រថយន្តដឹកដើមឈើត្រេងត្រាងចុះផឹកទឹកស្អុយបឹងត្របែក
រាជធានីភ្នំពេញ ៖ រថយន្តធុនធំដឹកដើមឈើសម្រាប់ដាំលំអរមួយគ្រឿង បានជ្រុលចង្កូតធ្លាក់មួយកំណាត់ខាងមុខ ចូលទៅក្នុងប្រឡាយទឹកស្អុយបឹងត្របែក
រាជធានីភ្នំពេញ ៖ រថយន្តធុនធំដឹកដើមឈើសម្រាប់ដាំលំអរមួយគ្រឿង បានជ្រុលចង្កូតធ្លាក់មួយកំណាត់ខាងមុខ ចូលទៅក្នុងប្រឡាយទឹកស្អុយបឹងត្របែក
រាជធានីភ្នំពេញ ៖ រថយន្តធុនធំដឹកដើមឈើសម្រាប់ដាំលំអរមួយគ្រឿង បានជ្រុលចង្កូតធ្លាក់មួយកំណាត់ខាងមុខ ចូលទៅក្នុងប្រឡាយទឹកស្អុយបឹងត្របែកនៅខាងក្រោយខារ៉ាអូខេ«ដឺវើលដ៍»ខណៈពេលដែលថយចុះថយឡើង រកកន្លែងចូលចតដើម្បីស្ទូចដើមឈើទម្លាក់ចុះយកទៅដាំនៅក្នុងការដ្ឋានប្រេងឥន្ធនៈមួយកន្លែងនៅក្បែរនោះ ។ ទោះជាបែបណា មិនបានបង្កឱ្យមានមនុស្សណាម្នាក់រងគ្រោះទេ ។
ហេតុការណ៍នេះដែរ បានកើតឡើងកាលពីវេលាម៉ោង១១ និង៥០នាទីថ្ងៃត្រង់ថ្ងៃទី៧ មីនា ក្នុងប្រឡាយធំបង្ហូរទឹកស្អុយ(ខាងក្រោយខារ៉ាអូខេដឺវើលដ៍)ផ្លូវលេខ១០៥ ក្នុងសង្កាត់បឹងត្របែក ខណ្ឌចំការមន ។
តាមប្រភពព័ត៌មានពីមន្ត្រីអាជ្ញាធរមូលដ្ឋានម្នាក់បានប្រាប់ឱ្យដឹងថា មុនពេលកើតហេតុគេបានឃើញមានរថយន្តធុនធំ ពណ៌ត្រួយចេក ពាក់ផ្លាកលេខភ្នំពេញ៣A-៧៦៧៧មួយគ្រឿង ដែលបើកបរដោយបុរសម្នាក់ឈ្មោះ វិបុល អាយុជាង២០ឆ្នាំ ផ្ទុកទៅដោយដើមឈើជាច្រើនដើម មកពីកៀនស្វាយដើម្បីយកមកដាំលំអរ នៅក្នុងការដ្ឋានស្ថានីយប្រេងឥន្ធនៈមួយដែលនៅក្បែរនោះ ។ លុះមកដល់ចំណុចកើតហេតុខាងលើ រថយន្តធុនធំនោះថយចុះឡើងៗ ដើម្បីរកកន្លែងចូលចត ក្នុងបំណងស្ទូចទម្លាក់ដើមឈើទាំងនោះចុះ ក៏ស្រាប់តែជ្រុលចង្កូតបុកបង្កាន់ដៃប្រឡាយ និងបង្កាន់ដៃស្ពានរបស់ខារ៉ាអូខេ«ដឺវើលដ៏»បាក់ធ្លាក់រថយន្តមួយកំណាត់ខាងមុខដាំដូង ចូលទៅក្នុងប្រឡាយទឹកស្អុយតែម្តង ដោយមុជចំតិតគូទដូចក្នុងរូបថត ។
តាមប្រភពដដែលបានប្រាប់បន្តទៀតថា ពេលដែលរថយន្តធុនធំ ដឹកដើមឈើបានដាំដូងធ្លាក់មួយកំណាត់ខាងមុខ ទៅក្នុងប្រឡាយទឹកស្អុយ គេបានឃើញបុរសអ្នកបើកបររថយន្តម្នាក់ខាងលើ បានលូនចេញពីក្នុងកាប៊ីនរថយន្ត រួចរត់គេចខ្លួនបាត់ស្រមោល ដោយមិនបង្កឱ្យមានមនុស្សណាម្នាក់រងគ្រោះថ្នាក់ឡើយគឺដាក់មេប្រូចយករួចខ្លួនទុកឱ្យម្ចាស់ឡានមកដោះស្រាយទៅចុះ ។
ក្រោយពេលកើតហេតុ ដោយធ្វើឱ្យមានការខូចខាតដល់បង្កាន់ដៃប្រឡាយទឹកដែលជាសម្បត្តិសាធារណៈ និងបង្កាន់ដៃស្ពានរបស់ខារ៉ាអូខេ«ដឺវើលដ៍»នោះ កម្លាំងមានសមត្ថកិច្ចក៏ហៅរថយន្តមកស្ទូច យកទៅរក្សាទុកដើម្បីរង់ចាំធ្វើការដោះស្រាយគ្នាជាបន្តទៅទៀត ដើម្បីថ្ងៃក្រោយឱ្យចេះប្រុងប្រយ័ត្ននិងឱ្យចេះរាង ៕
ចែករំលែកព័តមាននេះ