រាជធានីភ្នំពេញ ៖ នារីវ័យក្មេងម្នាក់បើករថយន្តម៉ាកកាម៉ារីបាឡែនក្នុងល្បឿនយ៉ាងលឿន លុះមកដល់ចំណុចរង្វង់មូលហើយនៅមិនបង្អង់ល្បឿនទៀត ក៏ជ្រុលទៅបុករថយន្តម៉ាកតូយ៉ូតា១៥កៅអីចំពាក់កណ្តាលខ្លួនយ៉ាងពេញទំហឹង បណ្តាលឱ្យរងការខូចខាតយ៉ាងដំណំទាំង២គ្រឿង ។
រាជធានីភ្នំពេញ ៖ នារីវ័យក្មេងម្នាក់បើករថយន្តម៉ាកកាម៉ារីបាឡែនក្នុងល្បឿនយ៉ាងលឿន លុះមកដល់ចំណុចរង្វង់មូលហើយនៅមិនបង្អង់ល្បឿនទៀត ក៏ជ្រុលទៅបុករថយន្តម៉ាកតូយ៉ូតា១៥កៅអីចំពាក់កណ្តាលខ្លួនយ៉ាងពេញទំហឹង បណ្តាលឱ្យរងការខូចខាតយ៉ាងដំណំទាំង២គ្រឿង ។
ហេតុការណ៍នេះ កើតឡើងកាលពីវេលាម៉ោង១២ និង៥៥នាទីថ្ងៃត្រង់ថ្ងៃទី០៨ មីនា នេះ ស្ថិតត្រង់ចំណុចរង្វង់មូលសម្តេចព្រះសង្ឃរាជ្យ ជួន ណាត ក្នុងសង្កាត់ចតុមុខ ខណ្ឌដូនពេញ ។
នារីខាងលើមិនត្រូវបានស្គាល់ឈ្មោះនោះទេ ដោយនៅមុនពេលកើតហេតុ គេឃើញរថយន្តម៉ាកតូយ៉ូតា១៥កៅអី ពណ៌ទឹកប្រាក់ ពាក់ស្លាកលេខរដ្ឋ ២៥-២-២០០០ បើកបរក្នុងទិសដៅពីត្បូងទៅជើង ឆ្លងកាត់រង្វង់មូលសម្តេចព្រះសង្ឃរាជ្យ ជួន ណាត ស្ទើរតែផុតទៅហើយនោះ ក៏ស្រាប់តែមានរថយន្តម៉ាកកាម៉ារីបាឡែន ពណ៌ខ្មៅ ពាក់ស្លាកលេខភ្នំពេញ២L-០៤៨៣មួយគ្រឿង ដែលបើកដោយនារីវ័យក្មេងនោះ មកដល់យ៉ាងលឿន ។
លុះមកដល់ចំណុចកើតហេតុ រថយន្តកាមរីបាឡែនមិនបានបន្ថយហ្គែរបង្អង់ល្បឿនឡើយ បានទៅបុកជាមួយរថយន្តម៉ាកតូយ៉ូតាពាក់ស្លាកលេខរដ្ឋមួយគ្រឿងនោះចំពាក់កណ្តាល ធ្វើឱ្យរងការខូចខាតយ៉ាងដំណំទាំងពីរគ្រឿងដូចគ្នាតែម្តង ។
ចែករំលែកព័តមាននេះ