មនុស្សស្លា.ប់ និងរបួសជាង៣០០នាក់ក្នុងឧបទ្ទវហេតុរត់ជាន់គ្នា នៅឯការប្រកួតបាល់ទាត់មួយ
ឥណ្ឌូណេស៊ី ៖ យ៉ាងហោចណាស់មនុស្ស ១២៧នាក់បានស្លា.ប់ នៅក្នុងឧបទ្ទវហេតុរត់ជាន់គ្នា នៅឯការ
ឥណ្ឌូណេស៊ី ៖ យ៉ាងហោចណាស់មនុស្ស ១២៧នាក់បានស្លា.ប់ នៅក្នុងឧបទ្ទវហេតុរត់ជាន់គ្នា នៅឯការ
ឥណ្ឌូណេស៊ី ៖ យ៉ាងហោចណាស់មនុស្ស ១២៧នាក់បានស្លា.ប់ នៅក្នុងឧបទ្ទវហេតុរត់ជាន់គ្នា នៅឯការប្រកួតបាល់ទាត់នៅក្នុងប្រទេសឥណ្ឌូនេស៊ី បន្ទាប់ពីក្រុមប៉ូលិសបានបា.ញ់ឧស្មន័បង្ហូរទឹកភ្នែក ដើម្បីបំបែកហ្វូងអ្នកគាំទ្រដែលមានការប៉ះទង្គិចគ្នា។
របាយការណ៍ពីអាជ្ញាធរបានបន្ថែមថា មនុស្សប្រហែល ១៨០នាក់បានរងរបួសនៅក្នុងការប៉ះទង្គិចគ្នាដ៏ខ្លាំងក្លាមួយនៅឯកីឡដ្ឋាន Kanjuruhan ដែលមានមូលដ្ឋាននៅខេត្តជ្វាភាគខាងកើត (East Java) នៃកោះជ្វា កាលពីថ្ងៃទី០១ ខែតុលា។ បន្ទាប់ពីក្រុមម្ចាស់ផ្ទះ Arema បានចាញ់ក្រុមភ្ញៀវ Persebaya Surabaya ដោយលទ្ធផល ៣-២ នៃការប្រកួតសប្តាហ៍ទី១១ នៃលីគកំពូលរបស់ឥណ្ឌូណេស៊ី (BRI Liga 1)។
ខ្សែអាត់វីដេអូបានបង្ហាញអំពីអ្នកគាំទ្ររត់សម្រុកចូលទៅទីលានប្រកួត បន្ទាប់ពីអាជ្ញាកណ្តាលបានបន្លឺសំឡេងកញ្ចែបញ្ចប់ការប្រកួត។ លោក Nico Afinta មេប៉ូលិសប្រចាំខេត្តជ្វាភាគខាងកើតបាននិយាយថា បន្ទាប់ពីប៉ូលិសបានបាញ់ឧស្ម័នបង្ហូរទឹកភ្នែក ភា្លមៗនោះបានបង្កជាការរត់ជាន់គ្នានៃហ្វូងមនុស្ស រួមនិងករណីនៃការថប់ដង្ហើមផងដែរ។ ខណៈដែលមន្ត្រីប៉ូលិសចំនួន២នាក់ ស្ថិតក្នុងចំណោមអ្នកស្លា.ប់សរុបទាំង ១២៧នាក់។
លោក Afinta បានបញ្ជាក់ថា មនុស្ស ៣៤នាក់បានស្លា.ប់នៅក្នុងកីឡដ្ឋាន ហើយអ្នកផ្សេងទៀតបានស្លាប់នៅក្នុងមន្ទីរពេទ្យ។ អ្នកគាំទ្របាននាំគ្នាសម្រុកទៅចំណុចមួយនៅច្រកចេញ។ ស្របពេលវីដេអូផ្សេងទៀត ដែលបង្ហោះនៅលើប្រព័ន្ធផ្សព្វផ្សាយសង្គមហាក់ដូចជាបង្ហាញពីសាកស.ពជាច្រើនស្លា.ប់យ៉ាងអាណោចអាធ័មនៅតាមផ្លូវថ្មើរជើង។
ក្រោយកើតមានឧបទ្ទវហេតុរត់ជាន់គ្នាដ៏រន្ធត់នេះ សមាគមកីឡាបាល់ទាត់ឥណ្ឌូនេស៊ី (PSSI) បានអះអាងថា ខ្លួនបានបើកការស៊ើបអង្កេតដោយបន្ថែមថា ឧបទ្ទវហេតុនេះ បានធ្វើឱ្យខូចមុខមាត់បាល់ទាត់របស់ឥណ្ឌូនេស៊ី។ ជាមួយគ្នានោះ សមាគមបាល់ទាត់មួយនេះក៏បានប្រកាសថា លីគកំពូល BRI Liga 1 នឹងត្រូវផ្អាកការប្រកួតរយៈពេលមួយសប្តាហ៍៕ (ដកស្រង់ចេញពី BBC)
ចែករំលែកព័តមាននេះ