ខេត្តប៉ៃលិន ៖ មានករណីគ្រោះថ្នាក់ចរាចរណ៍មួយបានកើតឡើងរវាងម៉ូតូ និងម៉ូតូនៅលើដងផ្លូវជាតិ៥៧ បណ្តាលឱ្យរងរបួសធ្ងន់ស្រាលចំនួន៥នាក់ ខណៈម៉ូតូមួយគ្រឿងបើកបរនៅលើផ្លូវជាតិ ស្រាប់តែម៉ូតូមួយគ្រឿងទៀត
ខេត្តប៉ៃលិន ៖ មានករណីគ្រោះថ្នាក់ចរាចរណ៍មួយបានកើតឡើងរវាងម៉ូតូ និងម៉ូតូនៅលើដងផ្លូវជាតិ៥៧ បណ្តាលឱ្យរងរបួសធ្ងន់ស្រាលចំនួន៥នាក់ ខណៈម៉ូតូមួយគ្រឿងបើកបរនៅលើផ្លូវជាតិ ស្រាប់តែម៉ូតូមួយគ្រឿងទៀតចុះពីលើទួលឆ្លងផ្លូវក្នុងល្បឿនលឿនបណ្តាលឱ្យបុកគ្នាពេញទំហឹងរងរបួសធ្ងន់ស្រាលតែម្តង ។ ហេតុការណ៍នេះបានកើតឡើងនៅវេលាម៉ោង៨និង២០នាទីព្រឹក ថ្ងៃទី៧ មីនា ត្រង់ចំណុចមុខវត្តរតនសោភ័ណ ហៅកោងកាង ស្ថិតក្នុងភូមិវត្ត សង្កាត់ប៉ៃលិន ក្រុងប៉ៃលិន ។
បើតាមលោកអនុសេនីយ៍ទោ ហែន ពុច នាយរងផ្នែកដំណោះស្រាយគ្រោះថ្នាក់ចរាចរណ៍បានឱ្យដឹងថា មូលហេតុដែលបណ្តាលឱ្យកើតករណីគ្រោះថ្នាក់ចរាចរណ៍នេះគឺបណ្តាលមកពីកត្តាមនុស្សបើកបរមិនគោរពសិទ្ធិអាទិភាពដោយជនរងគ្រោះទី១ជាអ្នកបើកបរម៉ូតូ ឈ្មោះ មាស់ វុធលីហេង ភេទប្រុស អាយុ១៨ឆ្នាំ ជាសិស្ស រស់នៅភូមិអូតាពុកលើ សង្កាត់ប៉ៃលិន ក្រុងប៉ៃលិន រងរបួសស្រាល បើកបរម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខប៉ៃលិន 1B-2966 រងការខូចខាតធ្ងន់ អ្នករួមដំណើរទី១-ឈ្មោះ ពៅ អ៊ីឆាយ ភេទប្រុស អាយុ១៧ឆ្នាំ ជាសិស្ស រស់នៅភូមិអូរតាពុកលើ សង្កាត់ប៉ៃលិន ក្រុងប៉ៃលិន រងរបួសស្រាល អ្នករួមដំណើរទី២-ឈ្មោះ ពៅ ភូយូ ភេទប្រុស អាយុ១៥ឆ្នាំ រស់នៅភូមិអូរតាពុក សង្កាត់ប៉ៃលិន ក្រុងប៉ៃលិន រងរបួសស្រាល អ្នកបើកបរម៉ូតូឈ្មោះ ឈិត បូរ៉ា អាយុ១៧ឆ្នាំ ភេទប្រុស ជាជាងជួសជុលម៉ូតូ រស់នៅភូមិអូរតាពុកលើ សង្កាត់ប៉ៃលិន ក្រុងប៉ៃលិន រងរបួសធ្ងន់បើកបរម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ បាត់ដំបង 1D-6209 និងអ្នករួមដំណើរឈ្មោះ លាម ភេទប្រុស អាយុ១៨ឆ្នាំ ជាជាងជួសជុលម៉ូតូ រស់នៅភូមិអូរតាពុកលើ សង្កាត់ប៉ៃលិន ក្រុងប៉ៃលិន រងរបួសធ្ងន់ ។
ក្រោយពេលកើតហេតុសមត្ថកិច្ចនគរបាលបានហៅរថយន្តសង្គ្រោះដឹកជនរងគ្រោះទាំង អស់យកទៅព្យាបាលនៅមន្ទីរពេទ្យបង្អែកខេត្ត ។ ចំណែកម៉ូតូទាំង២គ្រឿងត្រូវសមត្ថកិច្ចអូសយកមករក្សាទុកនៅស្នងការដ្ឋាននគរបាលខេត្តប៉ៃលិនដើម្បីដោះស្រាយទៅតាមផ្លូវច្បាប់ ៕
ចែករំលែកព័តមាននេះ