មកស្គាល់កីឡដ្ឋានទាំង៨ នៃក្របខណ្ឌបាល់ទាត់លីគកំពូលកម្ពុជាឆ្នាំ២០២២
- ភ្នំពេញ
រាជធានីភ្នំពេញ ៖ ប្រវត្តិសាស្ត្រលើកដំបូងនៃក្របខណ្ឌបាល់ទាត់លីគកំពូលកម្ពុជា Cambodian
រាជធានីភ្នំពេញ ៖ ប្រវត្តិសាស្ត្រលើកដំបូងនៃក្របខណ្ឌបាល់ទាត់លីគកំពូលកម្ពុជា Cambodian Premier League ដែលក្លិបទាំងអស់មានកីឡដ្ឋានក្នុងការបម្រើដល់ការប្រកួតជាម្ចាស់ផ្ទះរៀងៗខ្លួន ដែលស្របតាមរបត់ថ្មីនៃកំណែទម្រង់ ក្រុមលីគបាល់ទាត់កម្ពុជា ។ នេះជាការវិត្តថ្មីបន្ថែមទៀតសម្រាប់វិស័យបាល់ទាត់កម្ពុជាក្នុងឆ្នាំ២០២២នេះតែបើយើងក្រឡេកទៅប៉ុន្មានឆ្នាំមុន ដែលការប្រកួតបាល់ទាត់ជាតិនេះប្រើប្រាស់តែពហុកីឡដ្ឋានជាតិអូឡាំពិកតែមួយប៉ុណ្ណោះ។
ឥឡូវនេះយើងមកស្គាល់កីឡដ្ឋានទាំង៨នៃក្របខណ្ឌលីគកំពូលកម្ពុជាឆ្នាំ២០២២នេះដែលបានបង្ហាញដោយក្រុមហ៊ុនលីគបាល់ទាត់កម្ពុជា Cambodian Premier League ៖
១.កីឡដ្ឋាន ព្រីនស៍ (Prince Stadium) ស្ថិតក្នុងរាធានីភ្នំពេញ ដែលជាទឹកដីរបស់ក្លិបបាល់ទាត់វិសាខា
២.កីឡដ្ឋាន កងយោធពលខេមរភូមិន្ទ (Army Stadium) ស្ថិតក្នុងរាធានីភ្នំពេញ ដែលជាទឹកដីរបស់ក្លិបបាល់ទាត់កងយោធពលខេមរភូមិន្ទ Tiffy Army FC
៣.កីឡដ្ឋាន ហនុមាន Hanuman Stadium ស្ថិតក្នុងខេត្តសៀមរាប ដែលជាទឹកដីរបស់ក្លិបបាល់ទាត់អង្គរថាយហ្គឺរ
៤.កីឡដ្ឋាន ស្មាត អរ.អេស.អិន (Smart RSN Stadium) ស្ថិតក្នុងរាធានីភ្នំពេញ ដែលជាទឹកដីរបស់ក្លិបបាល់ទាត់ភ្នំពេញក្រោន
៥.កីឡដ្ឋាន កំពង់ស្ពឺ (Kampong Speu Stadium) ស្ថិតក្នុងខេត្តកំពង់ស្ពឺ ដែលជាទឹកដីរបស់ក្លិបបាល់ទាត់ណាហ្គាវើលដ៍
៦.កីឡដ្ឋានខេមបូឌាអ៊ែវ៉ែ (Cambodia Airways Stadium) ស្ថិតក្នុងរាធានីភ្នំពេញ ដែលជាទឹកដីរបស់ក្លិបបាល់ទាត់បឹងកេត
៧.កីឡដ្ឋានស្វាយរៀង (Svay Rieng Stadium) ស្ថិតក្នុងខេត្តស្វាយរៀង ដែលជាទឹកដីរបស់ក្លិបបាល់ទាត់ព្រះខ័នរាជស្វាយរៀង
៨.កីឡដ្ឋានគីរីវង់សុខសែនជ័យ (Kirivong Sok Sen Chey Stadium) ស្ថិតក្នុងខេត្តតាកែវ ដែលជាទឹកដីរបស់ក្លិបបាល់ទាត់គីរីវង់សុខសែនជ័យ៕
ចែករំលែកព័តមាននេះ