លោកមេបញ្ជាការរងខេត្តម្នាក់ស្លាប់នៅនឹងកន្លែង…
ខេត្តឧត្តរមានជ័យ ៖ នាយទាហានម្នាក់ផឹកស៊ីស្រវឹងជោកហើយបើកបររថយន្តជួបគ្រោះថ្នាក់ចរាចរណ៍ស្លាប់បាត់បង់ជីវិតនៅនឹងកន្លែងកើតហេតុភ្លាមៗ កាលពីវេលាម៉ោង៧និង៣០នាទីយប់ ថ្ងៃទី៦ មីនា
ខេត្តឧត្តរមានជ័យ ៖ នាយទាហានម្នាក់ផឹកស៊ីស្រវឹងជោកហើយបើកបររថយន្តជួបគ្រោះថ្នាក់ចរាចរណ៍ស្លាប់បាត់បង់ជីវិតនៅនឹងកន្លែងកើតហេតុភ្លាមៗ កាលពីវេលាម៉ោង៧និង៣០នាទីយប់ ថ្ងៃទី៦ មីនា ។ ហេតុការណ៍នេះកើតឡើងនៅតាមបណ្តោយផ្លូវលំក្រាលគ្រួសក្រហមក្រវ៉ាត់ព្រំដែន ក្នុងភូមិសែនមនោរម្យ ឃុំគោកខ្ពស់ ស្រុកបន្ទាយអម្ពឹល ។
ជនរងគ្រោះឈ្មោះ ទៀង សាខន ភេទប្រុស អាយុ៥៩ឆ្នាំ មានឋានន្តរសក្តិវរសេនីយ៍ឯក ជាមេបញ្ជាការសឹករងខេត្ត រស់នៅភូមិសំរោង សង្កាត់សំរោង ក្រុងសំរោង បើកបរថយន្តមួយគ្រឿងម៉ាក Lexus RX-300 ស៊េរីឆ្នាំ២០០១ ពណ៌ស្ករ ពាក់ស្លាកលេខ ភ្នំពេញ 2K-9569 បើកបរក្នុងស្ថានភាពស្រវឹងបណ្តាលឲ្យបុកបង្កាន់ដៃស្ពានស្លាប់ ។
ប៉ូលិសស្រុកបន្ទាយអម្ពឹកបានឱ្យដឹងថា ក្រោយពីកើតហេតុសមត្ថកិច្ចប៉ូលិសបានចុះទៅដល់កន្លែងកើតហេតុដើម្បីធ្វើការវាស់វែង និងធ្វើការសាកសួរព័ត៌មានហើយមានគេអះអាងថា មុនពេលកើតហេតុជនរងគ្រោះបានផឹកស៊ីស្រវឹងជោកជាំ ហើយបើកបររថយន្តក្នុងល្បឿនលឿនពេក បណ្តាលឱ្យធ្លាក់ពីលើផ្លូវលំក្រឡាប់ជាច្រើនត្រឡប់ស្លាប់បាត់បង់ជីវិត ៕
ចែករំលែកព័តមាននេះ