អាជ្ញាធរម៉ាឡេស៊ីប្រកាសនាថ្ងៃទី៧ មីនាថា មនុស្ស៧នាក់ត្រូវចាប់ខ្លួនកាលពីខែមុន ហើយពួកគេជាប់សង្ស័យថាមានទំនាក់ទំនងជាមួយបណ្តាក្រុមរ៉ាឌីកាល់ក្នុងនោះមានក្រុមរដ្ឋអ៊ិស្លាមផងរៀបចំការវាយប្រហារ
អាជ្ញាធរម៉ាឡេស៊ីប្រកាសនាថ្ងៃទី៧ មីនាថា មនុស្ស៧នាក់ត្រូវចាប់ខ្លួនកាលពីខែមុន ហើយពួកគេជាប់សង្ស័យថាមានទំនាក់ទំនងជាមួយបណ្តាក្រុមរ៉ាឌីកាល់ក្នុងនោះមានក្រុមរដ្ឋអ៊ិស្លាមផងរៀបចំការវាយប្រហារភេរវកម្មមួយប្រឆាំងបណ្តាសមាជិកគ្រួសាររាជវង្សអារ៉ាប៊ីសាអ៊ូឌីត ។
ការចាប់ខ្លួនមនុស្សទាំងនោះកើតមានមុនទស្សនកិច្ចនៅម៉ាឡេស៊ីនាថ្ងៃទី២៦ កុម្ភៈ របស់ព្រះមហាក្សត្រ SALMAN របស់អារ៉ាប៊ីសាអ៊ូឌីត ។ ប្រមុខប៉ូលិសម៉ាឡេស៊ីលោក KHALID ABU BAKAR ថ្លែងទៅកាន់សារព័ត៌មានថា មនុស្សទាំងនោះរៀបចំការវាយប្រហារភេរវកម្មមួយប្រឆាំងបណ្តាសមាជិកគ្រួសាររាជវង្សអារ៉ាប៊ីសាអ៊ូឌីត ពេលមកបំពេញទស្សនកិច្ចនៅទីក្រុងគូឡាឡាំពួរ ។ យើងចាប់បានពួកគេទាន់ពេលវេលា ។
ការចាប់ខ្លួនមនុស្សទាំង៧នាក់នោះដែលមានជនបរទេស៦នាក់ ត្រូវបានប្រកាសកាលពីថ្ងៃទី៥ មីនា ។ អាជ្ញាធរម៉ាឡេស៊ីស្ថិតក្នុងស្ថានភាពប្រុងជើងការ ចាប់តាំងពីការវាយប្រហាររបស់ក្រុមរដ្ឋអ៊ិស្លាម កាលពីខែមករា ឆ្នាំទៅមិញ នៅក្រុងហ្សាការតា រដ្ឋធានីឥណ្ឌូណេស៊ីមក ៕
ចែករំលែកព័តមាននេះ