ប្រទេសកូរ៉េខាងជើងអះអាងកាលពីថ្ងៃទី៧ មីនា ថា ការបាញ់បណ្តាមីស៊ីលបាលីស្ទិករបស់ខ្លួន គឺជាការហ្វឹកហ្វឺនមួយសំដៅវាយប្រហារបណ្តាមូលដ្ឋានយោធាអាមេរិកនៅជប៉ុន ខណៈការថ្កោលទោសប្រទេសនេះដែល
ប្រទេសកូរ៉េខាងជើងអះអាងកាលពីថ្ងៃទី៧ មីនា ថា ការបាញ់បណ្តាមីស៊ីលបាលីស្ទិករបស់ខ្លួន គឺជាការហ្វឹកហ្វឺនមួយសំដៅវាយប្រហារបណ្តាមូលដ្ឋានយោធាអាមេរិកនៅជប៉ុន ខណៈការថ្កោលទោសប្រទេសនេះដែលមានអាវុធនុយក្លេអ៊ែរផ្ទុះឡើងគ្រប់កន្លែង ។
ក្នុងចំណោមមីស៊ីលដែលបាញ់ចេញកាលពីថ្ងៃទី៦ មីនា ៣គ្រាប់បានធ្លាក់ប្រកបដោយគ្រោះថ្នាក់ជិតប្រទេសជប៉ុនគឺក្នុងតំបន់សេដ្ឋកិច្ចដាច់មុខ ZEE របស់ប្រទេសនេះ ដែលនោះជាការផ្គើនថ្មីដល់សហគមន៍អន្តរជាតិ និងប្រធានាធិបតីអាមេរិកលោកដូណាល់ ត្រាំ ។
លោកត្រាំ ក្នុងកិច្ចសន្ទនាតាមទូរស័ព្ទអះអាងជាថ្មីពីការធានារបស់ប្រទេសលោកនៅពីក្រោយសម្ព័ន្ធមិត្តជប៉ុន និងកូរ៉េខាងត្បូង ។
ចំណែកក្រុមប្រឹក្សាសន្តិសុខ អ.ស.ប នឹងរួមប្រជុំនាថ្ងៃទី៨ មីនា តាមសំណើរបស់ក្រុងតូក្យូ និងក្រុងសេអ៊ូល ដើម្បីពិភាក្សាពីការបាញ់មីស៊ីលបាលីស្ទិកថ្មីទាំងនេះរបស់ក្រុងព្យុងយ៉ាង ។
បណ្តាដំណោះស្រាយ អ.ស.ប ហាមឃាត់ក្រុងព្យុងយ៉ាងមិនឱ្យមានរាល់កម្មវិធីនុយក្លេអ៊ែរ ឬបាលីស្ទិក ។ ក៏ប៉ុន្តែការដាក់ទណ្ឌកម្ម៦លើករួចមកហើយ នៅតែពុំអាចជម្រុញឱ្យរបបលោកគីម ជុងអ៊ុន បោះបង់ចោលមហិច្ឆតាយោធារបស់ខ្លួន ។
យោងតាមទីភ្នាក់ងារព័ត៌មានកូរ៉េខាងជើង KCNA ថា ការបាញ់មីស៊ីលកាលពីថ្ងៃទី៦ មីនា ត្រូវបានតាមដានត្រួតពិនិត្យផ្ទាល់ដោយលោកគីម ជុងអ៊ុន ។ លោកគីម ជុងអ៊ុន ស្រែកច្រៀងសរសើរដល់កងឯកភាពកាំភ្លើងធំ HWOSONG ដែលជាអ្នកបាញ់មីស៊ីលទាំងនេះ ។ លោកគីម ជុងអ៊ុន និយាយថា មីស៊ីលបាលីស្ទីក៤គ្រាប់ដែលបាញ់ចេញដំណាលគ្នាពិតជាអស្ចារ្យដោយមីស៊ីលទាំងនោះហោះហើរដល់យន្តហោះពេលហោះសម្តែងឫទ្ធិ ។ លោកបន្តថា ទិសដៅគឺវាយប្រហារបណ្តាមូលដ្ឋានយោធារបស់អ្នកឈ្លានពានចក្រពត្តិនិយមអាមេរិកនៅជប៉ុន ក្នុងករណីចាំបាច់ ។ ការបាញ់មីស៊ីលទាំងនេះជាការបង្ហាញថា កូរ៉េខាងជើងត្រៀមលុបចោលពីផែនដីកងកម្លាំងសត្រូវតាមមធ្យោបាយនៃការវាយប្រហារនុយក្លេអ៊ែរដោយគ្មានការត្រាប្រណី ។
បណ្តារូបភាពចេញផ្សាយដោយកាសែត RODONG SINMUN គេឃើញលោកគីម ជុងអ៊ុន តាមដានមើលបណ្តាមីស៊ីលពេលកំពុងហោះហើរលើអាកាសដោយលោកទះដៃអបអរសាទរទាំងញញឹមពព្រាយអមដោយបណ្តាអ្នកទទួលខុសត្រូវកូរ៉េខាងជើង ៕
ចែករំលែកព័តមាននេះ