គ្រោះថ្នាក់ចរាចរណ៍ម៉ូតូ និងរថយន្ត ស្លាប់ម្នាក់របួសធ្ងន់២នាក់
រាជធានីភ្នំពេញ ៖ នៅវេលាម៉ោង៨និង១០នាទី ស្ថិតនៅតាមបណ្ដោយផ្លូវជាតិលេខ៤ ក្នុងភូមិអង្គ សង្កាត់ចោមចៅ ខណ្ឌពោធិសែនជ័យ ទល់មុខបុរីញូវថោន
រាជធានីភ្នំពេញ ៖ នៅវេលាម៉ោង៨និង១០នាទី ស្ថិតនៅតាមបណ្ដោយផ្លូវជាតិលេខ៤ ក្នុងភូមិអង្គ សង្កាត់ចោមចៅ ខណ្ឌពោធិសែនជ័យ ទល់មុខបុរីញូវថោន បណ្ដាលមនុស្សម្នាក់ស្លាប់ និង២នាក់ទៀតរងរបួស។
តាមប្រភពពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញមានបុរស៣នាក់ជិះម៉ូតូឌុបគ្នា ក្នុងទិសដៅពីលិចទៅកើត លុះមកដល់ចំណុចកើតហេតុមានរថយន្ត១គ្រឿងធ្វើដំណើរក្នុងទិសដៅផ្ទុយគ្នាបានបុកម៉ូតូរងគ្រោះ ហើយម៉ូតូរេចង្កូតជ្រុលល្បឿនទៅបុករថយន្តម៉ាកសាំយ៉ុងពណ៌ស ១គ្រឿងទៀតបណ្ដាលឲ្យ អ្នកជិះម៉ូតូម្នាក់ស្លាប់នៅនឹងកន្លែងកើតហេតុ ខណៈ២នាក់ទៀតកំពុងរងរបួសធ្ងន់ ត្រូវបានរថយន្តសង្គ្រោះរបស់គ្លីនិកបែកចាន ដឹកយកទៅព្យាបាលរបួសភ្លាមៗផងដែរ។
បងប្រុសរបស់សាកសពបានប្រាប់ថា សាកសពមានឈ្មោះ រឿន ផានិត ហៅប៉ែត អាយុ២៣ឆ្នាំ មុខរបរកម្មករសំណង់ រស់នៅភូមិព្រៃពពេល ឃុំក្រាំងម្កាក់ ស្រុកអង្គស្នួល ខេត្តកណ្តាល។ ក្រោយពេលកើតហេតុ សមត្ថកិច្ចរង់ចាំសាច់ញាតិដើម្បីមកទទួលសព យកទៅធ្វើបុណ្យទៅតាមប្រពៃណី៕
ចែករំលែកព័តមាននេះ