ប្រធានាធិបតីអាមេរិកលោកដូណាល់ ត្រាំ កាលពីថ្ងៃទី៦ មីនា បានចុះហត្ថលេខាលើក្រិត្យថ្មីស្តីពីអន្តោប្រវេសន៍ដែលនៅតែមានភាពចម្រូងចម្រាស់ខ្លាំងព្រោះកម្រិតយ៉ាងខ្លាំងលទ្ធភាពនៃការធ្វើដំណើរមកកាន់សហរដ្ឋអាមេរិក
ប្រធានាធិបតីអាមេរិកលោកដូណាល់ ត្រាំ កាលពីថ្ងៃទី៦ មីនា បានចុះហត្ថលេខាលើក្រិត្យថ្មីស្តីពីអន្តោប្រវេសន៍ដែលនៅតែមានភាពចម្រូងចម្រាស់ខ្លាំងព្រោះកម្រិតយ៉ាងខ្លាំងលទ្ធភាពនៃការធ្វើដំណើរមកកាន់សហរដ្ឋអាមេរិកសម្រាប់ជនជាតិប្រទេស៦ដែលមានសាសនិកអ៊ិស្លាមភាគច្រើន ។
ប្រទេសអីុរ៉ាក់ដែលទាក់ទិននឹងក្រិត្យទីមួយស្តីពីអន្តោប្រវេសន៍នោះលើកនេះត្រូវបានដកចេញខុសពីស៊ូដង់ ស៊ីរី អីុរ៉ង់ លីប៊ី សូម៉ាលី និងយេម៉ែន ។ ម្យ៉ាងទៀតបណ្តាអ្នកមានប័ណ្ណបៃតងនិងមានទិដ្ឋាការនឹងត្រូវបានការពាររួចនឹងអាចបន្តមកកាន់សហរដ្ឋអាមេរិក ។
ក្រិត្យថ្មីនេះនឹងចូលជាធរមានចាប់ពីថ្ងៃទី១៦ មីនា ទៅ សម្រាប់រយៈពេល៩០ថ្ងៃ ។ នេះបើតាមឯកសារនានាចេញផ្សាយកាលពីថ្ងៃទី៦ មីនា ដោយក្រសួងសន្តិសុខផ្ទៃក្នុងអាមេរិក ។ ការផ្អាកទទួលជនភៀសខ្លួនក៏នៅតែរក្សាទុកសម្រាប់រយៈពេល១២០ថ្ងៃ ក៏ប៉ុន្តែចំពោះពួកអ្នកដែលធ្វើដំណើរមកកាន់សហរដ្ឋអាមេរិកមានកម្មវិធីរួចហើយ អាចមានសិទ្ធិមកបាន ។
ក្រិត្យទីមួយរបស់លោកត្រាំដែលចុះហត្ថលេខា១សប្តាហ៍ក្រោយលោកចូលកាន់អំណាចបង្កើតការក្តៅក្រហាយទូទាំងពិភពលោក ។ ក្រិត្យនោះត្រូវគេចោទថាប្រកាន់ការរើសអើងចំពោះជនអ៊ិស្លាមដែលផ្ទុយពីរដ្ឋធម្មនុញ្ញ ។ ក្រិត្យទី២នេះអាចរំលងឧបសគ្គរបស់តុលាការ ដែលផ្អាកការអនុវត្តក្រិត្យទីមួយកាលពីថ្ងៃទី៣ កុម្ភៈ ៕
ចែករំលែកព័តមាននេះ