃវែង ៖ បុរសម្នាក់ត្រូវសមត្ថកិច្ចអធិការដ្ឋាននគរបាលស្រុកព្រះស្ដេចឃាត់ខ្លួនបញ្ជូនទៅកាន់សាលាដំបូងខេត្តព្រៃវែងក្នុងករណីឡើងផ្ទះគេលួចប្រាក់ និងមាសបានសម្រេច ។ ការឃាត់ខ្លួននេះធ្វើឡើងកាលពីថ្ងៃទី៧ មីនា នៅចំណុចភូមិកគោ ឃុំបន្ទាយចក្រី ស្រុកព្រះស្ដេច ។
ខេត្តព្រៃវែង ៖ បុរសម្នាក់ត្រូវសមត្ថកិច្ចអធិការដ្ឋាននគរបាលស្រុកព្រះស្ដេចឃាត់ខ្លួនបញ្ជូនទៅកាន់សាលាដំបូងខេត្តព្រៃវែងក្នុងករណីឡើងផ្ទះគេលួចប្រាក់ និងមាសបានសម្រេច ។ ការឃាត់ខ្លួននេះធ្វើឡើងកាលពីថ្ងៃទី៧ មីនា នៅចំណុចភូមិកគោ ឃុំបន្ទាយចក្រី ស្រុកព្រះស្ដេច ។
បើតាមសមត្ថកិច្ចនគរបាលខេត្តបានឲ្យដឹងថា ជនសង្ស័យដែលធ្វើការឃាត់ខ្លួនមានឈ្មោះ សូ សែន ភេទប្រុស អាយុ១៨ឆ្នាំ មានទីលំនៅភូមិកគោ ឃុំបន្ទាយចក្រី ស្រុកព្រះស្ដេច ។ ប្រតិបត្តិការណ៍ចុះឃាត់ខ្លួននេះផងដែរធ្វើឡើងបន្ទាប់ពីបានទទួលបណ្ដឹងពីជនរងគ្រោះឈ្មោះ អូន ក្រឹម ភេទប្រុស អាយុ២៧ឆ្នាំ នៅភូមិកគោ ឃុំបន្ទាយចក្រី ស្រុកព្រះស្ដេច វេលាម៉ោង២២និង៣០នាទីយប់នៅថ្ងៃទី៦ មីនា ថាមានករណីចោរលួចមាសរបស់ខ្លួនអស់ចំនួន៥ជី និងលុយខ្មែរចំនួន២០ម៉ឺនរៀល ហើយជនរងគ្រោះក៏បានសង្ស័យមកលើឈ្មោះ សូ សែន ជាអ្នកលួចព្រោះថាកន្លងមកយុវជនរូបនេះតែងតែចេញចូលផ្ទះរបស់ខ្លួន ។
ជនរងគ្រោះបានឱ្យដឹងថា នៅមុនពេលកើតហេតុនៅជិតផ្ទះរបស់ខ្លួនមានកម្មវិធីចូលរោងការរបស់កូនអ្នកភូមិដែលនៅជិតនោះហើយជនសង្ស័យក៏បានចូលមកលេង និងគេដែរ និងបានឈៀងមកចូលលេងផ្ទះរបស់គាត់បំណងមកអង្គុយលេងបៀរដូចសព្វដង តែខណៈនោះមិនទាន់មានអ្នកលេងបៀរផ្សេងមកលេងនៅឡើយទេហើយនៅពេលនោះទៀតផ្ទះក៏ស្ងាត់ដែរដោយគិតថា ជាអ្នកស្គាល់គ្នាគាត់ក៏មិនបានចាប់អារម្មណ៍អ្វីដែរតែនៅពេលជនសង្ស័យចេញទៅបាត់គាត់ក៏បានបាត់លុយ និងមាសតែម្តងហើយក៏ឆោឡោប្តឹងប៉ូលិសតែម្តងទៅ ។
ក្រោយពេលឃាត់ខ្លួនសមត្ថកិច្ចសួរនាំទៅជនសង្ស័យបានសារភាពថា ខ្លួនពិតជាបានលួចលុយ និងមាសរបស់ជនរងគ្រោះប្រាកដមែនដោយឃើញផ្ទះស្ងាត់គ្មានមនុស្ស ខ្លួនក៏ចូលទៅតាមទ្វារក្រោយឡើងទៅយកមាស និងលុយរបស់ជនរងគ្រោះទៅលក់នៅប្រទេសវៀតណាមភ្លាមតែម្តងទៅ ហើយនៅពេលត្រឡប់មកវិញក៏ជាប់សំណាញ់របស់សមត្ថកិច្ច ។ ជនសង្ស័យត្រូវបានសមត្ថកិច្ចកសាងសំណុំរឿងដើម្បីបញ្ជូនខ្លួនទៅកាន់តុលាការខេត្តព្រៃវែងដើម្បីចាត់ការតាមនីតិវិធីច្បាប់ ៕
ចែករំលែកព័តមាននេះ