រាជធានីភ្នំពេញ ៖ សេចក្តីរាយការណ៍បានឱ្យដឹងថា រថយន្តឡិចស៊ីសRX330មួយគ្រឿង បើកបរដោយបុរសជនជាតិចិន បានបុករបាំងថ្មការដ្ឋានសាងសង់ស្ពានអាកាសថ្មើរជើង បណ្តាលឱ្យខូចខាតយ៉ាងដំណំ ក្រោយមក ត្រូវសមត្ថកិច្ចប្រាប់ឱ្យម្ចាស់អូសយកទៅជួសជុល ប៉ុន្តែមិនទាន់បានជួសជុលផង ស្រាប់តែរថយន្តឆ្លងចរន្តភ្លើងឆាបឆេះយ៉ាងសន្ធោសន្ធៅ ។
រាជធានីភ្នំពេញ ៖ សេចក្តីរាយការណ៍បានឱ្យដឹងថា រថយន្តឡិចស៊ីសRX330មួយគ្រឿង បើកបរដោយបុរសជនជាតិចិន បានបុករបាំងថ្មការដ្ឋានសាងសង់ស្ពានអាកាសថ្មើរជើង បណ្តាលឱ្យខូចខាតយ៉ាងដំណំ ក្រោយមក ត្រូវសមត្ថកិច្ចប្រាប់ឱ្យម្ចាស់អូសយកទៅជួសជុល ប៉ុន្តែមិនទាន់បានជួសជុលផង ស្រាប់តែរថយន្តឆ្លងចរន្តភ្លើងឆាបឆេះយ៉ាងសន្ធោសន្ធៅ ។
ហេតុការណ៍នេះ កើតឡើងកាលពីវេលាម៉ោង០១ និង៣០នាទីរំលងអធ្រាត្រ ឈានចូលថ្ងៃទី០៨ មីនា ២០១៧ ស្ថិតតាមបណ្តោយផ្លូវជាតិ៤ មុខសាលាបឋមសិក្សាជម្ពូវ័ន ត្រង់ចំណុចការរដ្ឋានស្ថាបនាពង្រីកផ្លូវ និងសាងសង់ស្ពានអាកាសថ្មើជើង ក្នុងភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ ។
ប្រភពបានឱ្យដឹងថា រថយន្តឡិចស៊ីស RX330ខាងលើ មានពណ៌.ស ពាក់ស្លាកលេខភ្នំពេញ 2AA-1018 បើកបរដោយបុរសជាជនជាតិចិន២នាក់ មិនស្គាល់អត្តសញ្ញាណ ក្នុងទិសដៅពីកើតទៅលិចមានល្បឿនយ៉ាងលឿន ។
ក្រោយពេលកើតហេតុ សមត្ថកិច្ចទៅពិនិត្យឃើញថា មិនបង្កគ្រោះថ្នាក់ដល់អ្នកដទៃ និងទ្រព្យសម្បត្តិសាធារណៈនោះ សមត្ថកិច្ចឱ្យម្ចាស់រថយន្ត ហៅរថយន្តមកស្ទូចយកទៅជួសជុលដោយខ្លួនឯង ។ ពេលរថយន្តអេស្កាវ៉ាទ័រនៅក្បែរកន្លែងកើតហេតុ ប្រុងមកអូសចេញពីកន្លែងកើតហេតុ យកទៅទុកនៅមុខសាលាបឋមសិក្សាជម្ពូវ័នរួចហើយជនជាតិចិននាំគ្នាឡើងជិះរថយន្តឈ្នួលទៅបាត់អស់រយៈពេលជាងមួយម៉ោង នៅវេលាម៉ោង៣ និង៤០នាទីទៀបភ្លឺ ស្រាប់តែរថយន្តខាងលើ បានឆ្លងចរន្តបង្កជាអណ្តាតភ្លើងឆាបឆេះយ៉ាងសន្ធោសន្ធៅ ទាល់តែសមត្ថកិច្ចហៅរថយន្តពន្លត់អគ្គិភ័យរបស់សាលាខណ្ឌពោធិ៍សែនជ័យមួយគ្រឿង ទៅបាញ់ទឹកពន្លត់ទើបរលត់អស់ទាំងស្រុង ។
ចែករំលែកព័តមាននេះ